ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅಧ್ಯಕ್ಷತೆಯಲ್ಲಿ ನಡೆದ ಸರ್ವಪಕ್ಷಗಳ ಸಭೆಯಲ್ಲಿ ರಾಜ್ಯ ಕಂಡ ಅತಿ ದೊಡ್ಡ ದುರಂತದ ಬಳಿಕ ಕಳೆದ ಮೂರು ದಿನಗಳಲ್ಲಿ ಅತ್ಯುತ್ತಮ ರಕ್ಷಣಾ ಕಾರ್ಯಾಚರಣೆಗೆ ತೃಪ್ತಿ ವ್ಯಕ್ತಪಡಿಸಲಾಯಿತು.
ಈ ಬಿಕ್ಕಟ್ಟನ್ನು ನೀಗಿಸಲು ಎಲ್ಲರೂ ಒಗ್ಗೂಡಬೇಕು ಎಂದು ವಿರೋಧ ಪಕ್ಷದ ನಾಯಕ ವಿ.ಡಿ.ಸತೀಶನ್ ಗಮನ ಸೆಳೆದರು. ಸರ್ಕಾರಕ್ಕೆ ಪ್ರತಿಪಕ್ಷಗಳ ಸಂಪೂರ್ಣ ಬೆಂಬಲವಿದೆ ಎಮದು ಸೂಚಿಸಿದರು.
ಕಾಣೆಯಾದವರನ್ನು ಪತ್ತೆ ಮಾಡಬೇಕು. ಹವಾಮಾನ ವಿಷಯಗಳಲ್ಲಿ ಕುಸಾಟ್‌ನ ಪರಿಣತಿಯನ್ನು ಸಹ ವಿಪತ್ತುಗಳನ್ನು ತಡೆಗಟ್ಟಲು ಬಳಸಬೇಕು.
ಪುನರ್ವಸತಿಯನ್ನು ಸಮಯೋಚಿತವಾಗಿ ಮತ್ತು ನಿರ್ದಿಷ್ಟ ಉದ್ದೇಶದೊಂದಿಗೆ ಕಾರ್ಯಗತಗೊಳಿಸಬೇಕು ಎಂದು ವಿರೋಧ ಪಕ್ಷದ ಉಪನಾಯಕ ಪಿ.ಕೆ.ಕುನ್ಹಾಲಿಕುಟ್ಟಿ ಸೂಚಿಸಿದರು.
ಸರ್ಕಾರದ ಕಾರ್ಯ ಶ್ಲಾಘನೀಯ ಎಂದು ಸಂಸದ ಪಿ.ಸಂತೋಷ್ ಕುಮಾರ್ ಹೇಳಿದರು.
ಮೃತರಾದವರಲ್ಲಿ ಅನ್ಯ ರಾಜ್ಯಗಳ ನಾಗರಿಕರ ಸಂಖ್ಯೆಯನ್ನು ನಿಖರವಾಗಿ ಕಂಡುಹಿಡಿಯಬೇಕು. ಎಲ್ಲ ಸಂಸದರ ನಿಧಿಯನ್ನು ಪುನರ್ವಸತಿ ಕಾರ್ಯಕ್ಕೆ ಬಳಸಬಹುದು. ಪುನರ್ವಸತಿಯ ಎಲ್ಲ ಅಂಶಗಳನ್ನು ಒಂದೇ ವೇದಿಕೆಯಡಿ ತರಬೇಕು ಎಂದು ಸಂಸದ ಜೋಸ್ ಕೆ ಮಣಿ ಹೇಳಿದರು.
ಸ್ಥಳೀಯ ಶಾಸಕ ಟಿ.ಸಿದ್ದೀಕ್ ಮಾತನಾಡಿ, ದುರಂತದಲ್ಲಿ ಬದುಕುಳಿದವರ ಮಾನಸಿಕ ಸ್ಥಿತಿ ಚಿಂತಾಜನಕವಾಗಿದ್ದು, ಅವರಿಗೆ ಹೆಚ್ಚು ಪರಿಣಾಮಕಾರಿ ಸಮಾಲೋಚನೆ ನೀಡಬೇಕು ಎಂದರು.
