ಎಡಿಜಿಪಿ ಎಂ.ಆರ್.ಅಜಿತ್‍ಕುಮಾರ್ ವಿರುದ್ಧ ತನಿಖೆ ಘೋಷಿಸಿದ ಮುಖ್ಯಮಂತ್ರಿ

              ಕೊಟ್ಟಾಯಂ: ಎಡಿಜಿಪಿ ಎಂಆರ್ ಅಜಿತ್‍ಕುಮಾರ್ ವಿರುದ್ಧ ಪಿವಿ ಅನ್ವರ್ ಮಾಡಿರುವ ಆರೋಪದ ಬಗ್ಗೆ ಸಾರ್ವಜನಿಕ ತನಿಖೆ ನಡೆಸುವುದಾಗಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಘೋಷಿಸಿದ್ದಾರೆ.

            ಪೋಲೀಸ್ ಸಂಘದ ರಾಜ್ಯ ಸಮ್ಮೇಳನದ ಅಂಗವಾದ ನಿಯೋಗವನ್ನು ಉದ್ಘಾಟಿಸಿ ಮಾತನಾಡಿದ ಮುಖ್ಯಮಂತ್ರಿಗಳು ತನಿಖೆಯನ್ನುಘೋಷಿಸಿದರು. ಈ ವೇಳೆ ಎಡಿಜಿಪಿ ಕೂಡ ಉಪಸ್ಥಿತರಿದ್ದರು. ಅವರನ್ನು ಡಿಜಿಪಿ ದರ್ಜೆಯ ಅಧಿಕಾರಿ ತನಿಖೆ ನಡೆಸಲಿದ್ದಾರೆ ಎಂದು ಮುಖ್ಯಮಂತ್ರಿ ತಿಳಿಸಿದರು. ಎಂಆರ್ ಅಜಿತ್‍ಕುಮಾರ್ ಅವರನ್ನು ಕಾನೂನು ಸುವ್ಯವಸ್ಥೆ ಉಸ್ತುವಾರಿಯಿಂದ ತೆಗೆದುಹಾಕುವ ಸಾಧ್ಯತೆಯೂ ಇದೆ. 

          ಸರ್ಕಾರ ಎಲ್ಲವನ್ನೂ ಸರಿಯಾಗಿ ಪರಿಶೀಲಿಸುತ್ತದೆ ಮತ್ತು ಯಾವುದೇ ಪೂರ್ವಾಗ್ರಹವಿಲ್ಲ. ಕೆಲವು ಸಮಸ್ಯೆಗಳು ಬಂದಿವೆ. ಸಮಸ್ಯೆಗಳನ್ನು ಗಂಭೀರವಾಗಿ ಪರಿಗಣಿಸಿ ಹಿರಿಯ ಪೋಲೀಸ್ ಅಧಿಕಾರಿಯಿಂದ ತನಿಖೆ ನಡೆಸಲಾಗುವುದು ಎಂದು ಪಿಣರಾಯಿ ವಿಜಯನ್ ಹೇಳಿದ್ದಾರೆ. ಶಿಸ್ತು ಮುಖ್ಯ. ಶಿಸ್ತಿಗೆ ಭಂಗ ತರುವ ಕ್ರಮಗಳನ್ನು ಸಹಿಸುವುದಿಲ್ಲ, ಉಲ್ಲಂಘಿಸಿದರೆ ಕ್ರಮ ಕೈಗೊಳ್ಳಲಾಗುವುದು ಎಂದು ಮುಖ್ಯಮಂತ್ರಿ ಹೇಳಿದರು.