ಮೂರು ವರ್ಷಗಳಲ್ಲಿ 131 ಬಾರ್‍ಗಳಿಗೆ ಅನುಮತಿ: ಎರಡನೇ ಪಿಣರಾಯಿ ಸರ್ಕಾರದ ಸಾಧನೆಯನ್ನು ಸದನದಲ್ಲಿ ವಿವರಿಸಿದ ಸಚಿವರು

    ತಿರುವನಂತಪುರಂ: ಎರಡನೇ ಪಿಣರಾಯಿ ವಿಜಯನ್ ಸರ್ಕಾರ ಮೂರು ವರ್ಷಗಳಲ್ಲಿ ರಾಜ್ಯದಲ್ಲಿ 131 ಹೊಸ ಬಾರ್‍ಗಳನ್ನು ಮಂಜೂರು ಮಾಡಿದೆ. ಎರ್ನಾಕುಳಂನಲ್ಲಿ ಹೆಚ್ಚಿನ ಬಾರ್‍ಗಳಿಗೆ ಅನುಮತಿ ನೀಡಲಾಗಿದೆ. 

      ಎರ್ನಾಕುಳಂ ಜಿಲ್ಲೆಯಲ್ಲಿ ಹೊಸದಾಗಿ 25 ಬಾರ್‍ಗಳನ್ನು ತೆರೆಯಲಾಗಿದೆ ಎಂದು ಸಚಿವ ಎಂ.ಬಿ.ರಾಜೇಶ್ ತಿಳಿಸಿದ್ದಾರೆ. ವಿಧಾನಸಭೆಯಲ್ಲಿ ಶಾಸಕ ಸನ್ನಿ ಜೋಸೆಫ್ ಅವರ ಪ್ರಶ್ನೆಗೆ ಸಚಿವರು ಉತ್ತರಿಸಿದರು. 

       ಕೇರಳದಲ್ಲಿ ಪ್ರಸ್ತುತ ಎಷ್ಟು ಬಾರ್‍ಗಳು ಕಾರ್ಯನಿರ್ವಹಿಸುತ್ತಿವೆ ಮತ್ತು ಎರಡನೇ ಪಿಣರಾಯಿ ಸರ್ಕಾರದ ನಂತರ ಹೊಸದಾಗಿ ಎಷ್ಟು ಬಾರ್‍ಗಳನ್ನು ತೆರೆಯಲಾಗಿದೆ ಎಂಬುದು ಪ್ರಶ್ನೆಯಾಗಿತ್ತು. ಜಿಲ್ಲಾವಾರು ಲೆಕ್ಕಾಚಾರವನ್ನೂ ಕೇಳಲಾಗಿತ್ತು. ಇದಕ್ಕೆ ಸಚಿವರು ಉತ್ತರಿಸಿದರು. ಅಂದಾಜಿನ ಪ್ರಕಾರ, ಎರಡನೇ ಪಿಣರಾಯಿ ಸರ್ಕಾರದ ಅವಧಿಯಲ್ಲಿ 131 ಹೊಸ ಬಾರ್‍ಗಳನ್ನು ತೆರೆಯಲಾಗಿದೆ. ತಿರುವನಂತಪುರಂನಲ್ಲಿ 22 ಮತ್ತು ತ್ರಿಶೂರ್‍ನಲ್ಲಿ 18 ಬಾರ್‍ಗಳು ಹೊಸದಾಗಿ ಮಂಜೂರಾಗಿವೆ.

           ರಾಜ್ಯದಲ್ಲಿ ಪ್ರಸ್ತುತ 836 ಬಾರ್‍ಗಳು ಕಾರ್ಯನಿರ್ವಹಿಸುತ್ತಿವೆ ಎಂದು ಸಚಿವರು ತಿಳಿಸಿದರು. ಯುಡಿಎಫ್ ಅವಧಿಯಲ್ಲಿ ರಾಜ್ಯದಲ್ಲಿ ಬಾರ್‍ಗಳ ಸಂಖ್ಯೆ 720 ಇತ್ತು. ಪಿಣರಾಯಿ ಸರ್ಕಾರ ಅಧಿಕಾರಕ್ಕೆ ಬಂದ ನಂತರ ಹಲವು ಬಾರ್‍ಗಳಿಗೆ ಹೊಸ ಪರವಾನಗಿ ನೀಡಲಾಗಿದೆ. ಇದುವರೆಗೆ 303ಕ್ಕೂ ಹೆಚ್ಚು ಬಾರ್ ತೆರೆಯಲು ಸರ್ಕಾರ ಪರವಾನಗಿ ನೀಡಿದೆ.