ನಾಪತ್ತೆಯಾದವರ ಪತ್ತೆಗೆ ವಿಶೇಷ ತಂಡವನ್ನು ನೇಮಿಸಬೇಕು ಎಂದು ಸುಲ್ತಾನಬತ್ತೇರಿ ಶಾಸಕ ಐ.ಸಿ.ಬಾಲಕೃಷ್ಣನ್ ಆಗ್ರಹಿಸಿದರು.
ಮಲಪ್ಪುರಂನಲ್ಲಿ ಪತ್ತೆಯಾದ ಮೃತ ದೇಹಗಳನ್ನು ಗುರುತಿಸಲು ವಯನಾಡ್‌ಗೆ ಸೌಲಭ್ಯಗಳನ್ನು ಒದಗಿಸುವಂತೆ ಸಂಸದ ಪಿಪಿ ಸುನೀರ್ ಕೋರಿದರು.
ವೆಳ್ಳರ್ಮಳ ಶಾಲೆಯ ಎಲ್ಲ ಮಕ್ಕಳನ್ನು ಬೇರೆ ಶಾಲೆಗೆ ವರ್ಗಾಯಿಸಬೇಕು, ಹವಾಮಾನದ ಮೇಲೆ ನಿಗಾ ಇಡಲು ವಿಶೇಷ ಸೌಲಭ್ಯ ಕಲ್ಪಿಸಬೇಕು ಎಂದು ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಶಂಶಾದ್ ಸಮರಕರ್ ಆಗ್ರಹಿಸಿದರು.
ಸಭೆಯ ಕೊನೆಯಲ್ಲಿ ಮಾತನಾಡಿದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್, ಸರ್ವಪಕ್ಷಗಳ ಸಭೆಯಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಪುನರ್ವಸತಿ ಪ್ರಕ್ರಿಯೆಗೆ ಸಹಾಯ ಮಾಡುತ್ತವೆ ಎಂದು ಸೂಚಿಸಿದರು. ಎರಡು ಅಥವಾ ಮೂರು ದಿನಗಳಲ್ಲಿ ಶಿಬಿರಗಳನ್ನು ಪೂರ್ಣಗೊಳಿಸಲು ಸಾಧ್ಯವಿಲ್ಲ. ಇನ್ನೂ ಕೆಲವು ದಿನ ಮುಂದುವರೆಯಬೇಕು. ಅಲ್ಲಿನ ವ್ಯವಸ್ಥೆಯ ಮೂಲಕ ಶಿಬಿರ ನಿರ್ವಹಣೆ ಮಾಡಬೇಕು. ವಿದೇಶಿಗರ ಸಮಸ್ಯೆಯನ್ನು ಸರ್ಕಾರ ಪ್ರತ್ಯೇಕವಾಗಿ ಪರಿಗಣಿಸುತ್ತಿದೆ ಎಂದು ಮುಖ್ಯಮಂತ್ರಿ ತಿಳಿಸಿದರು.
