ಸಕಲ ಕರ್ಮಕಾಂಡವನ್ನೂ ಬಯಲಿಗೆಳೆದ ವುಮೆನ್ ಇನ್ ಸಿನಿಮಾ ಕಲೆಕ್ಟಿವ್: ಚಿತ್ರರಂಗದಲ್ಲಿ ಹೊಸ ಅಧ್ಯಾಯವನ್ನೇ ಬರೆದ ಕೇರಳದ ಮಹಿಳಾ ತಾರಾಮಣಿಗಳು

 ಸಿನಿಮಾದಲ್ಲಿ ಸ್ಟಾರ್ ಪಟ್ಟ ಸಿಗುವುದು ಹೆಣ್ಣನ್ನು ಬೇಕಾದಂತೆ ಬಳಸಲಿರುವ ಲೈಸೆನ್ಸ್ ಎಂದು ಮಲಯಾಳಂ ಚಿತ್ರರಂಗದಲ್ಲಿ ಕೆಲವರು ಅನುಸರಿಸುತ್ತಿದ್ದ ಅಲಿಖಿತ ನಿಯಮ ನೆಲಕ್ಕಚ್ಚಿದೆ. 

           ಮಲಯಾಳಂ ಚಿತ್ರರಂಗದಲ್ಲಿ ಈ ಪುರುಷ ಪ್ರಾಬಲ್ಯಕ್ಕೆ ಸವಾಲೆಸೆದ ವುಮೆನ್ ಇನ್ ಸಿನಿಮಾ ಕಲೆಕ್ಟಿವ್ (ಡಬ್ಲ್ಯುಸಿಸಿ) ಎಂಬ ಗುಂಪನ್ನು ಮುಖ್ಯವಾಹಿನಿಯ ಚಲನಚಿತ್ರ ನಿರ್ಮಾಪಕರು ಸ್ತ್ರೀವಾದಿಗಳೆಂದು ಕರೆಯುವ ಮೂಲಕ ದುರುಪಯೋಗಪಡಿಸಿಕೊಂಡರು.

           ಪಾರ್ವತಿ ತಿರುವೋತ್, ಮಂಜು ವಾರಿಯರ್, ಭಾವನಾ, ಗೀತು ಮೋಹನ್‍ದಾಸ್, ರೇವತಿ, ಅಂಜಲಿಮೆನನ್, ದೀದಿ ದಾಮೋದರನ್, ವಿಧು ವಿನ್ಸೆಂಟ್, ರಿಮಾ ಕಲ್ಲಿಂಗಲ್, ಪದ್ಮಪ್ರಿಯಾ, ಬೀನಾಪಾಲ್, ಕಾವ್ಯಾ ನಂಬೀಶನ್ ಸೇರಿದಂತೆ ಹಲವರು ಡಬ್ಲ್ಯುಸಿಸಿ ಸದಸ್ಯರಾಗಿದ್ದಾರೆ. ರಣಜಿ ಪಣಿಕ್ಕರ್ ಅವರ ಮಗ ಚಿತ್ರದಲ್ಲಿ ಮಮ್ಮುಟ್ಟಿ ಅವರ ಸ್ತ್ರೀದ್ವೇಷದ ಸಂಭಾಷಣೆಯನ್ನು ಟೀಕಿಸಿದ ನಂತರ, ಪಾರ್ವತಿ ತಿರುವೋತ್ ಮಲಯಾಳಂ ಚಿತ್ರರಂಗದಲ್ಲಿ ಅವಕಾಶಗಳನ್ನು ಕಳೆದುಕೊಂಡರು. ನನಗೆ ಸಾಂದರ್ಭಿಕ ಅವಕಾಶಗಳು ಮಾತ್ರ ಸಿಕ್ಕಿವೆ. ಆದರೆ ಪಾರ್ವತಿ ದೃಢವಾಗಿ ನಿಂತು ಹೋರಾಡಿದಳು. ನಟಿ ಭಾವನಾ ಮೇಲಿನ ಹಲ್ಲೆ ಪ್ರಕರಣದಲ್ಲಿ ಸಂತ್ರಸ್ಥೆಗೆ  ಡಬ್ಲ್ಯುಸಿಸಿ ಬೆಂಬಲವಾಗಿದೆ. 

