ಅಡಿಮಾಲಿ: ರಸ್ತೆಬದಿಯಲ್ಲಿ ಕಂಡ ಅನಾಥ ಶ್ವಾನವನ್ನು ತೀವ್ರ ಕಾಳಜಿಯ ಹಿನ್ನೆಲೆಯಲ್ಲಿ ಆರೈಕೆ ಮಾಡಿದ ಯುವಕರು ಬಳಿಕ ಪರದಾಡಿದ ಘಟನೆ ನಡೆದಿದೆ.
ಕೊರಂಗಟಿ ನಿವಾಸಿಗಳಾದ ನಾಯಿ ಸ್ನೇಹಿಗಳಾದ ನಾಲ್ವರು ಸದಸ್ಯರು ಆಕಸ್ಮಿಕವಾಗಿ ಈ ಘಟನೆಗೆ ಕಾರಣರಾದರು.
ಶುಕ್ರವಾರ ಸಂಜೆ 6.30ಕ್ಕೆ ಈ ಘಟನೆ ನಡೆದಿದೆ. ಕೊರಂಗಟಿ ನಗರದಲ್ಲಿ ನಾಲ್ವರು ಸ್ನೇಹಿತರ ಗುಂಪು ಭೇಟಿಯಾದಾಗ ನಾಯಿ ದೈನ್ಯಾವಸ್ಥೆಯಲ್ಲಿ ಕಂಡುಬಂತು. ಕುತ್ತಿಗೆಗೆ ಬೆಲ್ಟ್ ಹಾಕಿದ್ದರಿಂದ ಸಾಕು ನಾಯಿ ಎಂಬುದು ದೃಢಪಡಿಸಿದರು.
ಗಂಟಲಿನಲ್ಲಿ ಏನಾದರೂ ಸಿಲುಕಿಕೊಂಡಿರುವುದು ದೌರ್ಬಲ್ಯಕ್ಕೆ ಕಾರಣ ಎಂದು ತಂಡ ಊಹಿಸಿತು. ಇದರೊಂದಿಗೆ ಗಂಟಲಿನಲ್ಲಿ ಸಿಕ್ಕಿಹಾಕಿಕೊಂಡಿದ್ದ ವಸ್ತುವನ್ನು ಹೊರತೆಗೆಯುವ ಪ್ರಯತ್ನವನ್ನು ತಂಡ ಆರಂಭಿಸಿತು.
ಇಬ್ಬರು ನಾಯಿಯನ್ನು ನೆಲದಲ್ಲಿ ಮಲಗಿಸಿದರು. ಮತ್ತಿಬ್ಬರು ನಾಯಿಯ ಬಾಯಿ ತೆರೆದು ಪರೀಕ್ಷಿಸಿದರು. ಆದರೆ ನಾಯಿಯ ಗಂಟಲಲ್ಲಿ ಏನೂ ಪತ್ತೆಯಾಗಿಲ್ಲ.ಬಳಿಕ ಯುವಕರು ಆದಿಮಲಿ ಅಗ್ನಿಶಾಮಕ ಠಾಣೆಗೆ ಮಾಹಿತಿ ನೀಡಿದರು. ಆದರೆ ಏನೂ ಮಾಡಲಾಗದೆ ಪಶು ಆಸ್ಪತ್ರೆಯ ಮೊರೆ ಹೋಗಬೇಕಾಗಿದೆ ಎಂದರು.
ಇದರೊಂದಿಗೆ ಮುಂದಿನ ವಿಧಾನವನ್ನು ಪ್ರಯತ್ನಿಸಲು ನಿರ್ಧರಿಸಿದ ಯುವಕರು ನಾಯಿಯನ್ನು ಹತ್ತಿರದ ಮರಕ್ಕೆ ಕಟ್ಟಿ ಹಾಕಿದರು. ನಂತರ ಅದರ ಚಿತ್ರ ತೆಗೆದು ವಾಟ್ಸಾಪ್ ಗ್ರೂಪ್‍ಗಳಲ್ಲಿ ಶೇರ್ ಮಾಡಿದ್ದಾರೆ. ಸ್ವಲ್ಪಹೊತ್ತಲ್ಲಿ ನಾಯಿಯ ಮಾಲೀಕರು ವಿಚಾರಿಸಿಕೊಂಡುಬಂದರು.
ನಾಯಿ ಮರಳಿ ಸಿಕ್ಕಿದ್ದಕ್ಕೆ ಮಾಲೀಕರು ಸಂತಸ ವ್ಯಕ್ತಪಡಿಸಿ ಯುವಕರಿಗೆ ಧನ್ಯವಾದ ಹೇಳಿ ಅದನ್ನು ಕರಕೊಂಡು ಹೋದರು. ಆದರೆ ನಾಯಿಯ ಸ್ಥಿತಿ ನೋಡಿದ ಮಾಲೀಕರು ನಿನ್ನೆ ಬೆಳಗ್ಗೆ ಪಶು ಆಸ್ಪತ್ರೆಗೆ ಕರೆದೊಯ್ದಿದ್ದು, ನಾಯಿಗೆ ರೇಬಿಸ್ ಇರುವುದು ದೃಢಪಟ್ಟಿದೆ. ಇದರೊಂದಿಗೆ ಪಶು ವೈದ್ಯಾಧಿಕಾರಿಗಳು ಮಾಲೀಕರು ಹಾಗೂ ಸಂಬಂಧಪಟ್ಟವರು ಕೂಡಲೇ ರೇಬಿಸ್ ಲಸಿಕೆ ಹಾಕಿಸಿಕೊಳ್ಳುವಂತೆ ಸೂಚಿಸಿದರು.
ಪಶುವೈದ್ಯರು ನಾಯಿಗೆ ರೇಬಿಸ್ ಸೋಂಕು ತಗುಲಿರುವುದನ್ನು ದೃಢಪಡಿಸಿದ ಹಿನ್ನೆಲೆಯಲ್ಲಿ ಯುವಕರು ನಿನ್ನೆ ಬೆಳಗ್ಗೆ ಆದಿಮಾಲಿ ತಾಲೂಕು ಆಸ್ಪತ್ರೆಗೆ ತೆರಳಿ ಲಸಿಕೆ ಹಾಕಿಸಿಕೊಂಡಿದ್ದಾರೆ.
(ಸಾಂಕೇತಿಕ ಚಿತ್ರ)
DOCTYPE html>
