ಟಿಐಎಸ್‌ಎಸ್‌: ಪಿಎಸ್‌ಎಫ್‌ ಮೇಲಿನ ನಿಷೇಧ ತೆರವು

 ಮುಂಬೈ: ಟಾಟಾ ಇನ್‌ಸ್ಟಿಟ್ಯೂಟ್ ಆಫ್‌ ಸೋಷಿಯಲ್‌ ಸೈನ್ಸ್‌ (ಟಿಐಎಸ್‌ಎಸ್‌) ಸಂಸ್ಥೆಯು ಎಡಪಂಥೀಯ ವಿದ್ಯಾರ್ಥಿ ಸಂಘಟನೆ ಪ್ರೊಗ್ರೆಸ್ಸಿವ್‌ ಸ್ಟೂಡೆಂಟ್ಸ್‌ ಫೋರಂ (ಪಿಎಸ್‌ಎಫ್‌- ಟಿಐಎಸ್‌ಎಸ್‌) ಮೇಲಿನ ನಿಷೇಧವನ್ನು ತೆಗೆದುಹಾಕಿದೆ.

ನಿಷೇಧದ ತೆರವು, ವಿದ್ಯಾರ್ಥಿಗಳ ಒಗ್ಗಟ್ಟಿನ ಹೋರಾಟದ ಪ್ರತಿಫಲ ಎಂದು ಪಿಎಸ್‌ಎಫ್‌ ಹೇಳಿಕೆಯಲ್ಲಿ ತಿಳಿಸಿದೆ.

ಕಳೆದ ತಿಂಗಳು ಈ ವಿದ್ಯಾರ್ಥಿ ಸಂಘಟನೆ ಮೇಲೆ ನಿಷೇಧ ಹೇರಲಾಗಿತ್ತು. ವಿಶೇಷ ಎಂದರೆ, ಪಿಎಸ್‌ಎಫ್‌ ಸಂಘಟನೆಗೆ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್‌ ಸಹ ಬೆಂಬಲ ನೀಡಿತ್ತು.