ಸಿಎಎ ಅಡಿ ಪೌರತ್ವ; ನಿಯಮ ಸಡಿಲಿಕೆ

 ನವದೆಹಲಿ: ಅಫ್ಗಾನಿಸ್ತಾನ, ಬಾಂಗ್ಲಾದೇಶ ಅಥವಾ ಪಾಕಿಸ್ತಾನದಿಂದ ವಲಸೆ ಬಂದಿರುವ ಅಲ್ಪಸಂಖ್ಯಾತ ಸಮುದಾಯಗಳಿಗೆ ಪೌರತ್ವ ತಿದ್ದುಪಡಿ ಕಾಯ್ದೆ- 2019ರ (ಸಿಎಎ) ಅಡಿ ಭಾರತದ ಪೌರತ್ವ ಒದಗಿಸುವ ನಿಯಮಗಳನ್ನು ಕೇಂದ್ರ ಸರ್ಕಾರ ಸಡಿಲಿಸಿದೆ.

ಪೌರತ್ವ ಹೊಂದಲು ಬಯಸುವವರ ತಂದೆ, ಅಜ್ಜ ಅಥವಾ ಮುತ್ತಜ್ಜಂದಿರಲ್ಲಿ (ಮೂರು ತಲೆಯಾರಿನಲ್ಲಿ ಯಾವುದೇ ಒಂದು ತಲೆಮಾರು) ಯಾರಾದರೂ ಈ ದೇಶದಲ್ಲಿ ನೆಲೆಸಿದ್ದ ಕುರಿತು ಕೇಂದ್ರ ಅಥವಾ ಸಂಬಂಧಪಟ್ಟ ರಾಜ್ಯ ಸರ್ಕಾರ ಅಥವಾ ಅರೆ ನ್ಯಾಯಾಂಗ ಸಂಸ್ಥೆಯಿಂದ ಪ್ರಮಾಣಪತ್ರ ಪಡೆದಿದ್ದರೆ, ಅಂಥವರು ಪೌರತ್ವ ಕೋರಿ ಸಲ್ಲಿಸುವ ಅರ್ಜಿಯು ಮಾನ್ಯತೆ ಪಡೆಯಲಿದೆ.

ಅರ್ಜಿ ಸಲ್ಲಿಸಲು ಬಯಸುವ ಹಲವರು ಪೌರತ್ವ ತಿದ್ದುಪಡಿ ನಿಯಮ- 2024ರ ಪ್ರತ್ಯೇಕ ಅನುಚ್ಛೇದಿಂದಾಗಿ ಪ್ರಾಯಾಸಪಡುತ್ತಿದ್ದರು. ಇದನ್ನು ಮನಗಂಡ ಗೃಹ ಸಚಿವಾಲಯವು ನಿಯಮದಲ್ಲಿ ಸಡಿಲಿಕೆ ತಂದಿದೆ.