ಕಾಸರಗೋಡು: ಓಣಂ ಆಚರಣೆ ವೇಳೆ ತರಗತಿಯಲ್ಲಿ ಶಿಕ್ಷಕಿಗೆ ಹಾವು ಕಡಿತ

ಕಾಸರಗೋಡು: ಶಿಕ್ಷಕಿಯೊಬ್ಬರಿಗೆ ತರಗತಿ ಕೊಠಡಿಯಲ್ಲಿ ಹಾವು ಕಚ್ಚಿದ ಘಟನೆ ನೀಲೇಶ್ವರದಲ್ಲಿ ನಡೆದಿದೆ. ರಾಜಾಸ್ ಹೈಸ್ಕೂಲ್ ಶಿಕ್ಷಕಿ ವಿದ್ಯಾ ಅವರಿಗೆ ಹಾವು ಕಚ್ಚಿದೆ. ಅವರನ್ನು ಕಾಞಂಗಾಡ್ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.

ನಿನ್ನೆ ಬೆಳಗ್ಗೆ ಈ ಘಟನೆ ನಡೆದಿದೆ. ರಾಜಾಸ್ ಪ್ರೌಢಶಾಲೆಯ 8ನೇ ತರಗತಿಯಲ್ಲಿ ಅವಘಡ ಸಂಭವಿಸಿದೆ. ಶಾಲೆಯಲ್ಲಿ ಓಣಂ ಆಚರಣೆ ನಡೆಯುತ್ತಿತ್ತು. ವಿದ್ಯಾರ್ಥಿಗಳೊಂದಿಗೆ ಮಾತನಾಡುತ್ತಿದ್ದಾಗ ವಿದ್ಯಾ ಅವರ ಕಾಲಿಗೆ ಹಾವು ಕಚ್ಚಿದೆ.

ದೇಹಕ್ಕೆ ಯಾವುದೇ ವಿಷ ಸೇರಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ. ಆದ್ದರಿಂದ ಶಿಕ್ಷಕಿಗೆ ವಿಷವಿಲ್ಲದ ಹಾವು ಕಚ್ಚಿರಬಹುದು ಎಂಬುದು ಪ್ರಾಥಮಿಕ ತೀರ್ಮಾನ. ಶಾಲೆ ಮತ್ತು ಆವರಣವನ್ನು ಸ್ವಚ್ಛವಾಗಿಡಲಾಗಿದೆ ಎಂದು ಶಾಲೆಯ ಅಧಿಕಾರಿಗಳು ತಿಳಿಸಿದ್ದು, ಹಾವು ತರಗತಿಗೆ ಹೇಗೆ ತಲುಪಿತು ಎಂಬುದು ಸ್ಪಷ್ಟವಾಗಿಲ್ಲ.