ತೆಂಗು ಕೃಷಿಯಲ್ಲಿ ಕೇರಳ ಹಿಂದಿಕ್ಕಿ ಗುಜರಾತ್, ಕರ್ನಾಟಕ ಮುನ್ನೆಲೆಯಲ್ಲಿ: ಕೇರಳದ ತೆಂಗಿನ ಕೃಷಿ ನಷ್ಟದಲ್ಲಿ

               ಇಂದು ವಿಶ್ವ ತೆಂಗು ದಿನ. ಕೇರಳ ಹೆಸರಿನ ಉತ್ಪತ್ತಿಯೂ ಇದೇ ತೆಂಗಿನಿಂದ(ಕೇರ-ತೆಂಗು)ಮೂಡಿಬಂದಿರುವಂತದ್ದು. ಆದರೆ ದೇಶದಲ್ಲಿ ತೆಂಗು ಕೃಷಿಯಲ್ಲಿ ಮುನ್ನಡೆ ಸಾಧಿಸುತ್ತಿರುವುದು ಗುಜರಾತ್.

                 ಕೇರಳದಲ್ಲಿ ಒಂದು ತೆಂಗಿಮರದಲ್ಲಿ ವರ್ಷಕ್ಕೆ ಸರಾಸರಿ 12 ಗೊಂಚಲು ಲಭಿಸುತ್ತದೆ ಎಂಬುದು ಸಾಮಾನ್ಯ ಲೆಕ್ಕಾಚಾರ. ಆದರೆ ಗುಜರಾತ್‍ನಲ್ಲಿ 18 ಗೊಂಚಲುಗಳನ್ನು ಕತ್ತರಿಸಲಾಗುತ್ತದೆ. ಕೇರಳದಲ್ಲಿ ತೆಂಗಿನಕಾಯಿಯ ಸರಾಸರಿ ಬೆಲೆ 20 ರೂ., ಗುಜರಾತ್‍ನಲ್ಲಿ 30 ರೂ. ಕೇರಳದಲ್ಲಿ, ತೆಂಗಿನಕಾಯಿಯನ್ನು ಬಲಿತ ನಂತರ ಕೊಯ್ಲು ಮಾಡಲಾಗುತ್ತದೆ, ಆದರೆ ಗುಜರಾತಿಗಳು ಎಳನೀರಿಗಾಗಿ (ಬೊಂಡ) ಕತ್ತರಿಸುವ ಮೂಲಕ ಹಣ ಕೊಯ್ಲು ಮಾಡುತ್ತಾರೆ.

                ಗುಜರಾತ್ ಸರ್ಕಾರ ತೆಂಗು ರೈತರಿಗೆ ನೆರವು ನೀಡುತ್ತಿದೆ. ಪ್ರತಿ ಹೆಕ್ಟೇರ್‍ಗೆ 37,500 ರೂ.ವರೆಗೆ ನೆರವು ನೀಡಲಾಗುತ್ತದೆ. ತೆಂಗು ಕೃಷಿಯಲ್ಲಿ ಮಾತ್ರ ಕೇರಳ ಮೊದಲ ಸ್ಥಾನದಲ್ಲಿದೆ. ತೆಂಗಿನ ಉತ್ಪಾದನೆಯಲ್ಲಿ ಕೇರಳ ಮೂರನೇ ಸ್ಥಾನಕ್ಕೆ ಕುಸಿದಿದೆ. ಕೃಷಿಯಲ್ಲಿ ಕರ್ನಾಟಕ ಎರಡನೇ ಸ್ಥಾನದಲ್ಲಿದೆ.

