ಎಲ್ಲೆ ಇಲ್ಲದ ಮಹಿಳಾ ದೌರ್ಜನ್ಯಗಳು: ಪ್ರತಿದಿನ 53 ಪ್ರಕರಣಗಳು!: ವರದಿ

                  ತಿರುವನಂತಪುರಂ: ಪ್ರಕರಣಗಳು ದಾಖಲಾಗುತ್ತಿದ್ದರೂ ಕಠಿಣ ಶಿಕ್ಷೆಯಿಲ್ಲದೆ ಮಹಿಳೆಯರ ಮೇಲಿನ ದೌರ್ಜನ್ಯ ಮುಂದುವರಿದಿದೆ.

                ಕಳೆದ ಆರು ತಿಂಗಳ ಅಂಕಿಅಂಶದಂತೆ ರಾಜ್ಯಾದ್ಯಂತ 9501 ಪ್ರಕರಣಗಳು ದಾಖಲಾಗಿವೆ ವರದಕ್ಷಿಣೆ ಕಿರುಕುಳದಿಂದ ಮೂರು ಸಾವುಗಳು ಸಂಭವಿಸಿವೆ.

                 ರಾಜ್ಯದಲ್ಲಿ ಪ್ರತಿದಿನ ಸರಾಸರಿ 53 ಪ್ರಕರಣಗಳು ದಾಖಲಾಗುತ್ತಿವೆ. ಪತಿ ಮತ್ತು ಸಂಬಂಧಿಕರಿಂದ ಕಿರುಕುಳ ಪ್ರಕರಣದಲ್ಲಿ  ರಾಜ್ಯದಲ್ಲಿ 2327 ಪ್ರಕರಣಗಳು ಮಾತ್ರ ದಾಖಲಾಗಿವೆ. 1338 ಅತ್ಯಾಚಾರ ಪ್ರಕರಣಗಳು ಮತ್ತು 2330 ಮಾನನಷ್ಟ ಪ್ರಕರಣಗಳನ್ನು ಪೋಲೀಸರು ತೆಗೆದುಕೊಂಡಿದ್ದಾರೆ. 53 ಮಹಿಳೆಯರನ್ನು ಅಪಹರಿಸಲಾಗಿದೆ. 3144 ಇತರ ಉಲ್ಲಂಘನೆಗಳಿವೆ. ಕಿರುಕುಳ ಮತ್ತು ಅಶ್ಲೀಲ ಭಾಷೆ ಬಳಸಿದಕ್ಕೆ ರಾಜ್ಯದಲ್ಲಿ 306 ಪ್ರಕರಣಗಳು ದಾಖಲಾಗಿವೆ. 2023ರಲ್ಲಿ ರಾಜ್ಯಾದ್ಯಂತ ಮಹಿಳೆಯರ ಮೇಲಿನ ದೌರ್ಜನ್ಯದ 18,980 ಪ್ರಕರಣಗಳನ್ನು ಪೋಲೀಸರು ದಾಖಲಿಸಿದ್ದಾರೆ. 2022 ರಲ್ಲಿ, ಇದು 18,943 ಆಗಿತ್ತು. 2023 ರಲ್ಲಿ, ವರದಕ್ಷಿಣೆ ಹಿಂಸೆಯಿಂದಾಗಿ 2022 ರಲ್ಲಿ ಹನ್ನೊಂದು ಮಂದಿ ಸ್ತ್ರೀಯರು ಜೀವಕಳಕೊಂಡಿದ್ದಾರೆ.

             ಮಹಿಳಾ ಆಯೋಗಗಳು, ಮಹಿಳಾ ರಕ್ಷಣಾ ಸಮಿತಿಗಳು ಸೇರಿದಂತೆ ಸರ್ಕಾರಿ, ಅರೆ ಸರ್ಕಾರಿ ಹಾಗೂ ಖಾಸಗಿ ಸಂಸ್ಥೆಗಳಿರುವಾಗಲೂ ಮಹಿಳೆಯರ ಮೇಲಿನ ದೌರ್ಜನ್ಯ ಮುಂದುವರಿದಿದೆ. ಪ್ರಕರಣಗಳನ್ನು ದಾಖಲಿಸಿದರೂ, ಆಗಾಗ್ಗೆ ಅಪರಾಧಿಗಳು ಸಾಕ್ಷ್ಯಾಧಾರಗಳ ಕೊರತೆಯಿಂದ ತಪ್ಪಿಸಿಕೊಳ್ಳುತ್ತಾರೆ ಅಥವಾ ಲಘು ಶಿಕ್ಷೆಯನ್ನು ಪಡೆಯುತ್ತಾರೆ. ಮಹಿಳೆಯರ ಮೇಲಿನ ದೌರ್ಜನ್ಯ ಹೆಚ್ಚಾಗಲು ಇದೇ ಕಾರಣ ಎಂಬ ಆರೋಪ ಕೇಳಿಬಂದಿದೆ.