ಹಂದಿ ಗುಂಪಿಗೆ ದಂಪತಿ ಸಂಚರಿಸುತ್ತಿದ್ದ ಸ್ಕೂಟರ್ ಡಿಕ್ಕಿ-ರಕ್ಷಣೆಗೆ ಆಗಮಿಸಿದ ಯುವಕ ಸೇರಿದಂತೆ ಮೂವರಿಗೆ ಗಾಯ

            ಕುಂಬಳೆ: ಕುಂಬಳೆ ಸನಿಹದ ಶಾಂತಿಪಳ್ಳದಲ್ಲಿ ರಸ್ತೆಗೆ ಅಡ್ಡ ಹಂದಿಗಳ ಗುಂಪು ಅಡ್ಡ ಸಂಚರಿಸಿದ ಪರಿಣಾಮ ಸ್ಕೂಟರ್ ಪಲ್ಟಿಯಾಗಿ ದಂಪತಿ ಹಾಗೂ ಇವರನ್ನು ರಕ್ಷಿಸುವ ನಿಟ್ಟಿನಲ್ಲಿ ಆಗಮಿಸಿದ ಕಾರಿನ ಹಿಂಭಾಗಕ್ಕೆ ಮತ್ತೊಂದು ಕಾರು ಡಿಕ್ಕಿಯಾಗಿ ನವ ವರ ಸೇರಿದಂತೆ ಒಟ್ಟು ಮೂವರು ಗಾಯಗೊಂಡಿದ್ದಾರೆ.

           ಬುಧವಾರ ತಡರಾತ್ರಿ ಅಪಘಾತ ನಡೆದಿದ್ದು, ಸ್ಕೂಟರ್ ಸವಾರರಾದ ಕುಂಬಳೆ ಕುಂಟಂಗೇರಡ್ಕ ನಿವಾಸಿ ಯೂಸುಫ್ ಹಾಗೂ ಇವರ ಪತ್ನಿ ಖದೀಜಾ ಗಾಯಗೊಂಡು ರಸ್ತೆಯಲ್ಲಿ ಬಿದ್ದಿದ್ದರು. ಈ ಸಂದರ್ಭ ಮೊಗ್ರಾಲ್ ನಿವಾಸಿ, ನವವರ ಮನ್ಸೂರ್ ಕಾರಿನಲ್ಲಿ ಆಗಮಿಸಿದ್ದು, ಸ್ಕೂಟರ್ ಪಲ್ಟಿಯಾಗಿ ರಸ್ತೆಯಲ್ಲಿ ಬಿದ್ದಿದ್ದ ದಂಪತಿಯನ್ನು ತಮ್ಮ ಕಾರಿಗೆ ಹತ್ತಿಸುವ ಮಧ್ಯೆ ಹಿಂದಿನಿಂದ ಆಗಮಿಸಿದ ಮತ್ತೊಂದು ಕಾರು ಮನ್ಸೂರ್ ಅವರಿಗೆ ಡಿಕ್ಕಿಯಾಗಿದೆ. ತಕ್ಷಣ ಮೂರೂ ಮಂದಿಯನ್ನು ನಣಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಏತರಿಸುತ್ತಿದ್ದಾರೆ.