            2013 ರಲ್ಲಿ, ನ್ಯಾಯಾಲಯದ ತೀರ್ಪಿನ ಮೂಲಕ ಡಬ್ಲ್ಯುಸಿಸಿ ಯಿಂದ ಮೊದಲ ಮೈಲಿಗಲ್ಲು ಸ್ಥಾಪಿಸಲಾಯಿತು. ಡಬ್ಲ್ಯುಸಿ ಹೈಕೋರ್ಟ್‍ನಲ್ಲಿ ಸಲ್ಲಿಸಿದ್ದ ದೂರನ್ನು ಹೈಕೋರ್ಟ್ ಸ್ವೀಕರಿಸಿತು. ಚಲನಚಿತ್ರ ನಿರ್ಮಾಣ ಕ್ಷೇತ್ರದಲ್ಲಿ ಕೆಲಸ ಮಾಡುವ ಮಹಿಳೆಯರನ್ನು ಲೈಂಗಿಕ ಶೋಷಣೆಯಿಂದ ರಕ್ಷಿಸಲು ಆಂತರಿಕ ದೂರು ಸಮಿತಿಯನ್ನು ರಚಿಸುವುದು ಡಬ್ಲ್ಯುಸಿಸಿಯ ಬೇಡಿಕೆಯಾಗಿತ್ತು. ಅದನ್ನು ಹೈಕೋರ್ಟ್ ಅಂಗೀಕರಿಸಿದೆ. ಆದರೆ ಇದು ಗುರಿಯತ್ತ ಒಂದು ಹೆಜ್ಜೆ ಮಾತ್ರ.

            ಮಲಯಾಳಂ ಚಿತ್ರರಂಗದಲ್ಲಿ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಅಧ್ಯಯನ ಮಾಡಲು ಸಮಿತಿಯೊಂದನ್ನು ನೇಮಿಸಬೇಕೆಂಬ ಬೇಡಿಕೆಯೊಂದಿಗೆ ಡಬ್ಲ್ಯುಬಿಸಿ ಕೇರಳ ಸರ್ಕಾರವನ್ನು ಸಂಪರ್ಕಿಸಿತ್ತು. ಈ ಬೇಡಿಕೆಯನ್ನು ಎಡ ಸರ್ಕಾರ ಒಪ್ಪಿಕೊಂಡಿತು. ಅದನ್ನು ಅಧ್ಯಯನ ಮಾಡಲು ಪ್ರಬಲ ನ್ಯಾಯಾಧೀಶರನ್ನು ನೇಮಿಸಲಾಯಿತು. ಹೀಗಾಗಿ ಹೇಮಾ ಸಮಿತಿ ಹುಟ್ಟಿಕೊಂಡಿತು. ಸುಮಾರು ಒಂದೂವರೆ ಕೋಟಿ ವೆಚ್ಚದಲ್ಲಿ ಹೇಮಾ ಮಲಯಾಳಂ ಚಿತ್ರರಂಗದ ಸಮಸ್ಯೆಗಳನ್ನು ಪ್ರಾಮಾಣಿಕವಾಗಿ ಕುಳಿತು ಅಧ್ಯಯನ ಮಾಡಿದರು. ಅಂತಹ ಅಧ್ಯಯನ ನಡೆಯುತ್ತಿದೆ ಎಂದು ಯಾರಿಗೂ ತಿಳಿದಿರಲಿಲ್ಲ. ಆದರೆ ಮಲಯಾಳಂ ಚಿತ್ರರಂಗದಲ್ಲಿ ಶೋಷಣೆ ಎದುರಿಸುತ್ತಿರುವ ಮಹಿಳೆಯರನ್ನು ಹೇಮಾ ಸಮಿತಿಯ ಮುಂದೆ ಹಾಜರುಪಡಿಸುವಲ್ಲಿ ಡಬ್ಲ್ಯುಸಿಸಿ ಯಶಸ್ವಿಯಾಗಿದೆ. ಎಲ್ಲಾ ಕಥೆಗಳಿಗೂ ನ್ಯಾಯಮೂರ್ತಿ ಹೇಮಾ ಸಹಿ ಹಾಕಿದ್ದರು. ಹೇಮಾ ನೇತೃತ್ವದ ತ್ರಿಸದಸ್ಯ ಸಮಿತಿಯು 235 ಪುಟಗಳ ವರದಿಯನ್ನು ಸಿದ್ಧಪಡಿಸಿತ್ತು. 

