ಪೆರ್ಮುದೆ: ನಾಳೆ ವಾರ್ಷಿಕ ಮಹೋತ್ಸವ

              ಕುಂಬಳೆ: ಪೆರ್ಮುದೆ ಲಾರೆನ್ಸ್ ನಗರದ ಸೈಂಟ್ ಲಾರೆನ್ಸ್ ದಿ ಮಾರ್ಟಿರ್ ಇಗರ್ಜಿಯ ವಾರ್ಷಿಕ ಮಹೋತ್ಸವ ಆ. 11ರಂದು  ವಿವಿಧ ಧಾರ್ಮಿಕ ವಿಧಿವಿಧಾನಗಳೊಂದಿಗೆ ನಡೆಯಲಿದೆ. ಬೆಳಿಗ್ಗೆ 11 ಕ್ಕೆ ದಿವ್ಯಬಲಿಪೂಜೆ ನೆರವೇರಲಿದೆ. ಕಾಸರಗೋಡು ಧರ್ಮವಲಯದ ಪ್ರಧಾನ ಧರ್ಮಗುರು ವಂದನೀಯ ಫಾ. ಸ್ಟ್ಯಾನಿ ಪಿರೇರಾ ದಿವ್ಯಬಲಿಪೂಜೆಯನ್ನು ನೆರವೇರಿಸುವರು. ಇಗರ್ಜಿಯ ಧರ್ಮಗುರು ಫಾ. ಹೆರಾಲ್ಡ್ ಡಿಸೋಜ, ಸಹಾಯಕ ಧರ್ಮಗುರು ಫಾ. ಕ್ಲೋಡ್ ಕೋರ್ಡಾ ಮತ್ತಿತರರು ಉಪಸ್ಥಿತರಿರುವರು.

            ವಾರ್ಷಿಕ ಮಹೋತ್ಸವದ ತಯಾರಿಯ ಅಂಗವಾಗಿ ಒಂಬತ್ತು ದಿನಗಳ ನೊವೆನಾ ಹಾಗೂ ದಿವ್ಯಬಲಿಪೂಜೆ ಆ. 10ರಂದು ಸಮಾಪ್ತಿಯಾಯಿತು.