ವಕ್ಫ್‌ ಮಸೂದೆಗೆ 1.2 ಕೋಟಿ ಪ್ರತಿಕ್ರಿಯೆ

 ನವದೆಹಲಿ: ವಕ್ಫ್‌ (ತಿದ್ದುಪಡಿ) ಮಸೂದೆಯ ಪರಿಶೀಲನೆ ನಡೆಸುತ್ತಿರುವ ಜಂಟಿ ಸಂಸದೀಯ ಸಮಿತಿಗೆ (ಜೆಪಿಸಿ) ಇ-ಮೇಲ್ ಮೂಲಕ 1.2 ಕೋಟಿ ಪ್ರತಿಕ್ರಿಯೆಗಳು ಬಂದಿವೆ ಎಂದು ಮೂಲಗಳು ತಿಳಿಸಿವೆ.

ಬಿಜೆಪಿಯ ಜಗದಾಂಬಿಕಾ ಪಾಲ್ ನೇತೃತ್ವದ ಸಮಿತಿಗೆ ದಾಖಲೆಗಳು ಇರುವ 75 ಸಾವಿರ ಪ್ರತಿಕ್ರಿಯೆಗಳು ಕೂಡ ಬಂದಿವೆ.

ಈ ಕಾರಣಕ್ಕಾಗಿ ಸಮಿತಿಯು ತನ್ನ ಕೆಲಸಕ್ಕಾಗಿ ಲೋಕಸಭಾ ಸಚಿವಾಲಯದಿಂದ ಹೆಚ್ಚಿನ ಸಿಬ್ಬಂದಿಯನ್ನು ಕೋರಿದೆ.

'ಇ-ಮೇಲ್‌ಗಳ ಪರಿಶೀಲನೆಗೆ, ಅವುಗಳನ್ನು ವರ್ಗೀಕರಿಸಿ, ದಾಖಲಿಸುವುದಕ್ಕೆ ಹೆಚ್ಚುವರಿಯಾಗಿ 15 ಸಿಬ್ಬಂದಿಯನ್ನು ಒದಗಿಸಲಾಗಿದೆ' ಎಂದು ಮೂಲಗಳು ವಿವರಿಸಿವೆ.