ತಿರುವನಂತಪುರ: ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ಕನಿಷ್ಠ ಐದು ದಿನಗಳ ವೇತನ ನೀಡಬೇಕು ಎಂಬ ಸರ್ಕಾರದ ಒತ್ತಾಯವನ್ನು ಒಪ್ಪುವುದಿಲ್ಲ ಹಾಗೂ ಫೆಟೊ ಸಂಘಟನೆಗಳು ಒಪ್ಪಿಗೆ ನೀಡುವುದಿಲ್ಲ ಎಂದು ರಾಜ್ಯಾಧ್ಯಕ್ಷ ಎಸ್. ಕೆ. ಜಯಕುಮಾರ್ ಮತ್ತು ಪ್ರಧಾನ ಕಾರ್ಯದರ್ಶಿ ಪಿ. ಎಸ್. ಗೋಪಕುಮಾರ್ ಮಾಹಿತಿ ನೀಡಿದ್ದಾರೆ.
ನೌಕರರು ತಮ್ಮ ಸಾಮಥ್ರ್ಯಕ್ಕೆ ಅನುಗುಣವಾಗಿ ನೀಡುವ ಮೊತ್ತವನ್ನು ಪಡೆಯುವಂತೆ ಆದೇಶಕ್ಕೆ ತಿದ್ದುಪಡಿ ತರುವಂತೆ ಮುಖ್ಯಮಂತ್ರಿ ಹಾಗೂ ಹಣಕಾಸು ಸಚಿವರಿಗೆ ಮನವಿ ಸಲ್ಲಿಸಲಾಯಿತು. ಅರ್ಜಿಯನ್ನು ಸರ್ಕಾರ ಪರಿಗಣಿಸದಿದ್ದರೆ ಫೆಟೊ ವೇತನದಿಂದ ನೆರವು ಯೋಜನೆಗೆ ಸಹಕರಿಸುವುದಿಲ್ಲ. ಸರ್ಕಾರಿ ಆದೇಶ ಸೇವಾ ಸಂಸ್ಥೆಗಳ ಸಭೆಯಲ್ಲಿ ಮಾಡಿಕೊಂಡ ಒಪ್ಪಂದಕ್ಕೆ ವಿರುದ್ಧವಾಗಿದೆ.
2018ರ ಮಹಾ ಪ್ರವಾಹದ ಸಂದರ್ಭದಲ್ಲಿ ಸರ್ಕಾರ ನೀಡಿದ ಒಪ್ಪಿಗೆ ನಮೂನೆಗೆ ಸಮನಾಗಿ ಹೊಸ ಸಮ್ಮತಿ ನಮೂನೆಯನ್ನು ಸಿದ್ಧಪಡಿಸಲಾಗಿದೆ. ಸರ್ಕಾರದ ಬೆದರಿಕೆಗಳಿಗೆ ನಾವು ಮಣಿಯುವುದಿಲ್ಲ. ವಯನಾಡಿನಲ್ಲಿ ನಡೆಯುವ ಪರಿಹಾರ ಕಾರ್ಯದಲ್ಲಿ ಫೆÉಟ್ಟೋ ಸಂಘಟನೆಗಳು ನೇರವಾಗಿ ಭಾಗವಹಿಸಲಿವೆ ಎಂದು ಮುಖಂಡರು ಮಾಹಿತಿ ನೀಡಿದರು. ಕೆಲವು ಇಲಾಖೆಗಳಲ್ಲಿ ಒಪ್ಪಿಗೆ ನೀಡದವರಿಗೆ ಸಂಬಳ ನೀಡುವುದಿಲ್ಲ ಎಂದು ಮೇಲಧಿಕಾರಿಗಳು ಬೆದರಿಕೆ ಹಾಕುತ್ತಿದ್ದಾರೆ. ನೌಕರರ ವೇತನ ತಡೆಹಿಡಿಯುವ ಅಧಿಕಾರ ಯಾವ ಅಧಿಕಾರಿಗೂ ಇಲ್ಲ. ಯಾವುದೇ ಅಧಿಕಾರಿ ರಾಜಭಕ್ತಿಯಿಂದ ವೇತನ ತಡೆ ಹಿಡಿದರೆ ನ್ಯಾಯಾಂಗ ನಿಂದನೆ ಸೇರಿದಂತೆ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಫೆಟೊ ಮುಖಂಡರು ತಿಳಿಸಿದ್ದಾರೆ.
DOCTYPE html>
.jpg)
