ಉದಯ್‌ ಭಾನು ಛಿಬ್‌ ಯುವ ಕಾಂಗ್ರೆಸ್‌ನ ನೂತನ ಅಧ್ಯಕ್ಷ

           ನವದೆಹಲಿ: ಭಾರತೀಯ ಯುವ ಕಾಂಗ್ರೆಸ್‌ನ(ಐವೈಸಿ) ನೂತನ ಅಧ್ಯಕ್ಷರಾಗಿ ಉದಯ್‌ ಭಾನು ಛಿಬ್‌ ಅವರನ್ನು ಭಾನುವಾರ ನೇಮಿಸಲಾಗಿದೆ.

          ಇದಕ್ಕೂ ಮೊದಲು ಛಿಬ್‌ ಅವರು ಐವೈಸಿಯ ಪ್ರಧಾನ ಕಾರ್ಯದರ್ಶಿಯಾಗಿದ್ದರು. ಜಮ್ಮುವಿನ ಪಲೌರಾದವರಾದ ಅವರು ಜಮ್ಮು ಮತ್ತು ಕಾಶ್ಮೀರ ಪ್ರದೇಶ ಯುವ ಕಾಂಗ್ರೆಸ್‌ ಸಮಿತಿಯ ಮಾಜಿ ಅಧ್ಯಕ್ಷರಾಗಿದ್ದರು.

          ಕಳೆದ ಐದು ವರ್ಷ ಶ್ರೀನಿವಾಸ್‌ ಬಿ.ವಿ. ಅವರು ಐವೈಸಿ ಅಧ್ಯಕ್ಷರಾಗಿದ್ದರು. ಅವರ ನೇತೃತ್ವವು ಐವೈಸಿಗೆ ಫಲಪ್ರದಾಯಕವಾಗಿತ್ತು. ಸಂಘಟನೆಗೆ ಅವರು ನೀಡಿದ ಕೊಡುಗೆಗಳನ್ನು ಕಾಂಗ್ರೆಸ್‌ ಶ್ಲಾಘಿಸಿದೆ.