ಪರಿಶಿಷ್ಟ ಜಾತಿ ಪಂಗಡ ಎಸ್ ಸಿ ಮೀಸಲಾತಿ ರದ್ದು ರಾಹುಲ್ ಹೇಳಿಕೆ ಖಂಡನೀಯ, ಸಂವಿಧಾನ ವಿರೋಧಿ-ಎ.ಕೆ.ಕಯ್ಯಾರ್

          ಮಂಜೇಶ್ವರ: ಕಾಂಗ್ರೆಸ್ ಪಕ್ಷದ ಮನಸ್ಥಿತಿ ದಲಿತ ವಿರೋಧಿ, ಅದಕಾಗಿಯೇ ಕಾಂಗ್ರೆಸ್ ಅಂದು ಸಂವಿಧಾನ ಶಿಲ್ಪಿ ಅಂಬೇಡ್ಕರ್ ರನ್ನು ಚುನಾವಣೆಯಲ್ಲಿ ಪರಾಭವಗೊಳಿಸಿದ್ದು. ಇದೀಗ ಅಂಬೇಡ್ಕರ್ ಅÀವರ ಸಂವಿಧಾನಬದ್ದ ಮೀಸಲಾತಿಯನ್ನು ವಿದೇಶದಲ್ಲಿ ಕುಳಿತು ರಾಹುಲ್ ಗಾಂಧಿ ತೆಗೆಯುವ ಹೇಳಿಕೆ ನೀದಿರುವುದು ಅತ್ಯಂತ ಖಂಡನೀಯ ಎಂದು ಎಸ್.ಸಿ-ಎಸ್.ಟಿ ಮೋರ್ಚಾ ಕೇರಳ ರಾಜ್ಯ ಉಪಾಧ್ಯಕ್ಷ ಎ.ಕೆ. ಕಯ್ಯಾರ್ ಅಭಿಪ್ರಾಯಪಟ್ಟರು.

          ಬಿಜೆಪಿ ಮಂಜೇಶ್ವರ ಮಂಡಲ ಸದಸ್ಯತ್ವ ಅಭಿಯಾನದ ಹೊಸಂಗಡಿಯಲ್ಲಿ ನಡೆದ ಕಾರ್ಯಾಗಾರ ಸಭೆಯಲ್ಲಿ ಅವರು ಮಾತನಾಡಿದರು.

             ದಲಿತರನ್ನು ಬಿಜೆಪಿ ರಾಷ್ಟ್ರಪತಿ ಮಾಡಿದಾಗಲೂ ಕಾಂಗ್ರೆಸ್ ಸಮಾರಂಭ ಬಹಿಷ್ಕರಿಸಿದ್ದು, ಅದು ದಲಿತ ವಿರೋಧಿ ಪಕ್ಷ ಎಂದು ಬೊಟ್ಟುಮಾಡಿದರು. 

            ಮಂಡಲ ಅಧ್ಯಕ್ಷ ಆದರ್ಶ ಬಿ.ಎಂ. ಅಧ್ಯಕ್ಷತೆ ವಹಿಸಿದ್ದರು. ರಾಜ್ಯ ಕಾರ್ಯದರ್ಶಿ ವಕೀಲ ಶ್ರೀಕಾಂತ್ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ಮುಖಂಡರಾದ ಮಣಿಕಂಠ ರೈ, ಸುಮಂಗಲ ಹೊಸಬೆಟ್ಟು, ಮಂಜುನಾಥ್ ಮುಳಿಗದ್ದೆ, ಜಯಲಕ್ಷ್ಮಿ ಭಟ್, ಯಾದವ ಬಡಾಜೆ  ಕೋಡಿ ಶೇಖರ, ಚಂದ್ರಹಾಸ ಕೆ ಮೊದಲದವರು ಉಪಸ್ಥಿತರಿದ್ದರು. ಯತೀರಾಜ್ ಸ್ವಾಗತಿಸಿ, ಕೆ.ವಿ.ಭಟ್ ವಂದಿಸಿದರು.