ಬಿಎಸ್​ಎನ್​ಎಲ್​ 5ಜಿ ಸಿಮ್ ಬಿಡುಗಡೆಗೆ ಸಜ್ಜು..ಆಗಸ್ಟ್​ ನಲ್ಲೇ ಸಿಗಲಿದೆ ಹೈ ಸ್ಪೀಡ್ ಇಂಟರ್ನೆಟ್!

 ನವದೆಹಲಿ: ಟೆಲಿಕಾಂ ಖಾಸಗಿ ಸಂಸ್ಥೆಗಳೊಂದಿಗೆ ಸ್ಪರ್ಧಿಸಲಾಗದೆ ನೆಲಕಚ್ಚಿದ್ದ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (ಬಿಎಸ್‌ಎನ್‌ಎಲ್) ಮತ್ತೆ ಪುಟಿದೇಳಲು ತಯಾರಿ ನಡೆಸುತ್ತಿದೆ. ಇದರ ಭಾಗವಾಗಿ 4ಜಿ ಮತ್ತು 5ಜಿ ಸಂಪರ್ಕದೊಂದಿಗೆ ಗ್ರಾಹಕರನ್ನು ಆಕರ್ಷಿಸಲು ಪ್ರಯತ್ನಿಸುತ್ತಿದೆ.

ಎಲ್ಲ ಅಂದುಕೊಂಡಂತೆ ಆದರೆ ಶೀಘ್ರ ಉತ್ತಮ ಸ್ಕೀಂಗಳೊಂದಿಗೆ ಜನರಿಗೆ ಸೇವೆ ಒದಗಿಸಲಿದೆ.

ಕಳೆದ ತಿಂಗಳು, ಜಿಯೋ, ಏರ್‌ಟೆಲ್, ಮುಂತಾದ ಟೆಲಿಕಾಂ ಸಂಸ್ಥೆಗಳು ಸೇವಾ ಶುಲ್ಕವನ್ನು ಹೆಚ್ಚಿಸಿದ್ದವು. ಈ ಹಿನ್ನೆಲೆಯಲ್ಲಿ ಬಳಕೆದಾರರಿಗೆ ಕೈಗೆಟಕುವ ದರದಲ್ಲಿ ಸೇವೆಗಳನ್ನು ಒದಗಿಸಲು ಬಿಎಸ್​ಎನ್​ಎಲ್​ ಉದ್ದೇಶಿಸಿದೆ. ಅದರ 5ಜಿ ನೆಟ್‌ವರ್ಕ್ ಮೂಲಕ ಹೆಚ್ಚಿನ ವೇಗದ ಇಂಟರ್ನೆಟ್ ಮತ್ತು ವರ್ಧಿತ ಕರೆ ವೈಶಿಷ್ಟ್ಯಗಳನ್ನು ನೀಡಲು ಯೋಜಿಸಿದೆ.

ಬಿಎಸ್​ಎನ್​ಎಲ್​ 5ಜಿ ಬಳಸಿಕೊಂಡು ಮೊದಲ ಕರೆಯನ್ನು ಈಗಾಗಲೇ ಯಶಸ್ವಿಯಾಗಿ ಮಾಡಲಾಗಿದೆ. ಕೇಂದ್ರ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಅವರು ಬಿಎಸ್​ಎನ್​ಎಲ್​ 5ಜಿ ನೆಟ್‌ವರ್ಕ್ ಬಳಸಿ ಉದ್ಘಾಟನಾ ಕರೆಯನ್ನು ಮಾಡಿದರು. ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲೂ ಹಾಕಲಾಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ, ಈ ತಿಂಗಳ ಅಂತ್ಯದ ವೇಳೆಗೆ ಬಿಎಸ್​ಎನ್​ಎಲ್​ 5ಜಿ ಸೇವೆಗಳು ಲಭ್ಯವಾಗಬಹುದು.

ಮೊದಲನೆಯದಾಗಿ ಬಿಎಸ್​ಎನ್​ಎಲ್​ 5ಜಿ ಸೇವೆಗಳು ದೇಶದ ಪ್ರಮುಖ ನಗರಗಳಲ್ಲಿ ಗ್ರಾಹಕರಿಗೆ ಲಭ್ಯವಿರುತ್ತವೆ. ಅದರ ನಂತರ, ಅವರು ದೇಶದಾದ್ಯಂತ ವಿಸ್ತರಿಸಲಾಗುತ್ತದೆ.

ಬಿಎಸ್​ಎನ್​ಎಲ್​ 5ಜಿ ಸಿಮ್ ಕಾರ್ಡ್ ಅನ್‌ಬಾಕ್ಸಿಂಗ್‌ಗೆ ಸಂಬಂಧಿಸಿದ ವೀಡಿಯೊ ಪ್ರಸ್ತುತ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಇದು 5ಜಿ ಲೇಬಲ್‌ಗಳೊಂದಿಗೆಬಿಎಸ್​ಎನ್​ಎಲ್​ ಬ್ರ್ಯಾಂಡ್ ಸಿಮ್ ಕಾರ್ಡ್‌ಗಳ ವೀಡಿಯೋವಾಗಿದೆ. ಮಹಾರಾಷ್ಟ್ರದ ಬಿಎಸ್‌ಎನ್‌ಎಲ್ ಕಚೇರಿಯಲ್ಲಿ ಈ ವಿಡಿಯೋ ಚಿತ್ರೀಕರಣವಾಗಿದೆಯಂತೆ. ಆದರೆ ಇದುವರೆಗೂ ಈ ವಿಡಿಯೋ ಬಗ್ಗೆ ಬಿಎಸ್‌ಎನ್‌ಎಲ್ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.