ಕೇರಳೀಯಂ: ಪ್ರಾಯೋಜಕತ್ವದಲ್ಲಿ ಪಡೆದ ಮೊತ್ತ 11.47 ಕೋಟಿ ರೂ., ಕೇವಲ ಜಾಹೀರಾತಿಗೆ 25 ಲಕ್ಷ ಖರ್ಚು: ಅಂಕಿಅಂಶ ಬಿಡುಗಡೆಮಾಡಿದ ರಾಜ್ಯ ಸರ್ಕಾರ

ತಿರುವನಂತಪುರಂ: 2023ರಲ್ಲಿ ಆಯೋಜಿಸಲಾಗಿದ್ದ ಕೇರಳೀಯಂ  ಕಾರ್ಯಕ್ರಮಕ್ಕೆ ಖರ್ಚು ಮಾಡಿರುವ ಮೊತ್ತದ ಅಂಕಿಅಂಶಗಳನ್ನು ರಾಜ್ಯ ಸರ್ಕಾರ ಬಿಡುಗಡೆ ಮಾಡಿದೆ.

ಈ ಕಾರ್ಯಕ್ರಮಕ್ಕೆ ಪ್ರವಾಸೋದ್ಯಮ ಇಲಾಖೆ ಒಟ್ಟು 5,68,25,000 ರೂ. ವೆಚ್ಚ ಭರಿಸಿದೆ. ನ್ಯೂಯಾರ್ಕ್‍ನ ಟೈಮ್ ಸ್ಕ್ವೇರ್‍ನಲ್ಲಿ ವೀಡಿಯೋ ಪೋಸ್ಟರ್‍ಗಾಗಿ 11.47 ಕೋಟಿ ರೂ ಪ್ರಾಯೋಜಕತ್ವವನ್ನು ಪಡೆದುಕೊಂಡಿದೆ ಮತ್ತು 8.29 ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಲಾಗಿದೆ ಎಂದು ಸರ್ಕಾರ ಘೋಷಿಸಿದೆ. ವಿಧಾನಸಭೆಯಲ್ಲಿ ಶಾಸಕ ಎಲ್ದೋಸ್ ಕುನ್ನಪಲ್ಲಿ ಅವರ ಪ್ರಶ್ನೆಗೆ ಉತ್ತರಿಸಿದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅಂಕಿಅಂಶಗಳನ್ನು ವಿವರಿಸಿದರು.

ಕೇರಳದ ಆಡಳಿತಕ್ಕಾಗಿ ಪಿಆರ್‍ಡಿ ಇಲಾಖೆಯ ನಿರ್ದೇಶಕರ ಹೆಸರಿನಲ್ಲಿ ಬ್ಯಾಂಕ್ ಖಾತೆ ತೆರೆಯಲಾಗಿದೆ. ಇದರ ಪ್ರಕಾರ 11,47,19,674 ಕೋಟಿಗಳು ಪ್ರಾಯೋಜಕತ್ವದ ಅಡಿಯಲ್ಲಿ ಮಾತ್ರ ಖಾತೆಗೆ ಬಂದಿವೆ. ಆದರೆ ಹಣ ಪಾವತಿಸಿದವರ ಹೆಸರು ಲಭ್ಯವಾಗಿಲ್ಲ. ಕೇರಳೀಯಂ ಪ್ರಚಾರದ ಭಾಗವಾಗಿ, ಪ್ರವಾಸೋದ್ಯಮ ಇಲಾಖೆಯು ಅಕ್ಟೋಬರ್ 26, 2023 ರಂದು ನ್ಯೂಯಾರ್ಕ್ ಟೈಮ್ಸ್ ಸ್ಕ್ವೇರ್‍ನಲ್ಲಿ ವೀಡಿಯೊ ಮತ್ತು ಪೋಸ್ಟರ್ ಪ್ರಚಾರಕ್ಕಾಗಿ 8.29 ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಿದೆ.

ವಿವಿಧ ಏಜೆನ್ಸಿಗಳಿಗೆ ಬಾಕಿ ಪಾವತಿಗೆ 4.63 ಕೋಟಿ ಮಂಜೂರಾಗಿದೆ ಎಂದು ನಕ್ಷತ್ರ ಹಾಕದ ಪ್ರಶ್ನೆಗೆ ಮುಖ್ಯಮಂತ್ರಿ ಉತ್ತರಿಸಿದರು. ನವೆಂಬರ್ 1 ರಿಂದ 7, 2023 ರವರೆಗೆ, ಕೇರಳೀಯಂ ಕಾರ್ಯಕ್ರಮವನ್ನು ರಾಜಧಾನಿಯ ವಿವಿಧ ಸ್ಥಳಗಳಲ್ಲಿ ನಡೆಸಲಾಯಿತು. ಕೇರಳದ ಅಭಿವೃದ್ಧಿ ಮಾದರಿಗಳನ್ನು ವಿಶ್ವದ ಗಮನಕ್ಕೆ ತಂದು, ಕೇರಳವನ್ನು ಬ್ರಾಂಡ್ ಮಾಡಿ ಆ ಮೂಲಕ ಹೂಡಿಕೆ ತರುವ ಗುರಿಯನ್ನು ಸರ್ಕಾರ ಹೊಂದಿತ್ತು.

ಎರಡನೇ ಪಿಣರಾಯಿ ಸರ್ಕಾರದ ಕೇರಳೀಯಂ ಕಾರ್ಯಕ್ರಮ ಹಲವು ವಿವಾದಗಳಿಗೆ ಕಾರಣವಾಗಿತ್ತು. ಕಾರ್ಯಕ್ರಮ ವ್ಯರ್ಥವಾಗಿದ್ದು, ಖರ್ಚು ವೆಚ್ಚಗಳನ್ನು ಬಹಿರಂಗಪಡಿಸಬೇಕು ಎಂದು ಪ್ರತಿಪಕ್ಷಗಳು ಒತ್ತಾಯಿಸಿದ್ದವು.