ತಿರುವನಂತಪುರಂ: ಉನ್ನತ ಪೋಲೀಸ್ ಇಲಾಖೆಯಲ್ಲಿ ಮತ್ತೊಂದು ಬದಲಾವಣೆಯಾಗಿದೆ. ಶಾಸಕ ಪಿ.ವಿ.ಅನ್ವರ್ ಆರೋಪ ಮಾಡಿದ ಹಿನ್ನೆಲೆಯಲ್ಲಿ ಎಡಿಜಿ ಪಿಎಂಆರ್ ಅಜಿತ್ ಕುಮಾರ್ ಹೊರತುಪಡಿಸಿ ಎಲ್ಲರನ್ನೂ ವರ್ಗಾವಣೆ ಮಾಡಲಾಗಿದೆ.
ಸಾರಿಗೆ ಆಯುಕ್ತರಾಗಿರುವ ಸಿ.ಎಚ್.ನಾಗರಾಜು ಅವರನ್ನು ದಕ್ಷಿಣ ವಲಯದ ಐಜಿಯಾಗಿ ನೇಮಿಸಲಾಗಿದೆ. ಶ್ಯಾಮ್ ಸುಂದರ್ ಪ್ರಸ್ತುತ ಕೊಚ್ಚಿಯ ಆಯುಕ್ತರಾಗಿದ್ದಾರೆ.ಅಕ್ಬರ್ ಕ್ರೈಂ ಬ್ರಾಂಚ್ ಐಜಿಯಾಗಿ ಮುಂದುವರಿಯಲಿದ್ದಾರೆ.
ಮಲಪ್ಪುರಂ ಪೋಲೀಸರು ಭಾರಿ ಪರಿಶೀಲನೆ ನಡೆಸಿದ್ದು, ಮಲಪ್ಪುರಂ ಎಸ್ಪಿ ಎಸ್ ಶಶಿಧರನ್ ಹಾಗೂ ಡಿವೈಎಸ್‍ಪಿಗಳನ್ನು ಬದಲಾಯಿಸಲಾಗಿದೆ. ತಾನೂರ್ ಡಿವೈಎಸ್ಪಿ ಬೆನ್ನಿ ಅವರನ್ನು ಕೋಝಿಕ್ಕೋಡ್ ಗ್ರಾಮಾಂತರ ಜಿಲ್ಲಾ ಅಪರಾಧ ವಿಭಾಗಕ್ಕೆ ವರ್ಗಾವಣೆ ಮಾಡಲಾಗಿದೆ. ಮರ ಕಡಿದು ಮಾರಿದ ಪ್ರಕರಣದ ತನಿಖಾಧಿಕಾರಿಯಾಗಿದ್ದರು.
ಮಲಪ್ಪುರಂನ ವಿಶೇಷ ಶಾಖೆ ಸೇರಿದಂತೆ ಉಪವಿಭಾಗದ ಎಲ್ಲ ಅಧಿಕಾರಿಗಳನ್ನು ವರ್ಗಾವಣೆ ಮಾಡಲಾಗಿದೆ.
ವ್ಯಾಪಕ ದೂರುಗಳ ಹಿನ್ನೆಲೆಯಲ್ಲಿ ಸರ್ಕಾರದ ಈ ಕ್ರಮ ಕೈಗೊಂಡಿದೆ. ಎಐಜಿ ವಿಶ್ವನಾಥ್ ಅವರು ಮಲಪ್ಪುರಂ ಪೋಲೀಸ್ ಪ್ರಧಾನ ಕಚೇರಿಯ ಎಸ್ಪಿಯಾಗಲಿದ್ದಾರೆ. ಏತನ್ಮಧ್ಯೆ, ಪಾಲಕ್ಕಾಡ್ ವಿಶೇಷ ಬ್ರಾಂಚ್ ಡಿವೈಎಸ್ಪಿ ಎಂವಿ ಮಣಿಕಂಠನ್ ಅವರನ್ನು ಅಮಾನತುಗೊಳಿಸಲಾಗಿದೆ. ಜಿಲ್ಲಾ ಪೋಲೀಸ್ ವರಿಷ್ಠರಿಗೆ ದೂರು ನೀಡಲು ಬಂದಿದ್ದ ಮಹಿಳೆಯ ಜೊತೆಗಿನ ದಾರಿತಪ್ಪಿದ ಸಂಬಂಧವೇ ಕ್ರಮಕ್ಕೆ ಕಾರಣ.
ರಾಜ್ಯ ಪೋಲೀಸರನ್ನು ಬೆಚ್ಚಿಬೀಳಿಸಿದ ವಿವಾದಗಳು ಮಲಪ್ಪುರಂ ಪೋಲೀಸರಿಂದ ಪ್ರಾರಂಭವಾಯಿತು. ಪೆÇಲೀಸ್ ಸಂಘದ ಮಲಪ್ಪುರಂ ಜಿಲ್ಲಾ ಸಮ್ಮೇಳನದಲ್ಲಿ ನಿಲಂಬೂರ್ ಶಾಸಕ ಪಿವಿ ಅನ್ವರ್ ಅವರು ಮಲಪ್ಪುರಂ ಎಸ್ಪಿ ಶಶಿಧರನ್ ಅವರನ್ನು ತೀವ್ರವಾಗಿ ಟೀಕಿಸಿದ್ದರಿಂದ ಸಮಸ್ಯೆಗಳು ಉದ್ಭವಿಸಿವೆ. ನಂತರ, ಆರೋಪ ಮಲಪ್ಪುರಂ ಮಾಜಿ ಎಸ್ಪಿ ಸುಜಿತ್ ದಾಸ್ ಮತ್ತು ಎಡಿಜಿಪಿ ಅಜಿತ್ ಕುಮಾರ್ ತಲುಪಿತು.
DOCTYPE html>