          ಸೂಪರ್‍ಸ್ಟಾರ್‍ಗಳು, ನಿರ್ದೇಶಕರು ಮತ್ತು ನಿರ್ಮಾಪಕರ ಸಣ್ಣ ಗುಂಪು ಮಲಯಾಳಂ ಚಿತ್ರರಂಗದ ಹಿಡಿತವನ್ನು ವಹಿಸಿಕೊಂಡಿದೆ ಎಂಬ ಆಘಾತಕಾರಿ ಆವಿμÁ್ಕರವನ್ನು ಹೇಮಾ ಸಮಿತಿ ಮಾಡಿದೆ.

          ಹೇಮಾ ಸಮಿತಿ ವರದಿ ಹೊರಬಿದ್ದ ಬಳಿಕ ಮಲಯಾಳಂನಲ್ಲಿ ನಟಿಸಲು ಬಂದ ಪರಭಾಷಾ ನಟಿಯರು ತಮಗಾದ ಅಗ್ನಿಪರೀಕ್ಷೆಗಳನ್ನು ಬಿಚ್ಚಿಟ್ಟು ಒಬ್ಬೊಬ್ಬರಾಗಿ ಸತ್ಯ ಹೊರಬಿಟ್ಟಿರುವರು. ಈ ದಾಳಕ್ಕೆ ಮೊದಲು ಬಿದ್ದವರು ನಿರ್ದೇಶಕ ರಂಜಿತ್. ನಂತರ ನಟ ಸಿದ್ದಿಕ್,  ತಾರಾ ಸಂಘಟನೆ ಅಮ್ಮಾದ ಪ್ರಧಾನ ಕಾರ್ಯದರ್ಶಿ ಸ್ಥಾನಕ್ಕೆ ರಾಜೀನಾಮೆ ನೀಡಿದರು. ಸೂಪರ್ ಸ್ಟಾರ್ ಗಳಾದ ಮೋಹನ್ ಲಾಲ್ ಮತ್ತು ಮಮ್ಮುಟ್ಟಿ ಮೌನವಾಗಿದ್ದರು. ಅದು ಈಡೇರದಿದ್ದಾಗ ಮೋಹನ್ ಲಾಲ್ ಸೇರಿದಂತೆ ಅಮ್ಮಾ ಎಂಬ ಸಂಘಟನೆಯ ಪದಾಧಿಕಾರಿಗಳೆಲ್ಲ ಆರೋಪ ಹೊರಿಸಿ ರಾಜೀನಾಮೆ ನೀಡಿದರು. ಜಯಸೂರ್ಯ, ಬಾಬುರಾಜ್, ಮುಖೇಶ್, ರಿಯಾಜ್ ಖಾನ್, ಮಣಿಯನಪಿಳ್ಳ ರಾಜು.. ಹೀಗೆ ನಟಿಯರಿಗೆ ಕಿರುಕುಳ ನೀಡಿದವರ ಪಟ್ಟಿ ಬೆಳೆಯುತ್ತಲೇ ಹೋಗುತ್ತದೆ. ಇನ್ನು ಎಷ್ಟು ತಲೆ ಉರುಳುತ್ತೋ ಗೊತ್ತಿಲ್ಲ.

            ಹೀಗೆ ಫೆಮಿನಿಚಿಗಳು ಎಂದು ಮೂದಲಿಸುತ್ತಿದ್ದ ಮಹಿಳೆಯರ ಗುಂಪೆÇಂದು ಮಲಯಾಳಂನಲ್ಲಿ ಪೌರುಷದ ಸಾಕಾರ ರೂಪದ ಸೂಪರ್ ಸ್ಟಾರ್ ಗಳನ್ನು ಬಲೆಯೊಳಗೆ ಜಾರಿಸಿದ್ದು ಭಾರತದಲ್ಲೇ ಹೊಸ ಇತಿಹಾಸ ಸೃಷ್ಟಿಸಿದೆ.