ಸೆಪ್ಟೆಂಬರ್ 9 ರಿಂದ ಉಚಿತ ಓಣಂ ಕಿಟ್ ವಿತರಣೆ

ತಿರುವನಂತಪುರಂ: ಇದೇ 9ರಿಂದ ಉಚಿತ ಓಣಂ ಕಿಟ್ ವಿತರಣೆ ಆರಂಭವಾಗಲಿದೆ ಎಂದು ಆಹಾರ ಇಲಾಖೆ ಸಚಿವ ಜಿ.ಆರ್. ಅನಿಲ್ ತಿಳಿಸಿದ್ದಾರೆ.

ಪಡಿತರ ಅಂಗಡಿಗಳ ಮೂಲಕ ಕಿಟ್ ವಿತರಣೆ ಮಾಡಲಾಗುವುದು. ಮೂರು ದಿನಗಳಲ್ಲಿ ವಿತರಣೆ ಪೂರ್ಣಗೊಳ್ಳಬಹುದು ಎಂದು ತೀರ್ಮಾನಿಸಲಾಗಿದೆ. ಸುಮಾರು 6 ಲಕ್ಷ ಹಳದಿ ಕಾರ್ಡ್ ಹೊಂದಿರುವವರು, ಕಲ್ಯಾಣ ಸಂಸ್ಥೆಗಳ ಅನಾಥರು ಮತ್ತು ವಯನಾಡ್ ನ ವಿಪತ್ತು ವಲಯದ ಕಾರ್ಡ್ ಹೊಂದಿರುವವರಿಗೆ ಉಚಿತ ಓಣಂ ಕಿಟ್ ನೀಡಲಾಗುತ್ತದೆ.

ಬಿಳಿ ಮತ್ತು ನೀಲಿ ಕಾರ್ಡ್ ಹೊಂದಿರುವವರಿಗೆ 10 ಕೆಜಿ ಅಕ್ಕಿ 10.90 ರೂ.ಗಳಿಗೆ ನೀಡಲಾಗುವುದು. ಮಾರುಕಟ್ಟೆಯಲ್ಲಿ ಅಕ್ಕಿ ಬೆಲೆ 50 ರೂಪಾಯಿಗೂ ಹೆಚ್ಚು. ಹಳದಿ ಪಡಿತರ ಚೀಟಿದಾರರಿಗೆ ಸಕ್ಕರೆ ಸರಬರಾಜಾಗುತ್ತಿದ್ದು, ಬೆಲೆ ಸ್ವಲ್ಪ ಹೆಚ್ಚಿಸಬೇಕು ಎಂದು ಸಚಿವ ಜಿ.ಆರ್. ಅನಿಲ್ ಮಾಹಿತಿ ನೀಡಿದರು.