ಸಿಬಿಐ ಅಧಿಕಾರಿಯಂತೆ ನಟಿಸಿ ವಂಚನೆಗೆತ್ನ: ವರ್ಚುವಲ್ ಬಂಧನದ ಬೆದರಿಕೆ

               ಕೊಚ್ಚಿ: ಸೈಬರ್ ವಂಚನೆ ಮತ್ತೆ ಸಕ್ರಿಯವಾಗಿದೆ. ಸಿಬಿಐ ಅಧಿಕಾರಿಯಂತೆ ಹೆಸರು ಹೇಳಿ ಚಾಮಂಜಿ ಸಂಗೀತ ನಿರ್ದೇಶಕ ಜೆರ್ರಿ ಅಮಲ್ ದೇವ್ ಅವರಿಂದ ಲಕ್ಷ ಲಕ್ಷ ಸುಲಿಗೆಗೆ ಯತ್ನಿಸಿರುವುದು ಬೆಳಕಿಗೆ ಬಂದಿದೆ. 

              ಸಿಬಿಐ ದಾಖಲಿಸಿರುವ ಪ್ರಕರಣದಲ್ಲಿ ವರ್ಚುವಲ್ ಮೂಲಕ ಆರೋಪಿಯನ್ನಾಗಿಸಿ ಬಂಧಿಸುವುದಾಗಿ ಬೆದರಿಸಿ ಹಣ ವಸೂಲಿ ಮಾಡುವ ಯತ್ನ ನಡೆದಿದೆ. ವಂಚನೆ ತಂಡ 1,70,000 ರೂ.ಗೆ ಬೇಡಿಕೆ ಇಟ್ಟಿತ್ತು ಎಂದು ಜೆರ್ರಿ ಅಮಲದೇವ್ ಹೇಳಿದ್ದಾರೆ.

            ಹಣ ಹಿಂಪಡೆಯಲು ಬ್ಯಾಂಕ್‍ಗೆ ಹೋದಾಗ ವಂಚನೆಯಾಗಿರುವುದು ಗೊತ್ತಾಗಿದೆ. ಪೋನ್ ಕಟ್ ಮಾಡಲು ಸಿದ್ಧರಿಲ್ಲದ ವಂಚಕ ಬ್ಯಾಂಕ್ ತಲುಪಿದ ನಂತರವೂ ಮಾತು ಮುಂದುವರೆಸಿದ್ದಾನೆ. ಬ್ಯಾಂಕ್ ವ್ಯವಸ್ಥಾಪಕರ ಸಂಘಟಿತ ಮಧ್ಯಪ್ರವೇಶದಿಂದ ವಂಚನೆಯಿಂದ ಪಾರಾಗಿದ್ದಾರೆ ಎಂದರು. ಮೋಸಗಾರ ಪೋನ್‍ನಲ್ಲಿ ಮಾತನಾಡುತ್ತಿದ್ದಾಗ ಮ್ಯಾನೇಜರ್ ಪೇಪರ್‍ನಲ್ಲಿ ಮೋಸ ಎಂದು ಬರೆದು ತೋರಿಸಿದರು. ಇದರೊಂದಿಗೆ ಪೋನ್ ಕಟ್ ಆಗಿತ್ತು. ಜೆರ್ರಿ ಅಮಲ್‍ದೇವ್ ಎರ್ನಾಕುಳಂ ನಾರ್ತ್ ಪೋಲೀಸರಿಗೆ ದೂರು ನೀಡಿದ್ದಾರೆ.