ಕೊಚ್ಚಿಯಲ್ಲಿ ಅರ್ಬನ್ ಮಾವೋವಾದ ಪ್ರಬಲವಾಗಿದೆ: ಆಯುಕ್ತ ಪುಟ್ಟ ವಿಮಲಾದಿತ್ಯ

            ಕೊಚ್ಚಿ: ಡ್ರಗ್ಸ್ ಮಾಫಿಯಾ ಮತ್ತು ಸೈಬರ್ ವಂಚನೆ ತಂಡಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಕೊಚ್ಚಿ ನಗರ ಪೋಲೀಸ್ ಆಯುಕ್ತ ಪುಟ್ಟ ವಿಮಲಾದಿತ್ಯ ಹೇಳಿದ್ದಾರೆ.

             ಕೊಚ್ಚಿ ನಗರದಲ್ಲಿಯೂ ಅರ್ಬನ್ ಮಾವೋವಾದಿ ಚಟುವಟಿಕೆಗಳು ಜೋರಾಗಿವೆ ಎಂದು ಪುಟ್ಟ ವಿಮಲಾದಿತ್ಯ ಹೇಳಿದ್ದಾರೆ. ನಗರ ಪೆÇಲೀಸ್ ನೂತನ ಕಮಿಷನರ್ ಆಗಿ ಅಧಿಕಾರ ಸ್ವೀಕರಿಸಿದ ನಂತರ ಅವರು ಎರ್ನಾಕುಳಂ ಪ್ರೆಸ್ ಕ್ಲಬ್ ನಲ್ಲಿ ಮೀಟ್ ದಿ ಪ್ರೆಸ್ ಕಾರ್ಯಕ್ರಮದಲ್ಲಿ ಮಾತನಾಡಿದರು.

         ಡ್ರಗ್ ಮಾಫಿಯಾ, ಸೈಬರ್ ಕ್ರೈಮ್ ಮತ್ತು ಬೇರೂರಿರುವ ಕ್ರಿಮಿನಲ್ ಗ್ಯಾಂಗ್‍ಗಳ ಪ್ರಭಾವ ಇವೆಲ್ಲವೂ ಕೊಚ್ಚಿಯ ಪ್ರಮುಖ ಸಮಸ್ಯೆಗಳಾಗಿವೆ. ಜಾಗೃತಿ ಮೂಡಿಸುವ ಮೂಲಕ ಮಾತ್ರ ಸೈಬರ್ ಹಣಕಾಸು ವಂಚನೆಗಳು ಮತ್ತು ಮಾದಕವಸ್ತು ವಹಿವಾಟುಗಳನ್ನು ತಡೆಯಬಹುದು. ವಂಚಕರು ಜನರನ್ನು ಹೇಗೆ ಬೇಟೆಯಾಡುತ್ತಾರೆ ಎಂಬುದರ ಬಗ್ಗೆ ಜಾಗೃತಿ ಅಗತ್ಯ. ಹಲವಾರು ರಾಜ್ಯಗಳಲ್ಲಿ ಹರಡಿರುವ ಸೈಬರ್ ಅಪರಾಧಗಳ ತನಿಖೆಯಲ್ಲಿ ಪೋಲೀಸರಿಗೆ ಮಿತಿಗಳಿವೆ ಎಂದು ಪುಟ್ಟ ವಿಮಲಾದಿತ್ಯ ಹೇಳಿದರು.

           ಮಾಜಿ ಎಟಿಎಸ್ ಮತ್ತು ಡಿಐಜಿ ಪುಟ್ಟ ವಿಮಲಾದಿತ್ಯ ಅವರು, ವಿಶ್ಲೇಷಿಸಿ ಮಾತನಾಡಿ,  ಶಸ್ತ್ರಸಜ್ಜಿತ ಮಾವೋವಾದಿಗಳನ್ನು ಹಿಡಿದ ಮಾತ್ರಕ್ಕೆ ಮಾವೋವಾದಿ ಚಟುವಟಿಕೆ ಕಣ್ಮರೆಯಾಗುವುದಿಲ್ಲ ಮತ್ತು ನಗರ ಮಾವೋವಾದಿ ಚಟುವಟಿಕೆ ಪ್ರಬಲವಾಗಿದೆ. ಎನ್‍ಡಿಪಿಎಸ್ ಕಾಯಿದೆ ಪ್ರಕಾರ ಅಮಲು ಸೇವನೆ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು. ಪೋಲೀಸರಿಗೆ ಮಾಹಿತಿ ನೀಡುವವರ ಭದ್ರತೆಯನ್ನು ಖಾತ್ರಿಪಡಿಸಲಾಗುವುದು. ಈ ವರ್ಷ ಇದುವರೆಗೆ 27 ದೊಡ್ಡ ಪ್ರಮಾಣದ ಸಾರಾಯಿ ಪ್ರಕರಣಗಳು ದಾಖಲಾಗಿವೆ ಎಂದು ತಿಳಿಸಿದರು.