ತಪ್ಪಾಗಿ ಬೇರೆಯವರ ಖಾತೆಗೆ ಹಣ ಕಳುಹಿಸಿದ್ರಾ; ಟೆನ್ಶನ್‌ ಬೇಕಿಲ್ಲ, ಇವಿಷ್ಟನ್ನು ಮಾಡಿ ತಕ್ಷಣ ಹಣ ರಿಫಂಡ್‌ ಆಗುತ್ತೆ

 ಇಂದಿನ ಡಿಜಿಟಲ್ ಯುಗದಲ್ಲಿ ಎಲ್ಲಾ ಹಣದ ವಹಿವಾಟುಗಳು ಸಾಮಾನ್ಯವಾಗಿ ಆನ್‌ಲೈನ್‌ನಲ್ಲಿ ನಡೆಯುತ್ತವೆ. ಅದರಲ್ಲೂ ಮುಖ್ಯವಾಗಿ ಸ್ಮಾರ್ಟ್‌ಫೋನ್‌ಗಳನ್ನು ಬಳಸಿ ನೀವು ಯುಪಿಐ (UPI) ಮೂಲಕ ಯಾರಿಗಾದರೂ ಹಣವನ್ನು ತಕ್ಷಣ ವರ್ಗಾಯಿಸಬಹುದು. ಆದರೆ ಈ ರೀತಿ ಹಣ ಟ್ರಾನ್‌ಸೆಕ್ಷನ್‌ ಮಾಡುವುದರಿಂದ ಹಲವು ರೀತಿಯಲ್ಲಿ ತೊಂದರೆ ಸಹ ಆಗುತ್ತದೆ.

ಕೆಲವೊಮ್ಮೆ ಗಡಿಬಿಡಿಯಲ್ಲಿ ತಪ್ಪಾದ ವ್ಯಕ್ತಿಗೆ ಹಣ ವರ್ಗಾವಣೆಯಾಗುವುದು ಸಾಮಾನ್ಯವಾಗಿದೆ. ಇದರಿಂದ ಹಣ ಕಳೆದುಕೊಂಡು ಮುಂದೇನು ಮಾಡಬೇಕೆಂದು ತೋಚದೆ ಕಂಗಾಲಾಗಬಹುದು. ಇಂಥಾ ಸಂದರ್ಭದಲ್ಲಿ ನೀವೇನು ಮಾಡಬಹುದು ಅನ್ನೋ ಮಾಹಿತಿ ಇಲ್ಲಿದೆ.
ತಪ್ಪಾಗಿ ಹಣ ಮತ್ತೊಬ್ಬರ ಅಕೌಂಟ್‌ಗೆ ಟ್ರಾನ್ಸ್‌ಫರ್‌ (Money transfer) ಆದಾಗ ಸಿಕ್ಕಾಪಟ್ಟೆ ಟೆನ್ಶನ್‌ ಆಗುತ್ತದೆ. ಕಾಲ್‌ ಮಾಡಿ ಹೇಳಿದರೂ ಅಷ್ಟಿಷ್ಟಾಗಿ ಪರಿಚಯ ಇರೋರು ದುಡ್ಡನ್ನು ಮರಳಿ ಕಳುಹಿಸುವ ಕೆಲಸ ಮಾಡುವ ಸಾಧ್ಯತೆ ಕಡಿಮೆ. ಹೀಗಿರುವಾಗ ನೀವು ಸುಲಭವಾಗಿ 48ರಿಂದ 72 ಗಂಟೆಗಳ ಒಳಗೆ ಈ ಹಣವನ್ನು ಹಿಂತಿರುಗಿ ಪಡೆಯಬಹುದು. ಅದಕ್ಕೆ ನೀವೇನು ಮಾಡಬೇಕು ಅನ್ನೋ ಮಾಹಿತಿ ಇಲ್ಲಿದೆ.
1. ಬ್ಯಾಂಕಿನ ಗ್ರಾಹಕ ಸೇವೆಗೆ ದೂರು ಸಲ್ಲಿಸಿ

