ತಿರುವನಂತಪುರಂ: ವಯನಾಡು ದುರಂತಕ್ಕೆ ಸಂಬಂಧಿಸಿದ ವಿವಿಧ ಉಪಕ್ರಮಗಳನ್ನು ಕೈಗೊಳ್ಳಲು ವೆಚ್ಚ ಮಾಡಿರುವ ಬಗ್ಗೆ ಮಾಧ್ಯಮಗಳಲ್ಲಿ ಬರುತ್ತಿರುವ ಸುದ್ದಿ ವಾಸ್ತವಕ್ಕೆ ವಿರುದ್ಧವಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದ್ದಾರೆ.
ಈ ದುರಂತದಲ್ಲಿ ಕೂಡಲೇ ಹೆಚ್ಚುವರಿ ನೆರವು ನೀಡುವಂತೆ ಕೋರಿ ರಾಜ್ಯ ಸರ್ಕಾರ ಕೇಂದ್ರ ಸರ್ಕಾರಕ್ಕೆ ಮನವಿ ಪತ್ರ ಸಲ್ಲಿಸಿತ್ತು. ಇದು ವಿವಿಧ ವಿಷಯಗಳಿಗೆ ಅಗತ್ಯವಿರುವ ವೆಚ್ಚದ ಪ್ರಾಥಮಿಕ ಅಂದಾಜುಗಳನ್ನು ನಿರ್ದಿಷ್ಟಪಡಿಸುತ್ತದೆ. ಆದರೆ ಮಾಧ್ಯಮಗಳು ಈಗ ಆ ಅಂಕಿಅಂಶಗಳನ್ನು ವಿಪತ್ತು ಪ್ರದೇಶದಲ್ಲಿ ಖರ್ಚು ಮಾಡಿದ ಮೊತ್ತ ಎಂದು ಬಿತ್ತರಿಸುತ್ತಿವೆ. ಇದು ಅಸತ್ಯ. ಇದು ರಾಷ್ಟ್ರೀಯ ವಿಪತ್ತು ಪ್ರತಿಕ್ರಿಯೆ ನಿಧಿಯ ಮಾನದಂಡಗಳಿಗೆ ಅನುಗುಣವಾಗಿ ಸಿದ್ಧಪಡಿಸಲಾದ ಜ್ಞಾಪಕ ಪತ್ರದ ಅವಶ್ಯಕತೆಗಳನ್ನು ತಪ್ಪಾಗಿ ಪ್ರತಿನಿಧಿಸುತ್ತದೆ ಎಂದಿರುವರು.
ಇಂತಹ ಸುಳ್ಳು ಮಾಹಿತಿಗಳು ವಯನಾಡ್ ಭೂಕುಸಿತ ದುರಂತಕ್ಕೆ ಸಂಬಂಧಿಸಿದಂತೆ ಕೇಂದ್ರದ ನೆರವು ಪಡೆಯುವ ರಾಜ್ಯ ಸರ್ಕಾರದ ಪ್ರಯತ್ನಗಳನ್ನು ದುರ್ಬಲಗೊಳಿಸುವ ವಿಧಾನವಾಗಿದೆ. ನಿರೀಕ್ಷಿತ ವೆಚ್ಚಗಳು ಮತ್ತು ಮುಂಬರುವ ಹೆಚ್ಚುವರಿ ವೆಚ್ಚಗಳನ್ನು ಮಾನದಂಡದ ಪ್ರಕಾರ ಒಳಗೊಂಡಂತೆ ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಲಾದ ಜ್ಞಾಪನಾ ಪತ್ರವನ್ನು ಹೈಕೋರ್ಟ್‍ನಲ್ಲಿ ನೀಡಲಾಗಿದೆ. ಆ ಜ್ಞಾಪಕ ಪತ್ರವನ್ನು ಉಲ್ಲೇಖಿಸಿ ರಾಜ್ಯ ಸರ್ಕಾರ ಅಂಕಿ-ಅಂಶಗಳನ್ನು ಮತ್ತು ಬಿಲ್‍ಗಳನ್ನು ತಪ್ಪು ರೀತಿಯಲ್ಲಿ ಹೆಚ್ಚಿಸಿದೆ ಎಂಬ ಅಪಪ್ರಚಾರ ನಡೆಯುತ್ತಿದೆ. ಇದು ರಾಜ್ಯದ ಹಿತಾಸಕ್ತಿಗೆ ವಿರುದ್ಧವಾಗಿದೆ. ವಯನಾಡ್‍ನ ಪುನರ್ನಿರ್ಮಾಣಕ್ಕಾಗಿ ರಾಜ್ಯದ ಯೋಜನೆಗಳನ್ನು ದುರ್ಬಲಗೊಳಿಸುವ ಉದ್ದೇಶವನ್ನು ಇದು ವಿಪತ್ತು ಸಂತ್ರಸ್ತರಿಗೆ ಅರ್ಹವಾದ ಸಹಾಯವನ್ನು ನಿರಾಕರಿಸುವ ಒಂದು ರಹಸ್ಯ ಕ್ರಮವೆಂದು ಪರಿಗಣಿಸಬೇಕು.
ಪ್ರಸ್ತುತ ನಡೆಯುತ್ತಿರುವ ರಕ್ಷಣಾ ಕಾರ್ಯಾಚರಣೆಗಳು ಸೇರಿದಂತೆ ಪ್ರಾಥಮಿಕ ಅಂದಾಜುಗಳು ಮತ್ತು ನಿರೀಕ್ಷಿತ ವೆಚ್ಚಗಳ ಆಧಾರದ ಮೇಲೆ ವಿಪತ್ತಿನ ಸಂದರ್ಭದಲ್ಲಿ ತುರ್ತು ಪರಿಹಾರಕ್ಕಾಗಿ ಜ್ಞಾಪಕ ಪತ್ರವನ್ನು ಸಿದ್ಧಪಡಿಸಲಾಗಿದೆ ಮತ್ತು ಸಲ್ಲಿಸಲಾಗುತ್ತದೆ. ಇದು ಖರ್ಚು ಮಾಡಿದ ಮೊತ್ತದ ಅಂದಾಜು ಅಲ್ಲ. ಇದಕ್ಕೆ ವಿರುದ್ಧವಾಗಿ, ಇದು ವಿಪತ್ತು ಪ್ರದೇಶದ ರಕ್ಷಣೆ ಮತ್ತು ಪುನರ್ವಸತಿ ಸೇರಿದಂತೆ ಮುಂಚಿತವಾಗಿ ಸಿದ್ಧಪಡಿಸಲಾದ ಮನವಿಯಾಗಿದೆ.
ತಪ್ಪು ಸುದ್ದಿಗಳನ್ನು ತಿದ್ದಲು ಮಾಧ್ಯಮಗಳು ಸಿದ್ಧರಾಗಬೇಕು ಎಂದು ಮುಖ್ಯಮಂತ್ರಿ ಕೇಳಿಕೊಂಡಿರುವರು.
DOCTYPE html>
.jpg)
