ಬಿಡುವಿಲ್ಲದ ನಟಿಯರಿಗೆ ಶೂಲವಾಯಿತೇ ಹೇಮಾ ವರದಿ: ಹೊರಜಗತ್ತಿನಲ್ಲಿ ಮುಜುಗರಕ್ಕೊಳಗಾದ ಮಲಯಾಳಂ ಚಿತ್ರರಂಗ

          ತಿರುವನಂತಪುರಂ: ಮಲೆಯಾಳಂ ಚಿತ್ರರಂಗದ ಹುಳುಕುಗಳನ್ನು ಬಹಿರಂಗಗೊಳಿಸಿದ ಹೇಮಾ ಸಮಿತಿ ವರದಿ ರಾಜ್ಯದಲ್ಲಿ ಕಳವಳ ಸೃಷ್ಟಿಸಿದೆ. 

               ಹೇಮಾ ಸಮಿತಿಯ ವರದಿಯು ಮಲಯಾಳಂ ಚಿತ್ರರಂಗವನ್ನು ಕೇರಳದ ಹೊರಗೆ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಮುಜುಗರಕ್ಕೀಡುಮಾಡಿದೆ. ಜೊತೆಗೆ ಇದು ಮಲೆಯಾಳಂ ಚಿತ್ರರಂಗವನ್ನು ಕೆಡವಲು ಯತ್ನಿಸುವ ಹಲವರಿಗೆ ವರದಾನವಾಗಲಿದೆಎ ಂದು ಆರೋಪಿಸಲಾಗಿದೆ. ಇದಕ್ಕಿಂತ ಹೆಚ್ಚಾಗಿ ಮಲಯಾಳಂ ಚಿತ್ರರಂಗದಲ್ಲಿ ಅವಕಾಶ ಪಡೆದ ನಟಿಯರೆಲ್ಲಾ ಸೆಲೆಬ್ರಿಟಿಗಳ ಜೊತೆ ಹಾಸಿಗೆ ಹಂಚಿಕೊಂಡಿದ್ದಾರೆ ಎಂಬ ಊಹೆಗಳಿಗೆ ತೆರೆದುಕೊಂಡಿದೆ.

            ನಟನಾ ಕೌಶಲ ಇಲ್ಲದಿದ್ದರೂ ಅವಕಾಶ ಲಭಿಸಿರುವುದು, ತನ್ಮೂಲಕ ಅವಕಾಶ ಸಿಕ್ಕವರೆಲ್ಲರೂ ಕೆಟ್ಟವರು ಎಂಬ ಸಾಮಾನ್ಯ ಪ್ರಜ್ಞೆ ಸೃಷ್ಟಿಯಾಗಿದೆ. ಇದರಿಂದ ಮಲಯಾಳಂನಲ್ಲಿ ಮಹಿಳಾ ಕಲಾವಿದರ ಅಭಿಮಾನ ಕಾಪಾಡಲು ರಚಿಸಿರುವ ಸಮಿತಿಯ ವರದಿಯಿಂದ ಸ್ವತಃ  ಮಹಿಳಾ ನಟಿಯರೇ ಅವಮಾನಕ್ಕೊಳಗಾದ ಪರಿಸ್ಥಿತಿಗೆ ಬಂದಿದ್ದಾರೆ.

                 ಹೆಚ್ಚು ಅವಕಾಶಗಳನ್ನು ಪಡೆದ ಅನೇಕ ನಟಿಯರು ಈಗ ತಲೆ ಎತ್ತಿ ನಡೆಯಲಾರದ ಪರಿಸ್ಥಿತಿಯಲ್ಲಿದ್ದಾರೆ. ಈ ತುಲನಾತ್ಮಕವಾಗಿ ಉತ್ತಮ ನಟಿಯರಿಗೆ, ಅವರು ಮಾತ್ರವಲ್ಲದೆ ಅವರ ತಾಯಂದಿರೂ ಸಹ ಅನುಮಾನದ ನೆರಳುಗೆ ಒಳಗಾಗಿದ್ದಾರೆ. ಹೇಮಾ ಸಮಿತಿಯ ವರದಿಯನ್ನು ಉಲ್ಲೇಖಿಸಿ, ಸಾಮಾಜಿಕ ಜಾಲತಾಣಗಳು ಮತ್ತು ವಾಟ್ಸಾಪ್ ಗ್ರೂಪ್‍ಗಳು ನಟನೆಯನ್ನು ಪ್ಯಾಶನ್ ಆಗಿ ತೆಗೆದುಕೊಂಡು ತಮ್ಮ ಶ್ರೇಷ್ಠತೆಯ ಕಾರಣದಿಂದ ಉನ್ನತ ಸ್ಥಾನಕ್ಕೆ ಬಂದ ಅನೇಕ ನಟಿಯರನ್ನು ಅವಮಾನಿಸಲು ಮುಂದಾದಂತಿದೆ. 

           ತಮ್ಮನ್ನು ಸುಧಾರಕರು ಎಂದು ಬಣ್ಣಿಸುವ ಬೆರಳೆಣಿಕೆಯ ನಟಿಯರ ಮಾತುಗಳನ್ನು ಕೇಳುವ ಮೂಲಕ ಸಾಂಸ್ಕøತಿಕ ಉದ್ಯಮವನ್ನು ಮಾನಹಾನಿ ಮಾಡಲಾಗಿದೆ.

           ನಟಿಯ ಮೇಲಿನ ಹಲ್ಲೆ ಪ್ರಕರಣದ ರಕ್ಷಣೆಗಾಗಿ ಸರ್ಕಾರ ಹೇಮಾ ಸಮಿತಿಯನ್ನು ರಚಿಸಿತ್ತು. ಆದರೆ ಇದು ಇಂತಹ ಬಿಕ್ಕಟ್ಟನ್ನು ಸೃಷ್ಟಿಸುತ್ತದೆ ಎಂದು ಸರ್ಕಾರಕ್ಕೆ ಊಹಿಸಲು ಸಾಧ್ಯವಾಗಲಿಲ್ಲ. ಕಲಾತ್ಮಕ ಅಭಿವ್ಯಕ್ತಿಯ ಮೇಲೆ ಕಾನೂನಿಗೆ ಮಿತಿಗಳಿವೆ ಎಂಬ ಪ್ರಾಥಮಿಕ ಪಾಠವು ಸಂಬಂಧಪಟ್ಟವರಿಗೆ ಮರೆತುಹೋಗಿದೆ. 

    ದಕ್ಷಿಣ ಭಾರತದಲ್ಲೇ ಉಚ್ಛ್ರಾಯ ಸ್ಥಿತಿಯಲ್ಲಿರುವ ಮಲೆಯಾಳಂ ಚಲನಚಿತ್ರೋದ್ಯಮ ಇದೀಗ ಕುಸಿಯುವ ಭೀತಿಯಲ್ಲಿದೆ. ಅತ್ಯುತ್ತಮ ಕಥೆಗಳು, ನಟನಾ ಕೌಶಲಗಳಿಂದ ಕಲಾಸಕ್ತರಿಗೆ ಸದಾ ಕುತೂಹಲ ಭೂಮಿಕೆಯಾಗಿರುವ ಮಲೆಯಾಳಂ ಚಲಚಿತ್ರಗಳನ್ನು ಸ್ವತಃ ಸರ್ಕಾರವೇ ಹೇಯಗೊಳಿಸಲು ಹೊರಟಿದೆಯೇ ಎಂಬ ಅನುಮಾನ ಬಾರದಿರದು.