ವಿರೋಧಿಸುವವರ ಕೈಕಾಲು ಕತ್ತರಿಸುವುದು ಕಮ್ಯುನಿಸ್ಟ್ ವಿಚಾರವಲ್ಲ: ಸಿಪಿಐ ರಾಜ್ಯ ಕಾರ್ಯದರ್ಶಿ ಬಿನೋಯ್ ವಿಶ್ವಂ

ತಿರುವನಂತಪುರ: ಎಡಪಂಥೀಯ ನಿಲುವುಗಳನ್ನು ವಿರೋಧಿಸುವವರ ಕೈಕಾಲು ಕತ್ತರಿಸುವುದು ಕಮ್ಯುನಿಸ್ಟ್ ಶೈಲಿಯಲ್ಲ, ವಿಚಾರಗಳಿಂದಲೇ ವಿರೋಧಿಗಳ ವಿಚಾರಗಳನ್ನು ವಿರೋಧಿಸಲಾಗುವುದು ಎಂದು ಸಿಪಿಐ ರಾಜ್ಯ ಕಾರ್ಯದರ್ಶಿ ಬಿನೋಯ್ ವಿಶ್ವಂ ಹೇಳಿರುವರು.

ಈ ಪರಿಕಲ್ಪನೆಯ ಬಲದ ಬಗ್ಗೆ ಸಿಪಿಐ ವಿಶ್ವಾಸ ಹೊಂದಿದೆ. ರಾಜ್ಯ ಕಾರ್ಯದರ್ಶಿ ಬೆರಳನ್ನು ತುಂಡರಿಸಿದರೆ ಅನ್ವರ್ ಕೈ ಮತ್ತು ಕಾಲು ಕತ್ತರಿಸುವುದಾಗಿ ಸಿಪಿಎಂ ಬೆದರಿಕೆಗೆ ಘಟಕ ಪಕ್ಷ ಸಿಪಿಐ ಪ್ರತಿಕ್ರಿಯಿಸಿದೆ. ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆಯ ಹೊಣೆ ಹೊತ್ತಿರುವ ಎಡಿಜಿಪಿ ಎಂ.ಆರ್.ಅಜಿತ್ ಕುಮಾರ್ ಅವರನ್ನು ಬದಲಾಯಿಸಬೇಕು ಎಂದು ಬಿನೋಯ್ ವಿಶ್ವಂ ಹೇಳಿದ್ದಾರೆ.

ಎಡಿಜಿಪಿ ಆರ್‍ಎಸ್‍ಎಸ್ ಮುಖಂಡರನ್ನು ಒಂದಲ್ಲ ಎರಡು ಬಾರಿ ಭೇಟಿ ಮಾಡಿದ್ದು ಏಕೆ ಎಂಬುದು ಖಚಿತವಾಗಿಲ್ಲ. ಎಡಿಜಿಪಿಯನ್ನು ಬದಲಾಯಿಸಬೇಕು ಎಂಬ ಸಿಪಿಐ ನಿಲುವಿನಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಸ್ಪಷ್ಟಪಡಿಸಿದರು. ಪಿ.ವಿ.ಅನ್ವರ್ ಅವರ ಹಿಂದೆ ಯಾರಿದ್ದಾರೆ ಎಂಬುದು ಮುಂದೆ ಗೊತ್ತಾಗಲಿದೆ ಎಂದರು.