                 ಕೇರಳದಲ್ಲಿ 7.6 ಲಕ್ಷ ಹೆಕ್ಟೇರ್‍ನಲ್ಲಿ ತೆಂಗು ಬೆಳೆಯುತ್ತಿದ್ದರೆ, ಗುಜರಾತ್‍ನಲ್ಲಿ 25,000 ಹೆಕ್ಟೇರ್‍ನಲ್ಲಿ ಬೆಳೆಯಲಾಗುತ್ತಿದೆ. ಇದರಿಂದ  ಗುಜರಾತ್ ಆದಾಯದಲ್ಲಿ ಜಿಗಿತವನ್ನು ಪಡೆದಿದೆ. ತೆಂಗು ಬಲಿಯಲು 12 ತಿಂಗಳು ತೆಗೆದುಕೊಳ್ಳುತ್ತದೆ. ಕೇರಳದಲ್ಲಿ ಎಳನೀರಿಗೆ ಬೇಕಾಗುವಷ್ಟು ಬೆಳವಣಿಗೆ 6-7 ತಿಂಗಳು ಬೇಕಾಗುತ್ತದೆ.ಕೆಲವು ತಳಿಯಲ್ಲಿ 4-5 ತಿಂಗಳಲ್ಲೇ ಎಳನೀರಿಗಾಗಿ ಕೊಯ್ಲು ಮಾಡಲಾಗುತ್ತದೆ. ಗುಜರಾತಿನಲ್ಲಿ ಬಹುತೇಕ ತೆಂಕು ಕೃಷಿಯೂ ಎಳನೀರಿಗಾಗಿ ಬೆಳೆಯಲಾಗುತ್ತಿದೆ. ಐದು ತಿಂಗಳ ನಂತರ ಎಳನೀರಿಗಾಗಿ ತೆಂಕುಕೊಯ್ಲು ಮಾಡುವುದರಿಂದ ಹೆಚ್ಚು ಹೂಗೊಂಚಲುಗಳು ಉಂಟಾಗುತ್ತವೆ. ವರ್ಷಕ್ಕೆ 250-300 ಎಳನೀರು  ಏಕಕಾಲದಲ್ಲಿ ಉತ್ಪಾದಿಸುತ್ತಾರೆ. ಒಬ್ಬ ಸಾಮಾನ್ಯ ರೈತನಿಗೆ 30 ರೂ. ಲಭಿಸುತ್ತದೆ. 2022ರವರೆಗೆ ತೆಂಗಿನಕಾಯಿ ಉತ್ಪಾದನೆಯಲ್ಲಿ ಕೇರಳ ಮೊದಲ ಸ್ಥಾನದಲ್ಲಿತ್ತು. ಈಗ ಕರ್ನಾಟಕ ಮತ್ತು ತಮಿಳುನಾಡುಗಳ ಹಿಂದೆ ಕೇರಳ ಇದೆ. ಕರ್ನಾಟಕದ ವಾರ್ಷಿಕ ಉತ್ಪಾದನೆ 726 ಕೋಟಿ, ತಮಿಳುನಾಡು 579 ಕೋಟಿ ಮತ್ತು ಕೇರಳ 565 ಕೋಟಿ.ಯಷ್ಟಾಗಿದೆ.

          2009 ರಲ್ಲಿ, 'ವಿಶ್ವ ತೆಂಗು ದಿನ'ದ ಕಲ್ಪನೆಯನ್ನು ಏಷ್ಯನ್ ಪೆಸಿಫಿಕ್ ಕೊಕೊನಟ್ ಕಮ್ಯುನಿಟಿ, ಏಷ್ಯಾ-ಪೆಸಿಫಿಕ್ ಪ್ರದೇಶದಲ್ಲಿ ತೆಂಗಿನಕಾಯಿ ಉತ್ಪಾದಿಸುವ ದೇಶಗಳನ್ನು ಸಂಘಟಿಸುವ ಅಂತರಸರ್ಕಾರಿ ಸಂಸ್ಥೆಯು ಮುಂದಿಟ್ಟಿತು. ಈ ಸಂಸ್ಥೆಯು ಸೆಪ್ಟೆಂಬರ್ 2, 1969 ರಂದು ಕಾರ್ಯನಿರ್ವಹಿಸಲು ಪ್ರಾರಂಭಿಸಿತು. ಅದಕ್ಕಾಗಿಯೇ ಸೆಪ್ಟೆಂಬರ್ 2 ಅನ್ನು ವಿಶ್ವ ತೆಂಗುದಿನ  ಎಂದು ಆಚರಿಸಲಾಗುತ್ತದೆ.