ತಿರುವನಂತಪುರಂ: ಕ್ಷಯರೋಗ ತಡೆಗಟ್ಟುವಲ್ಲಿ ಕೇರಳ ಗಮನಾರ್ಹ ಕೆಲಸ ಮಾಡುತ್ತಿದೆ. ಕ್ಷಯರೋಗದ ವಿರುದ್ಧ ಕೇರಳದ ಹೋರಾಟ ಮತ್ತು ಪ್ರಗತಿಯನ್ನು ಗುರುತಿಸಲು ಆರೋಗ್ಯ ಇಲಾಖೆ ವಿಚಾರ ಸಂಕಿರಣ, ಚರ್ಚೆ ಮತ್ತು ದಾಖಲೆ ಬಿಡುಗಡೆಯನ್ನು ಆಯೋಜಿಸುತ್ತಿದೆ.
ಸೆ.5ರಂದು ಮಧ್ಯಾಹ್ನ 3.30ಕ್ಕೆ ತಿರುವನಂತಪುರಂನ ಮಸ್ಕೆಟ್ ಹೊಟೇಲ್‍ನಲ್ಲಿ ನಡೆಯಲಿರುವ ಸಮಾರಂಭದಲ್ಲಿ ಕೇರಳದಲ್ಲಿ ಕ್ಷಯರೋಗ ಚಿಕಿತ್ಸೆಯ ದಿನನಿತ್ಯದ ವಿಧಾನಗಳನ್ನು ಒಳಗೊಂಡಿರುವ ‘ಎ ಪಾತ್ ಟು ವೆಲ್‍ನೆಸ್ ಕೇರಳ ಬ್ಯಾಟಲ್ ಎಗೇನ್‍ಟಿ ಟಿಬಿ’ ದಾಖಲೆಯನ್ನು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಬಿಡುಗಡೆ ಮಾಡಲಿದ್ದಾರೆ.
ಕ್ಷಯರೋಗ ನಿರ್ಮೂಲನೆಗಾಗಿ ರಾಜ್ಯ ಕಾರ್ಯತಂತ್ರದ ಕ್ರಿಯಾ ಯೋಜನೆ 2.0 ರ ಎರಡನೇ ಭಾಗ ಎಂಬ ನೀತಿ ದಾಖಲೆ ಬಿಡುಗಡೆಗೂ ಮುನ್ನ ಮುಖ್ಯಮಂತ್ರಿಗಳು ಕರಪತ್ರವನ್ನು ಬಿಡುಗಡೆ ಮಾಡಲಿದ್ದಾರೆ. ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಅಧ್ಯಕ್ಷತೆ ವಹಿಸುವರು.
ಕ್ಷಯ ಮುಕ್ತ ಕೇರಳ ಲಕ್ಷ್ಯ ಸಾಧನೆಗಾಗಿ ಕೇರಳ ದೃಢವಾದ ಕ್ರಮಗಳನ್ನು ಕೈಗೊಳ್ಳುತ್ತಿದೆ ಎಂದು ಸಚಿವೆ ವೀಣಾ ಜಾರ್ಜ್ ಹೇಳಿದರು. ಕೇರಳ ತನ್ನ ಅತ್ಯುತ್ತಮ ಟಿಬಿ ತಡೆಗಟ್ಟುವ ಚಟುವಟಿಕೆಗಳಿಗಾಗಿ ಇತ್ತೀಚೆಗೆ ರಾಷ್ಟ್ರೀಯ ಪ್ರಶಸ್ತಿಯನ್ನು ಪಡೆದಿತ್ತು. ಖಾಸಗಿ ವಲಯದ ಸಹಭಾಗಿತ್ವವನ್ನು ಖಾತ್ರಿಪಡಿಸುವ ಮೂಲಕ 2025 ರ ವೇಳೆಗೆ ಕೇರಳವನ್ನು ಕ್ಷಯರೋಗ ಮುಕ್ತಗೊಳಿಸುವ ಗುರಿಯೊಂದಿಗೆ ಪ್ರಬಲ ಚಟುವಟಿಕೆಗಳನ್ನು ನಡೆಸಲಾಗುತ್ತಿದೆ.