ತಪ್ಪಾದ ಖಾತೆಗೆ ಹಣ ಪಾವತಿ ಮಾಡಲಾಗಿದೆ ಎಂದು ನೀವು ತಿಳಿದ ತಕ್ಷಣ, ನಿಮ್ಮ ಬ್ಯಾಂಕ್‌ನ ಗ್ರಾಹಕ ಸೇವಾ ಕೇಂದ್ರವನ್ನು (Customer care) ಸಂಪರ್ಕಿಸುವುದನ್ನು ಮೊದಲು ಮಾಡಬೇಕು. UPI ಸೇವಾ ಪೂರೈಕೆದಾರರನ್ನು ನೀವು ನೇರವಾಗಿ ಸಂಪರ್ಕಿಸಬಹುದು. ಅಥವಾ ಟೋಲ್-ಫ್ರೀ ಸಂಖ್ಯೆಗೆ ಕರೆ ಮಾ ಮಾಹಿತಿ ನೀಡಬಹುದು. 1800-120-1740 ಅನ್ನು ಡಯಲ್ ಮಾಡಿ ಮತ್ತು ಆರ್‌ಬಿಐ ನಿಯಮಗಳ ಪ್ರಕಾರ, ಎಲ್ಲಾ ಸಂಬಂಧಿತ ಪಾವತಿ ವಿವರಗಳನ್ನು ಒದಗಿಸಿ. ಪರ್ಯಾಯವಾಗಿ ನೀವು GPay, PhonePe, Paytm ಅಥವಾ ನೀವು ಪಾವತಿ ಮಾಡಲು ಬಳಸಿದ ಯಾವುದೇ ಇತರ UPI ಅಪ್ಲಿಕೇಶನ್‌ಗಾಗಿ ಕಸ್ಟಮೇರ್‌ ಕೇರ್‌ನ್ನು ಸಂಪರ್ಕಿಸಬಹುದು.
2. NPCI ಪೋರ್ಟಲ್‌ನಲ್ಲಿ ದೂರು ದಾಖಲಿಸಿ

ಅಧಿಕೃತ NPCI ವೆಬ್‌ಸೈಟ್‌ಗೆ ಭೇಟಿ ನೀಡಿ ಮತ್ತು ʼನಮ್ಮನ್ನು ಸಂಪರ್ಕಿಸಿʼ ವಿಭಾಗದಲ್ಲಿ ಕ್ಲಿಕ್ ಮಾಡಿ. ಹೆಸರು, ಇಮೇಲ್ ಐಡಿ ಮತ್ತು ಇತರ ಅಗತ್ಯವಿರುವ ಮಾಹಿತಿಯನ್ನು Information) ಭರ್ತಿ ಮಾಡಿ. ʼಸಮಸ್ಯೆ ಪರಿಹಾರ ಕಾರ್ಯವಿಧಾನʼವನ್ನು ಆಯ್ಕೆ ಮಾಡಿ. UPI ವಹಿವಾಟು ಐಡಿ, ವರ್ಚುವಲ್ ಪಾವತಿ ವಿಳಾಸ, ವರ್ಗಾವಣೆ ಮಾಡಿದ ಮೊತ್ತ, ವಹಿವಾಟು ದಿನಾಂಕ, ಇಮೇಲ್ ಐಡಿ ಮತ್ತು ಮೊಬೈಲ್ ಸಂಖ್ಯೆಯನ್ನು ಒದಗಿಸಿ. ಸಮಸ್ಯೆಯನ್ನು ಆಯ್ಕೆ ಮಾಡಿ. ಇಲ್ಲಿ ಇನ್ನೊಂದು ಖಾತೆಗೆ ತಪ್ಪಾಗಿ ವರ್ಗಾಯಿಸಲಾಗಿದೆ ಎಂದು ಫಿಲ್‌ ಮಾಡಿ. ಫಾರ್ಮ್‌ ಸಲ್ಲಿಸಿ.
3. ಪೊಲೀಸ್ ದೂರನ್ನು ದಾಖಲಿಸಿ

ನೀವು ಹಣ ಸ್ವೀಕರಿಸಿದವರ ಸಂಪರ್ಕ ವಿವರಗಳನ್ನು ಹೊಂದಿದ್ದರೆ ಅಥವಾ ತಪ್ಪಾಗಿ ಹಣವನ್ನು ಕಳುಹಿಸಿದ ಬ್ಯಾಂಕ್ ಡೀಟೈಲ್ಸ್‌ ಹೊಂದಿದ್ದರೆ, ಅವರನ್ನು ನೇರವಾಗಿ ಸಂಪರ್ಕಿಸಲು ಪ್ರಯತ್ನಿಸಬಹುದು. ಹಣ ಸ್ವೀಕರಿಸಿದವರು ಅಥವಾ ಅವರ ಬ್ಯಾಂಕ್‌ಗೆ ಪರಿಸ್ಥಿತಿಯನ್ನು ವಿವರಿಸಿ ಮತ್ತು ಮರುಪಾವತಿಗೆ ವಿನಂತಿಸಿ.
ವರ್ಗಾವಣೆಯಾದ ಮೊತ್ತವು ದೊಡ್ಡದಾಗಿದ್ದರೆ ಅಥವಾ ನೀವು ಹಣವನ್ನು ಮರಳಿ ಪಡೆಯಲು ಸಾಧ್ಯವಾಗದಿದ್ದರೆ, ನೀವು ಪೊಲೀಸ್ ದೂರು ಸಲ್ಲಿಸಬೇಕಾಗಬಹುದು.