ಎಪಿಜೆಯಲ್ಲಿ ನಡೆದ ಸಭೆಯಲ್ಲಿ ಸಚಿವರಾದ ಕೆ.ರಾಜನ್, ರೋಶಿ ಅಗಸ್ಟಿನ್, ಪಿ.ಎ.ಮಹಮ್ಮದ್ ರಿಯಾಜ್, ಎ.ಕೆ.ಶಶೀಂದ್ರನ್, ಜೆ.ಚಿಂಚುರಾಣಿ, ವೀಣಾ ಜಾರ್ಜ್, ಪಿ.ಪ್ರಸಾದ್, ಕೆ.ಕೃಷ್ಣನ್‌ಕುಟ್ಟಿ, ಜಿ.ಆರ್.ಅನಿಲ್, ರಾಮಚಂದ್ರನ್ ಕಡನ್ನಪ್ಪಳ್ಳಿ, ವಿ.ಎನ್.ವಾಸವನ್, ಒ.ಆರ್.ಕೇಳು, ವಿ.ಅಬ್ದುರ್ ರೆಹಮಾನ್ ಉಪಸ್ಥಿತರಿದ್ದರು. ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಶಾಸಕರಾದ ಎಂ.ಕೆ.ಮುನೀರ್, ಅಹಮದ್ ದೇವರಕೋವಿಲ್, ಮೇಪ್ಪಾಡಿ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಕೆ.ಬಾಬು, ಮುಖ್ಯ ಕಾರ್ಯದರ್ಶಿ ಡಾ. ವಿ ವೇಣು, ಡಿಜಿಪಿ ಶೇಖ್ ದರ್ವಾಜ್ ಸಾಹಿಬ್,
ಜಿಲ್ಲಾಧಿಕಾರಿ ಮೇಖಾಶ್ರೀ ಡಿ.ಆರ್., ಡಿಸಿಸಿ ಅಧ್ಯಕ್ಷ ಎನ್.ಡಿ.ಅಪ್ಪಚನ್, ಸಿಪಿಎಂ ಜಿಲ್ಲಾ ಕಾರ್ಯದರ್ಶಿ ಪಿ.ಗಗಾರಿನ್, ಸಿಪಿಐ ಜಿಲ್ಲಾ ಕಾರ್ಯದರ್ಶಿ ಇ.ಜೆ.ಬಾಬು, ಮುಸ್ಲಿಂ ಲೀಗ್ ಜಿಲ್ಲಾ ಕಾರ್ಯದರ್ಶಿ ಟಿ.ಮುಹಮ್ಮದ್, ಪ್ರಸಾದ್ ಮಾಳವ್ಯಾಲ್ (ಬಿಜೆಪಿ), ಮಾಜಿ ಶಾಸಕ ಸಿ.ಕೆ.ಶಶೀಂದ್ರನ್, ಮಾಜಿ ಸಂಸದ ಎಂ.ವಿ.ಶ್ರೇಯಮ್ಸ್ ಕುಮಾರ್ (ಜೆಡಿಎಸ್), ಕೆಕೆ ಹಂಜಾ (ಆರ್‌ಜೆಡಿ), ಪ್ರವೀಣ್ ತಂಗಪ್ಪನ್ (ಆರ್‌ಎಸ್‌ಪಿ), ಕೆ.ಜೆ.ದೇವಸ್ಯ (ಕೇರಳ ಕಾಂಗ್ರೆಸ್ ಎಂ), ಎಂ.ಸಿ.ಸೆಬಾಸ್ಟಿಯನ್ (ಕೇರಳ ಕಾಂಗ್ರೆಸ್ ಜೇಕಬ್), ಶಶಿಕುಮಾರ್ (ಕಾಂಗ್ರೆಸ್ ಎಸ್), ಕಾಸಿಂ ಇರ್ಗೂರ್ (ಐಎನ್‌ಎಲ್), ಎ ಪಿ ಕುರಿಯಾಕೋಸ್ (ಜೆಕೆಸಿ) , ಭಗೀರಥನ್ (ಕೇರಳ ಕಾಂಗ್ರೆಸ್ ಬಿ), ಎಂಆರ್ ರಾಮಕೃಷ್ಣನ್ (ಆರ್‌ಎಂಪಿ), ಜೋಸೆಫ್ ಕಲಾಪುರ (ಕೇರಳ ಕಾಂಗ್ರೆಸ್ ಜೋಸೆಫ್), ಎಜೆ ಕೊಲೋನಿಯಾ (ಎಪಿ), ಗೋಪಕುಮಾರ್ (ಬಿಎಸ್‌ಪಿ), ಶಿವರಾಮನ್ ಸಿಎಂ (ಎನ್‌ಸಿಪಿ) ಮತ್ತು ಇತರರು ಉಪಸ್ಥಿತರಿದ್ದರು.
DOCTYPE html>