ಔಷಧ ನಿರೋಧಕ ಟಿಬಿ ಚಿಕಿತ್ಸೆ: ಕ್ಷಯ ಸೋಂಕಿಲ್ಲದೇ ಕೇವಲ ಬ್ಯಾಕ್ಟಿರೀಮಿಯಾ ಇರುವವರಿಗೆ ಟಿಬಿ. ತಡೆಗಟ್ಟುವ ಚಿಕಿತ್ಸೆ, ಖಾಸಗಿ ವಲಯದ ಭಾಗವಹಿಸುವಿಕೆ ಮತ್ತು ಸ್ಥಳೀಯಾಡಳಿತಗಳ ನೇತೃತ್ವದದಲ್ಲಿ ರಾಜ್ಯವು ಸಾಧಿಸಿದ ಪ್ರಗತಿಯು ಕ್ಷಯರೋಗ ಚಿಕಿತ್ಸೆಯ ಇತಿಹಾಸದಲ್ಲಿ ಒಂದು ದಾಖಲೆಯಾಗಿದೆ. ರಾಜ್ಯದ 59 ಗ್ರಾಮ ಪಂಚಾಯತ್‍ಗಳು ಮತ್ತು ಒಂದು ನಗರಸಭೆ (ಪೆರುಂಬಾವೂರು) ಕ್ಷಯರೋಗ ಮುಕ್ತ ಪಂಚಾಯತ್ ಹಂತ 1 ಅನ್ನು ಪ್ರತಿ ವರ್ಷ 1000 ಜನಸಂಖ್ಯೆಗೆ ಕೇವಲ ಒಂದು ಅಥವಾ ಕಡಿಮೆ ಟಿಬಿ ಪ್ರಕರಣಗಳನ್ನು ವರದಿ ಮಾಡುವ ಮೂಲಕ ಮತ್ತು ಇತರ ಸಂಬಂಧಿತ ಮಾನದಂಡಗಳನ್ನು ಪೂರೈಸುವ ಮೂಲಕ ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. ಅದೇ ರೀತಿ ಎಲ್ಲ ಸ್ಥಳೀಯ ಸಂಸ್ಥೆಗಳನ್ನು ತರುವ ಗುರಿ ಹೊಂದಲಾಗಿದೆ ಎಂದು ಸಚಿವರು ತಿಳಿಸಿದರು.
ಡಬ್ಲ್ಯು.ಎಚ್.ಒ.ದ ಭಾರತದ ಪ್ರತಿನಿಧಿ ಡಾ. ಅಫ್ರಿನ್, ಆರೋಗ್ಯ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಡಾ.ರೊಡೆರಿಕೊ ಎಚ್. ರಾಜನ್ ಎನ್. ಖೋಬ್ರಗಡೆ, ಎನ್.ಎಚ್.ಎಂ. ರಾಜ್ಯ ಮಿಷನ್ ನಿರ್ದೇಶಕ ಡಾ. ವಿನಯ್ ಗೋಯಲ್, ವೈದ್ಯಕೀಯ ಶಿಕ್ಷಣ ನಿರ್ದೇಶಕ ಡಾ. ಥಾಮಸ್ ಮ್ಯಾಥ್ಯೂ, ಆರೋಗ್ಯ ಇಲಾಖೆ ನಿರ್ದೇಶಕ ಡಾ. ಕೆ.ಜೆ. ರೀನಾ ಭಾಗವಹಿಸಲಿದ್ದಾರೆ.
ಬ್ರಿಂಗಿಂಗ್ ಗ್ಲೋಬಲ್ ಟಿಬಿ ಸೊಲ್ಯೂಷನ್ಸ್ ಟು ಕೇರಳ ಎಂಬ ಶೀರ್ಷಿಕೆಯ ಜೊತೆಗೆ ನಡೆಯುವ ಸೆಮಿನಾರ್‍ನಲ್ಲಿ ವೈದ್ಯಕೀಯ ಶಿಕ್ಷಣ ಇಲಾಖೆ ಸಹ ನಿರ್ದೇಶಕ ಡಾ. ವಿಶ್ವನಾಥನ್, ಡಾ. ರಂಜಿನಿ ರಾಮಚಂದ್ರನ್, ಡಾ. ಸಂಜೀವ್ ನಾಯರ್, ಡಾ. ರಾಕೇಶ್. ಪಿ.ಎಸ್. ಭಾಗವಹಿಸಲಿದ್ದಾರೆ.
DOCTYPE html>
