ಓಣಂ ಹಿನ್ನೆಲೆಯಲ್ಲಿ ಮಾರುಕಟ್ಟೆಗೆ ಲಗ್ಗೆಯಿರಿಸಿದ ನಕಲಿ, ಕಳಪೆ ಸಾಮಗ್ರಿಗಳು: ಸೂಚನೆ ನೀಡಿದ ಆಹಾರ ಸುರಕ್ಷತಾ ಇಲಾಖೆ

ತ್ರಿಶೂರ್: ಓಣಂ ಸಮೀಪಿಸುತ್ತಿದ್ದಂತೆ ನಕಲಿ ಮತ್ತು ಕಲಬೆರಕೆ ಉತ್ಪನ್ನಗಳು ಮಾರುಕಟ್ಟೆಯನ್ನು ಆಕ್ರಮಿಸಿಕೊಂಡಿವೆ. ಆಹಾರ ಪದಾರ್ಥಗಳ ಹೊರತಾಗಿ, ನಕಲಿ ಮತ್ತು ಕಲಬೆರಕೆ ಉತ್ಪನ್ನಗಳು ಕರಿ ಪುಡಿಗಳು, ಬಟ್ಟೆಗಳು, ಹಾಲು ಮತ್ತು ಹಾಲಿನ ಉತ್ಪನ್ನಗಳು ಜನರ ಮುಂದೆ ರಾರಾಜಿಸತೊಡಗಿದೆ. 

ಈ ರೀತಿಯ ಗುಂಪು ಸಕ್ರಿಯವಾಗಿರುವುದು ಆಹಾರ ಸುರಕ್ಷತಾ ಇಲಾಖೆ ನಿದ್ದೆಗೆಡಿಸಿದೆ. ಉತ್ಪನ್ನಗಳ ನೈಜ ಬೆಲೆಗಿಂತ ಕಡಿಮೆ ಬೆಲೆಯಲ್ಲಿ ಲಭ್ಯವಿರುವುದರಿಂದ ಅನೇಕ ಜನರು ಈ ಉತ್ಪನ್ನಗಳನ್ನು ಖರೀದಿಸುತ್ತಾರೆ. ಇದರಿಂದ ಕ್ಯಾನ್ಸರ್‍ನಂತಹ ಮಾರಕ ಕಾಯಿಲೆಗಳು ಬರುತ್ತವೆ.

ಇದರೊಂದಿಗೆ ಮಾರುಕಟ್ಟೆಯಿಂದ ಕಣ್ಮರೆಯಾದ ಮತ್ತು ನಿಷೇಧಿತ ಉತ್ಪನ್ನಗಳು ಹೊಸ ಮತ್ತು ಹಳೆಯ ಹೆಸರುಗಳಲ್ಲಿ ಕಾಣಿಸಿಕೊಳ್ಳುವ ಆತಂಕವಿದೆ. ಸಿಹಿತಿಂಡಿ, ಉಪ್ಪಿನಕಾಯಿ ಸೇರಿದಂತೆ ಪ್ಯಾಕೆಟ್ ಗಳಲ್ಲಿ ಬರುವ ವಸ್ತುಗಳಲ್ಲಿ ತಯಾರಿಕೆಗೆ ಬಳಸುವ ಪದಾರ್ಥಗಳ ನಿಖರ ಪ್ರಮಾಣ ಅಥವಾ ಹೆಸರು ಇಲ್ಲದಿರುವುದು ಹಾಗೂ ಮುಕ್ತಾಯ ದಿನಾಂಕವನ್ನು ದಾಖಲಿಸದೇ ಇರುವುದು ಗಮನಕ್ಕೆ ಬಂದಿದೆ. ಬಟ್ಟೆಯಲ್ಲಿ ಖಾದಿ ಉತ್ಪನ್ನಗಳಲ್ಲಿ ನಕಲಿ ವಸ್ತುಗಳು ಬರುತ್ತಿವೆ ಎಂಬ ದೂರು ಇದೆ.

ಈ ಬಗ್ಗೆ ಆಹಾರ ಸುರಕ್ಷಾ ಇಲಾಖೆ ಜಾಗ್ರತೆಯ ನಿರ್ದೇಶನ ನೀಡಿದೆ.