ಅಂತರ್ಜಾಲದಲ್ಲಿ ಮಕ್ಕಳ ನಗ್ನಚಿತ್ರ ಪ್ರಸರಣ: ಆಪರೇಷನ್ ಪಿ ಹಂಟ್: 6 ಮಂದಿ ಬಂಧನ; 173 ಸಾಧನಗಳ ವಶ

ತಿರುವನಂತಪುರಂ: ಅಂತರ್ಜಾಲದಲ್ಲಿ ಮಕ್ಕಳ ನಗ್ನ ಚಿತ್ರಗಳನ್ನು ಹುಡುಕುವ, ಸಂಗ್ರಹಿಸಿ, ವಿನಿಮಯ ಮಾಡಿಕೊಳ್ಳುವವರ ವಿರುದ್ಧ ಪೋಲೀಸರು ನಡೆಸಿದ ಕುಟುಕು ಕಾರ್ಯಾಚರಣೆಯ ಭಾಗವಾಗಿ ನಿನ್ನೆ ರಾಜ್ಯದ 455 ಸ್ಥಳಗಳಲ್ಲಿ ಶೋಧ ನಡೆಸಲಾಗಿದೆ.

ರಾಜ್ಯಾದ್ಯಂತ 37 ಪ್ರಕರಣಗಳು ದಾಖಲಾಗಿದ್ದು, ಆರು ಮಂದಿಯನ್ನು ಬಂಧಿಸಲಾಗಿದೆ. ತಿರುವನಂತಪುರಂ ಗ್ರಾಮಾಂತರ, ಕೊಲ್ಲಂ ನಗರ, ಪತ್ತನಂತಿಟ್ಟ, ಮಲಪ್ಪುರಂ, ಕೋಝಿಕ್ಕೋಡ್ ಗ್ರಾಮಾಂತರ ಮತ್ತು ಕಾಸರಗೋಡು ಜಿಲ್ಲೆಗಳಲ್ಲಿ ಬಂಧಿಸಲಾಗಿದೆ.

20 ಪೋಲೀಸ್ ಜಿಲ್ಲೆಗಳಲ್ಲಿ ನಡೆಸಿದ ಕುಟುಕು ಕಾರ್ಯಾಚರಣೆಯಲ್ಲಿ ಒಟ್ಟು 173 ಸಾಧನಗಳನ್ನು ವಶಪಡಿಸಿಕೊಳ್ಳಲಾಗಿದೆ. 11 ಜಿಲ್ಲೆಗಳಲ್ಲಿ 37 ಪ್ರಕರಣಗಳು ದಾಖಲಾಗಿವೆ. ಭಾರತೀಯ ನಾಗರಿಕ ಸಂರಕ್ಷಣಾ ಸಂಹಿತೆಯ ಸೆಕ್ಷನ್ 106 ರ ಅಡಿಯಲ್ಲಿ 107 ವರದಿಗಳನ್ನು ಸಹ ನೋಂದಾಯಿಸಲಾಗಿದೆ.

ಆಫರೇಶನ್ ಫಿ-ಹಂಟ್ ತನಿಖೆಯ ಭಾಗವಾಗಿ ಮಲಪ್ಪುರಂನಲ್ಲಿ ಅತಿ ಹೆಚ್ಚು ತಪಾಸಣೆಗಳನ್ನು ನಡೆಸಲಾಗಿತ್ತು.  ಮಲಪ್ಪುರಂ ಜಿಲ್ಲೆಯಲ್ಲಿ 60 ಸ್ಥಳಗಳಲ್ಲಿ ಶೋಧ ನಡೆಸಲಾಗಿದ್ದು, 23 ಸಾಧನಗಳನ್ನು ವಶಪಡಿಸಿಕೊಳ್ಳಲಾಗಿದೆ. ತಿರುವನಂತಪುರಂ ಗ್ರಾಮಾಂತರ ಜಿಲ್ಲೆಯಲ್ಲಿ 39 ಸ್ಥಳಗಳಲ್ಲಿ ಶೋಧ ನಡೆಸಿ 29 ಸಾಧನಗಳನ್ನು ವಶಪಡಿಸಿಕೊಳ್ಳಲಾಗಿದೆ. ತಿರುವನಂತಪುರಂ ನಗರದಲ್ಲಿ 22 ತಪಾಸಣೆಗಳಲ್ಲಿ ಐದು ಎಲೆಕ್ಟ್ರಾನಿಕ್ ಉಪಕರಣಗಳು ಪತ್ತೆಯಾಗಿವೆ. ಪತ್ತನಂತಿಟ್ಟದಲ್ಲಿ ಎಂಟು ಸ್ಥಳಗಳಲ್ಲಿ ತಪಾಸಣೆ ನಡೆಸಲಾಯಿತು. ಅಲ್ಲಿ ಕಡಿಮೆ ಸಂಖ್ಯೆಯ ಅವ್ಯವಹಾರ ಪತ್ತೆಯಾಗಿದೆ.  ಆಲಪ್ಪುಳ ಎಂಟು, ಕೊಲ್ಲಂ ಏಳು, ಕಾಸರಗೋಡು ಐದು, ಪಾಲಕ್ಕಾಡ್ ನಾಲ್ಕು, ತ್ರಿಶೂರ್ ಗ್ರಾಮಾಂತರ, ತ್ರಿಶೂರ್ ಸಿಟಿ, ವಯನಾಡ್ ಮೂರು, ತಿರುವನಂತಪುರಂ ಗ್ರಾಮಾಂತರ, ಪತ್ತನಂತಿಟ್ಟ, ಮಲಪ್ಪುರಂ ಮತ್ತು ಕೋಝಿಕ್ಕೋಡ್ ಗ್ರಾಮಾಂತರಗಳಲ್ಲಿ ತಲಾ ಒಂದು ಪ್ರಕರಣ ದಾಖಲಾಗಿದೆ.