ನಟಿ ಮೇಲಿನ ಹಲ್ಲೆ ಪ್ರಕರಣದ ವಾದ ಮಂಡನೆ ಪೂರ್ಣ: ನವೆಂಬರ್ ನಲ್ಲಿ ತೀರ್ಪು ಸಾಧ್ಯತೆ

ಕೊಚ್ಚಿ: ನಟಿ ಮೇಲಿನ ಹಲ್ಲೆ ಪ್ರಕರಣದ ವಿಚಾರಣೆ ಪೂರ್ಣಗೊಂಡಿದೆ. ಶುಕ್ರವಾರ ಎರ್ನಾಕುಳಂ ಪ್ರಧಾನ ಸೆಷನ್ಸ್ ನ್ಯಾಯಾಲಯದಲ್ಲಿ ಕೊನೆಯ ಸಾಕ್ಷಿ ಬೈಜು ಪೌಲಸ್ ಅವರ ವಿಚಾರಣೆ ಪೂರ್ಣಗೊಂಡಿತು.

ಪ್ರಕರಣದಲ್ಲಿ ಒಟ್ಟು 261 ಸಾಕ್ಷಿಗಳನ್ನು ವಿಚಾರಣೆ ನಡೆಸಲಾಗಿತ್ತು. ನವೆಂಬರ್‍ನಲ್ಲಿ ಪ್ರಕರಣದ ತೀರ್ಪು ಬರುವ ನಿರೀಕ್ಷೆಯಿದೆ.

ಚಾರ್ಜ್ ಶೀಟ್ ಅನ್ನು ನವೆಂಬರ್ 2017 ರಲ್ಲಿ ಸಲ್ಲಿಸಲಾಗಿತ್ತು. ವಿಚಾರಣೆ ಜನವರಿ 30, 2020 ರಂದು ಪ್ರಾರಂಭವಾಗಿತ್ತು. 

ಅಂದಿನಿಂದ ನಾಲ್ಕೂವರೆ ವರ್ಷಗಳ ಸಾಕ್ಷಿ ವಿಚಾರಣೆ ನಡೆದು ಶುಕ್ರವಾರ ಪೂರ್ಣಗೊಂಡಿದೆ. ಪ್ರಕರಣದಲ್ಲಿ ಒಟ್ಟು 261 ಸಾಕ್ಷಿಗಳನ್ನು ವಿಚಾರಣೆ ನಡೆಸಲಾಗಿತ್ತು.

ಪ್ರಕರಣದಲ್ಲಿ 1,600 ದಾಖಲೆಗಳನ್ನು ಹಸ್ತಾಂತರಿಸಲಾಗಿದೆ. ನೂರು ದಿನಗಳ ಕಾಲ ನಡೆದ ಬೈಜು ಪೌಲಸ್ ಅವರ ವಿಚಾರಣೆಯ ನಂತರ ವಿಚಾರಣೆ ಪೂರ್ಣಗೊಂಡಿತು.

ಆರೋಪಿಗಳು ಏನು ಹೇಳುತ್ತಾರೆಂದು ಕೇಳಲು ಇದೇ 26ರಿಂದ ಅವಕಾಶ ಕಲ್ಪಿಸಲಾಗಿದೆ. ಎರ್ನಾಕುಳಂ ಪ್ರಧಾನ ಸೆಷನ್ಸ್ ನ್ಯಾಯಾಧೀಶ ಹನಿ ಎಂ ವರ್ರ್ಗಿಸ್ ಅವರು ಕ್ರಿಮಿನಲ್ ಪ್ರೊಸೀಜರ್ ಕೋಡ್ 313 ರ ಅಡಿಯಲ್ಲಿ ಪ್ರತಿವಾದವನ್ನು ಆಲಿಸಿದ ನಂತರ ನವೆಂಬರ್‍ನಲ್ಲಿ ತೀರ್ಪು ಪ್ರಕಟಿಸುವ ಸಾಧ್ಯತೆಯಿದೆ.

ಫೆಬ್ರವರಿ 2, 2017 ರಂದು ಅಂಗಮಾಲಿಯಲ್ಲಿ ಯುವ ನಟಿಯ ಮೇಲೆ ಚಲಿಸುವ ವಾಹನದಲ್ಲಿ ಕಿರುಕುಳ ನಡೆಸಲಾಯಿತು ಎನ್ನಲಾಗಿದೆ. ಮೊದಲ ಹಂತದಲ್ಲಿ ಆರೋಪಿಯಾಗಿ ಸೇರ್ಪಡೆಯಾಗದ ನಟ ದಿಲೀಪ್ ಅವರನ್ನು ಡಬ್ಲ್ಯುಸಿಸಿ ಮಧ್ಯಪ್ರವೇಶದ ನಂತರ ಎಂಟನೇ ಆರೋಪಿಯನ್ನಾಗಿ ಮಾಡಲಾಗಿದೆ. ದಿಲೀಪ್ ಅವರನ್ನು ಜುಲೈ 10, 2017 ರಂದು ಬಂಧಿಸಲಾಯಿತು. 86 ದಿನಗಳ ನಂತರ ನಟನಿಗೆ ಜಾಮೀನು ನೀಡಲಾಗಿತ್ತು.