ಈ ಅಸ್ವಸ್ಥತೆಗಳ ಹಿಂದಿರುವುದು ಮಲಪ್ಪುರಂನಿಂದ ಕೋಟ್ಯಂತರ ಚಿನ್ನ ಮತ್ತು ಹವಾಲಾ ಹಣ ವಶ ಘಟನೆಗಳು: ಮುಖ್ಯಮಂತ್ರಿ

ತಿರುವನಂತಪುರಂ: ಚಿನ್ನ ಮತ್ತು ಹವಾಲಾ ಹಣದ ಕಳ್ಳಸಾಗಣೆಗೆ ಸಂಬಂಧಿಸಿದಂತೆ ಕಳೆದ ಐದು ವರ್ಷಗಳಲ್ಲಿ ಪೋಲೀಸರಿಗೆ ಉಂಟಾದ ಅನಾನುಕೂಲತೆಯೇ ಪ್ರಸ್ತುತ ಆರೋಪಗಳ ಹಿಂದಿನ ಪ್ರಮುಖ ಅಂಶವಾಗಿದೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ.

ಈ ಹಣವನ್ನು ರಾಜ್ಯ ವಿರೋಧಿ ಮತ್ತು ದೇಶ ವಿರೋಧಿ ಚಟುವಟಿಕೆಗಳಿಗೆ ಬಳಸಲಾಗುತ್ತಿದೆ ಎಂದು ಮುಖ್ಯಮಂತ್ರಿಗಳು ಪ್ರತಿಕ್ರಿಯಿಸಿದರು. ‘ದಿ ಹಿಂದೂ’ಗೆ ನೀಡಿದ ಸಂದರ್ಶನದಲ್ಲಿ ಮುಖ್ಯಮಂತ್ರಿಗಳು ಈ ವಿಷಯಗಳನ್ನು ಹೇಳಿದ್ದಾರೆ.

ಪ್ರತಿಪಕ್ಷಗಳು ಅಲ್ಪಸಂಖ್ಯಾತರ ಮತಬ್ಯಾಂಕ್‍ನಲ್ಲಿ ಬಿರುಕು ಬೀಳುವ ಭಯದಲ್ಲಿದ್ದಾರೆ. ಆರ್‍ಎಸ್‍ಎಸ್‍ನೊಂದಿಗೆ ಸಂಪರ್ಕವಿದೆ ಎಂದು ಪ್ರತಿಪಕ್ಷಗಳ ಆರೋಪದ ಹಿಂದೆ ಇದು ಇದೆ ಎಂದು ಮುಖ್ಯಮಂತ್ರಿ ಹೇಳಿದರು. 

ಕೇರಳದ ಜನಸಂಖ್ಯೆಯ ಗಮನಾರ್ಹ ಪ್ರಮಾಣವು ಅಲ್ಪಸಂಖ್ಯಾತ ಸಮುದಾಯಗಳನ್ನು ಒಳಗೊಂಡಿದೆ. ಬಹಳ ಕಾಲ ಈ ಸಮುದಾಯಗಳು ಕಾಂಗ್ರೆಸ್ ನೇತೃತ್ವದ ಯುಡಿಎಫ್ ಜೊತೆಗಿದ್ದವು. ಆದರೆ ಅದು ಬದಲಾಯಿತು. ಅಲ್ಪಸಂಖ್ಯಾತ ಗುಂಪುಗಳು ಈಗ ಎಲ್.ಡಿ.ಎಫ್.ನನು ಬೆಂಬಲಿಸುತ್ತಿವೆ. ಇದರಿಂದ ಚುನಾವಣೆಯಲ್ಲಿ ತಮಗೆ ತೊಂದರೆಯಾಗಲಿದೆ ಎಂದು ತಿಳಿದಿರುವ ಯುಡಿಎಫ್ ಉದ್ದೇಶಪೂರ್ವಕವಾಗಿ ಗೊಂದಲ ಸೃಷ್ಟಿಸಲು ಯತ್ನಿಸುತ್ತಿದೆ ಎಂದು ಮುಖ್ಯಮಂತ್ರಿ ಹೇಳಿದರು.

