ಹೇಮಾ ಸಮಿತಿ ವರದಿ: 20ಕ್ಕೂ ಹೆಚ್ಚು ಜನರ ಹೇಳಿಕೆ ಗಂಭೀರ, ಪ್ರಕರಣ ದಾಖಲಿಸಲು ಮುಂದಾದ ತನಿಖಾ ತಂಡ

ತಿರುವನಂತಪುರಂ: ಹೇಮಾ ಸಮಿತಿ ಮುಂದೆ ಬಹಿರಂಗಪಡಿಸಿರುವ ಇಪ್ಪತ್ತಕ್ಕೂ ಹೆಚ್ಚು ಜನರ ಹೇಳಿಕೆ ಗಂಭೀರವಾಗಿದೆ ಎಂದು ವಿಶೇಷ ತನಿಖಾ ತಂಡ ಹೇಳಿದೆ.

ಇನ್ನು ಹತ್ತು ದಿನದೊಳಗೆ ಬಹುತೇಕರನ್ನು ನೇರವಾಗಿ ಸಂಪರ್ಕಿಸಲಾಗುವುದು ಎಂದೂ ತನಿಖಾ ತಂಡ ಮಾಹಿತಿ ನೀಡಿದೆ. ಕಾನೂನು ಪ್ರಕ್ರಿಯೆ ಮುಂದುವರಿಸಲು ಇಚ್ಛಿಸುವವರ ಹೇಳಿಕೆ ಮೇರೆಗೆ ಅ.  ಮೂರರೊಳಗೆ ಪ್ರಕರಣ ದಾಖಲಿಸಲಾಗುವುದು.ಪೋಸ್ಕೋ ತರಹದ ಪ್ರಕರಣವನ್ನು ದಾಖಲಿಸುವ ಸಾಧ್ಯತೆಯೂ ಇದೆ. 

ನಿನ್ನೆ ನಡೆದ ವಿಶೇಷ ಸಮಿತಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಹೇಳಿಕೆ ನೀಡಿದವರ ಹಿತಾಸಕ್ತಿ ಮೇರೆಗೆ ಪ್ರಕರಣ ದಾಖಲಿಸಲಾಗುವುದು. ಅವರ ಹೊಸ ಹೇಳಿಕೆ ಬಂದರೆ ಪ್ರಕರಣ ದಾಖಲಿಸಲು ಎಸ್ ಐಟಿ ಸಭೆಯಲ್ಲಿ ನಿರ್ಧರಿಸಲಾಗಿದೆ. ಮೂಲ ವರದಿಯು 3896 ಪುಟಗಳನ್ನು ಹೊಂದಿದೆ. ಪೂರ್ಣ ಹೆಸರು ಮತ್ತು ವಿಳಾಸವನ್ನು ಬಹಿರಂಗಪಡಿಸದವರನ್ನು ಪತ್ತೆ ಮಾಡಲು ಸಂಸ್ಕøತಿ ಇಲಾಖೆ ಅಥವಾ ವರದಿಯನ್ನು ಸಿದ್ಧಪಡಿಸಿದ ಹೇಮಾ ಸಮಿತಿಯ ಸದಸ್ಯರ ಸಹಾಯವನ್ನು ಪಡೆಯಲಾಗುವುದು. ವಿವರವಾದ ಸಾಕ್ಷ್ಯ ಮತ್ತು ಪೋಷಕ ಪುರಾವೆಗಳ ಅವಲೋಕನ ನಡೆಸಲಾಗುವುದು. 

ತನಿಖಾಧಿಕಾರಿಗಳು ಈ ಪುಟಗಳ ಹಲವಾರು ಭಾಗಗಳಲ್ಲಿ ಓದಿರುವರು.  ಮೂರು ದಿನಗಳಲ್ಲಿ ಪ್ರತಿಯೊಬ್ಬ ಮಹಿಳಾ ಅಧಿಕಾರಿಯ ಹೇಳಿಕೆಗಳನ್ನು ಸಂಪೂರ್ಣವಾಗಿ ಓದಲು ನಿರ್ಧರಿಸಲಾಗಿದೆ. ಅದರ ನಂತರ ಗಂಭೀರವಾಗಿ ಪರಿಗಣಿಸಲ್ಪಟ್ಟ ಇಪ್ಪತ್ತು ಜನರನ್ನು ಮೊದಲ ಹಂತದಲ್ಲಿ ಮಹಿಳಾ ಅಧಿಕಾರಿಗಳು ಮತ್ತು ಎರಡನೇ ಹಂತದಲ್ಲಿ ಉಳಿದವರನ್ನು ನೇರವಾಗಿ ಸಂಪರ್ಕಿಸುತ್ತಾರೆ. ಇವರನ್ನು ಪತ್ತೆ ಮಾಡಿಕೊಡುವಂತೆ ಹೇಳಿಕೆ ನೀಡಿದವರ ಹಿತಾಸಕ್ತಿ ತಿಳಿದು ಪ್ರಕರಣ ದಾಖಲಿಸಲಾಗುವುದು.