ಸಾರ್ವಜನಿಕ ದಾಖಲೆಗಳ ಮಸೂದೆ: ವಿಧಾನಸಭೆ ಆಯ್ಕೆ ಸಮಿತಿಯಿಂದ 26 ರಂದು ಎರ್ನಾಕುಳಂ ಮತ್ತು 27 ರಂದು ಕೋಝಿಕ್ಕೋಡ್‍ನಲ್ಲಿ ಸಾಕ್ಷ್ಯ ಸಂಗ್ರಹ

ತಿರುವನಂತಪುರಂ: ಕೇರಳ ಸಾರ್ವಜನಿಕ ದಾಖಲೆಗಳ ವಿಧೇಯಕದ ಆಯ್ಕೆ ಸಮಿತಿಯು 26 ರಂದು ಎರ್ನಾಕುಳಂ ಮತ್ತು 27 ರಂದು ಕೋಝಿಕ್ಕೋಡ್‍ನಲ್ಲಿ ಸಭೆ ಸೇರಲಿದೆ.

ನೋಂದಣಿ ಇಲಾಖೆ ಸಚಿವ ರಾಮಚಂದ್ರನ್ ಕಡನಪಳ್ಳಿ ಅಧ್ಯಕ್ಷತೆಯ ಆಯ್ಕೆ ಸಮಿತಿಯು ಇಡುಕ್ಕಿ, ಅಲಪ್ಪುಳ, ಕೊಟ್ಟಾಯಂ, ಎರ್ನಾಕುಳಂ, ತ್ರಿಶೂರ್ ಮತ್ತು ಪಾಲಕ್ಕಾಡ್ ಜಿಲ್ಲೆಗಳವರಿಗೆ 26ರಂದು ಬೆಳಗ್ಗೆ 10.30ಕ್ಕೆ ಎರ್ನಾಕುಳಂ ಕಲೆಕ್ಟರೇಟ್ ಕಾನ್ಫರೆನ್ಸ್ ಹಾಲ್‍ನಲ್ಲಿ ಸಾಕ್ಷ್ಯ ಸಂಗ್ರಹಣೆ ನಡೆಸಲಿದೆ.

ಪುರಾತತ್ವ ದಾಖಲೆಗಳ ಸಂಗ್ರಹಕ್ಕೆ ಸಂಬಂಧಿಸಿದ ಸಾರ್ವಜನಿಕರು, ವ್ಯಕ್ತಿಗಳು, ಸಂಸ್ಥೆಗಳು ಮತ್ತು ತಜ್ಞರಿಂದಲೂ ಅಭಿಪ್ರಾಯಗಳು ಮತ್ತು ಸಲಹೆಗಳನ್ನು ಸ್ವೀಕರಿಸಲಾಗುತ್ತದೆ. ಕೇರಳ ಪಬ್ಲಿಕ್ ರೆಕಾಡ್ರ್ಸ್ ಬಿಲ್, 2023 ಮತ್ತು ಬಿಲ್‍ನ ನಿಬಂಧನೆಗಳ ಮೇಲಿನ ಪ್ರಶ್ನಾವಳಿಯು ಮುಖಪುಟದಲ್ಲಿ  niyamasabha.org ನಲ್ಲಿ ಮತ್ತು ಶಾಸನಪೂರ್ವ ಸಾರ್ವಜನಿಕ ಸಮಾಲೋಚನೆ ಲಿಂಕ್‍ನಲ್ಲಿ ಲಭ್ಯವಿದೆ. ಮಸೂದೆಯ ನಿಬಂಧನೆಗಳ ಕುರಿತು ಸಲಹೆಗಳು ಮತ್ತು ಕಾಮೆಂಟ್‍ಗಳನ್ನು ಸಲ್ಲಿಸಲು ಆಸಕ್ತಿಯುಳ್ಳವರು ಸಭೆಯಲ್ಲಿ ವೈಯಕ್ತಿಕವಾಗಿ ಅಥವಾ ಲಿಖಿತವಾಗಿ ಸಲ್ಲಿಸಬಹುದು. ಸಲಹೆಗಳು ಮತ್ತು ಕಾಮೆಂಟ್‍ಗಳನ್ನು ನವೆಂಬರ್ 15 ರೊಳಗೆ 'ಅಂಡರ್ ಸೆಕ್ರೆಟರಿ, ಶಾಸನ ವಿಭಾಗ, ಕೇರಳ ವಿಧಾನಸಭೆ, ತಿರುವನಂತಪುರಂ - 33' ಅಥವಾ ಇಮೇಲ್ legislation@niyamasabha.nic.in ಗೆ ಕಳುಹಿಸಬಹುದು.