ರಾಜ್ಯದಲ್ಲಿ ಮತ್ತೊಂದು ಎಚ್1ಎನ್1 ಸಾವು; ಕೊಡಂಗಲ್ಲೂರಿನಲ್ಲಿ 54 ವರ್ಷದ ವ್ಯಕ್ತಿ ಮೃತ್ಯು

0 samarasasudhi ಸೆಪ್ಟೆಂಬರ್ 08, 2024

ತ್ರಿಶೂರ್: ರಾಜ್ಯದಲ್ಲಿ ಮತ್ತೊಂದು ಎಚ್1ಎನ್1 ಸಾವು ವರದಿಯಾಗಿದೆ. ತ್ರಿಶೂರ್‍ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ 54 ವರ್ಷದ ವ್ಯಕ್ತಿ ಮೃತಪಟ್ಟಿದ್ದಾರೆ.

ಶ್ರೀನಾರಾಯಣಪುರಂ ಶಂಕು ಬಜಾರ್ ಕೈತಕ್ಕಾಡ್ ನಿವಾಸಿ ಅನಿಲ್ (54) ಮೃತರು. ಜ್ವರ ಮತ್ತು ಕೆಮ್ಮಿನಿಂದ ಬಳಲುತ್ತಿದ್ದ ಅವರು ಎರ್ನಾಕುಳಂನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಆಗಸ್ಟ್ 23 ರಂದು ಅನಿಲ್ ಅವರಿಗೆ ಎಚ್1ಎನ್1 ಇರುವುದು ಪತ್ತೆಯಾಗಿತ್ತು.

ಆಂತರಿಕ ಅಂಗಾಂಗ ವೈಫಲ್ಯದಿಂದ ಬಳಲುತ್ತಿದ್ದ ಅವರನ್ನು ವಿಶೇಷ ಚಿಕಿತ್ಸೆಗಾಗಿ ಎರ್ನಾಕುಳಂನ ಖಾಸಗಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿತ್ತು. ಅಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಅವರು ಶನಿವಾರ ಸಂಜೆ ಮೃತಪಟ್ಟಿದ್ದಾರೆ. ಕೆಲವು ದಿನಗಳ ಹಿಂದೆ ತ್ರಿಶೂರ್‍ನಲ್ಲಿ ಎರವ್‍ನ ಸ್ಥಳೀಯರೊಬ್ಬರು ಎಚ್1ಎನ್1 ನಿಂದ ಸಾವನ್ನಪ್ಪಿದ್ದರು. ಎರವ ಮೂಲದ ಮೀನಾ ಮೃತರು. ಎಚ್1ಎನ್1 ಸೋಂಕಿನಿಂದಾಗಿ ತ್ರಿಶೂರ್‍ನ ಖಾಸಗಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಅವರು ಮೃತಪಟ್ಟಿದ್ದಾರೆ.

ಕಾಸರಗೋಡು ಪಟನ್ನಕ್ಕಾಡ್‍ನಲ್ಲಿ ನಿನ್ನೆ ಹೆಚ್1ಎನ್1 ಸೋಂಕು ದೃಢಪಟ್ಟಿತ್ತು. ಪಟನ್ನಕ್ಕಾಡ್ ಕೃಷಿ ಕಾಲೇಜಿನ ವಿದ್ಯಾರ್ಥಿಗಳಿಗೆ ಸೋಂಕು ತಗುಲಿದೆ. ಐವರು ವಿದ್ಯಾರ್ಥಿಗಳಿಗೆ ರೋಗ ಇರುವುದು ದೃಢಪಟ್ಟಿದೆ. ರೋಗದ ಲಕ್ಷಣಗಳು ಕಂಡುಬಂದ ವಿದ್ಯಾರ್ಥಿಗಳ ದ್ರವಗಳನ್ನು ಪರೀಕ್ಷೆಗಾಗಿ ಅಲಪ್ಪುಳ ವೈರಾಲಜಿ ಲ್ಯಾಬ್‍ಗೆ ಕಳುಹಿಸಲಾಗಿದೆ.