ಕಳೆದ ಐದು ವರ್ಷಗಳಲ್ಲಿ ಮಲಪ್ಪುರಂ ಜಿಲ್ಲೆಯಿಂದ ರಾಜ್ಯ ಪೋಲೀಸರು 123 ಕೋಟಿ ಮೌಲ್ಯದ 150 ಕೆಜಿ ಚಿನ್ನ ಮತ್ತು ಹವಾಲಾ ಹಣವನ್ನು ವಶಪಡಿಸಿಕೊಂಡಿದ್ದಾರೆ. ‘ರಾಜ್ಯವಿರೋಧಿ’ ಮತ್ತು ‘ದೇಶವಿರೋಧಿ’ ಚಟುವಟಿಕೆಗಳಿಗಾಗಿ ಈ ಹಣ ಕೇರಳವನ್ನು ತಲುಪುತ್ತದೆ. ನೀವು ಉಲ್ಲೇಖಿಸಿರುವ ಆರೋಪಗಳು ನಮ್ಮ ಸರ್ಕಾರದ ಇಂತಹ ಕ್ರಮಗಳಿಗೆ ಪ್ರತಿಕ್ರಿಯೆಯಾಗಿವೆ. ಅನ್ವರ್‍ಗೆ ಸಂಬಂಧಪಟ್ಟಂತೆ, ಅವರ ಪಾಲದಾರಿಕೆ ಪರಿಶೀಲಿಸಲು ನಾವು ಈಗಾಗಲೇ ವಿಶೇಷ ತನಿಖಾ ತಂಡವನ್ನು ರಚಿಸಿದ್ದೇವೆ ಎಂದು ಮುಖ್ಯಮಂತ್ರಿ ಹೇಳಿದರು.

ಲೋಕಸಭೆ ಚುನಾವಣೆಯಲ್ಲಿ ತ್ರಿಶೂರ್‍ನಲ್ಲಿ ಎಲ್‍ಡಿಎಫ್ ಸೋತಿಲ್ಲ ಎಂದು ಮುಖ್ಯಮಂತ್ರಿ ಹೇಳಿದರು. 2019ಕ್ಕೆ ಹೋಲಿಸಿದರೆ 2024ರಲ್ಲಿ ಕಾಂಗ್ರೆಸ್‍ನ ಮತಗಳಿಕೆ ಕಡಿಮೆಯಾಗಿದೆ. ಇದೇ ವೇಳೆ ಎಲ್ ಡಿಎಫ್ ನ ಮತ ಗಳಿಕೆಯಲ್ಲಿ ಕೊಂಚ ಏರಿಕೆಯಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದರು. ಮತ್ತೆ ಸ್ಪರ್ಧಿಸುವ ಬಗ್ಗೆ ಮುಖ್ಯಮಂತ್ರಿ ಸ್ಪಷ್ಟ ಉತ್ತರ ನೀಡಿಲ್ಲ. ಸ್ಪರ್ಧಿಸುವ ಬಗ್ಗೆ ಪಕ್ಷವೇ ತೀರ್ಮಾನ ತೆಗೆದುಕೊಳ್ಳಲಿ ಎಂದು ಮುಖ್ಯಮಂತ್ರಿ ಹೇಳಿದರು. ವ್ಯಕ್ತಿಗಳು ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಾಧ್ಯವಿಲ್ಲ. 75 ವರ್ಷಗಳ ಗರಿಷ್ಠ ವಯೋಮಿತಿಯನ್ನು ಜಾರಿಗೊಳಿಸಲಾಗುವುದು. ಆದರ್ಠಾ ಬಗ್ಗೆ ಪಕ್ಷ ನಿರ್ಧರಿಸಬೇಕು. ಸದಾ ಪಕ್ಷಕ್ಕಾಗಿ ದುಡಿದಿದ್ದೇನೆ ಎಂದು ಮುಖ್ಯಮಂತ್ರಿ ಹೇಳಿದರು.