ಕಿಳಿಂಗಾರಲ್ಲಿ ಗಣೇಶನ ಚಿತ್ರ ರಚನೆ ಸ್ಪರ್ಧೆ

           ಬದಿಯಡ್ಕ: ಯುವಕೇಸರಿ ಆಟ್ರ್ಸ್-ಸ್ಪೋಟ್ರ್ಸ್ ಕ್ಲಬ್ ಕಿಳಿಂಗಾರ್ ಇದರ ವತಿಯಿಂದ ಗಣೇಶ ಚೌತಿಯ ಪ್ರಯುಕ್ತ ಶಾಲಾ ಮಕ್ಕಳಿಗೆ ಗಣೇಶನ ಚಿತ್ರ ರಚನೆ ಸ್ಪರ್ಧೆ ಕಿಳಿಂಗಾರು ಅನುದಾನಿತ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಜರಗಿತು. 

              ಕಿರಿಯ ಪ್ರಾಥಮಿಕ, ಹಿರಿಯ ಪ್ರಾಥಮಿಕ ಹಾಗೂ ಹೈಸ್ಕೂಲ್ ವಿಭಾಗದ ವಿದ್ಯಾರ್ಥಿಗಳಿಗಾಗಿ ಸ್ಪರ್ಧೆಯನ್ನು ನಡೆಸಲಾಯಿತು. 

             ಸ್ಪರ್ಧೆಗೆ ಮುಂಚಿತವಾಗಿ ಯುವಕೇಸರಿ ಕ್ಲಬ್ಬಿನ ಅಧ್ಯಕ್ಷ ಪ್ರವೀಣ್ ಅವರ ಅಧ್ಯಕ್ಷತೆಯಲ್ಲಿ ಕಿಳಿಂಗಾರ್ ಶಾಲಾ ಅಧ್ಯಾಪಕಿ ಸುನೀತಾ ದೀಪ ಬೆಳಗಿಸಿ ಉದ್ಘಾಟಿಸಿದರು. ಕಿಶಾನ್ ರಾಜ್, ಗಣೇಶ, ಸುಧಾಕರ, ಸುರೇಶ, ರಾಮ, ರಕ್ಷಿತ್,ರಾಖೇಶ್, ಮನೋಜ್, ವಸಂತ ,ಅನೀಲ್,  ಎಂಬಿವರು ಶುಭ ಹಾರೈಸಿದರು. ಕಿರಿಯ ಪ್ರಾಥಮಿಕ ವಿಭಾಗದಲ್ಲಿ 

            ಅದ್ವಿತ್ ಎ.(ಪ್ರಥಮ),  ಧನೀಶ್.ಕೆ(ದ್ವಿತೀಯ), ಅನಾಮಿಕ.ಎ(ತೃತೀಯ),ಹಿರಿಯ ಪ್ರಾಥಮಿಕ  ವಿಭಾಗದಲ್ಲಿ ವಿ.ಎಂ. ಮಧುರ(ಪ್ರಥಮ), ಅಭಿಷೇಕ್ ಎ(ದ್ವಿತೀಯ), ಪ್ರಿಯ(ತೃತೀಯ) ಹಾಗೂ ಹೈಸ್ಕೂಲ್ ವಿಭಾಗದಲ್ಲಿ  ಶಿಖಾ(ಪ್ರಥಮ), ಶ್ರೀಶ್ಮ(ದ್ವಿತೀಯ), ಅನುನಂದ್(ತೃತೀಯ)  ವಿಜಯಿಯಾದರು.  ಕಿಶಾನ್ ರಾಜ್ ಕಿಳಿಂಗಾರ್, ಮೋಹನ್ ದಾಸ್ ಅನ್ನೆಪಲ್ಲಡ್ಕ, ಸಂತೋಷ್ ಕಿಳಿಂಗಾರ್ ಎಂಬಿವರು ತೀರ್ಪುಗಾರರಾಗಿ ಸಹಕರಿಸಿದರು. ಕ್ಲಬ್ಬಿನ ಸದಸ್ಯರು ಹಾಗು ಶಾಲಾ ಅಧ್ಯಾಪಕಿ ಬಹುಮಾನ ವಿತರಿಸಿದರು. ನಾರಾಯಣ ಪಿ ಪೆರಡಾಲ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.