ಲೆಬನಾನ್‌ ಮೇಲೆ ಇಸ್ರೇಲ್ ದಾಳಿ; 18 ಸಾವು, ನಾಲ್ವರಿಗೆ ಗಾಯ

         ಬೈರೂತ್‌: ಕ್ರಿಶ್ಚಿಯನ್ನರು ಹೆಚ್ಚಿನ ಸಂಖ್ಯೆಯಲ್ಲಿ ಇರುವ ಲೆಬನಾನ್‌ನ ಉತ್ತರ ಭಾಗದ ಮೇಲೆ ಇಸ್ರೇಲ್‌ ಸೇನೆ ನಡೆಸಿದ ದಾಳಿಯಲ್ಲಿ 18 ಮಂದಿ ಮೃತಪಟ್ಟಿದ್ದಾರೆ ಎಂದು 'ಲೆಬನೀಸ್‌ ರೆಡ್‌ ಕ್ರಾಸ್‌' ಸಂಘಟನೆ ಸೋಮವಾರ ಹೇಳಿದೆ.

'         ಐಟೊ ಗ್ರಾಮದ ಮೇಲಿನ ದಾಳಿಯಿಂದಾಗಿ 18 ಮಂದಿ ಮೃತಪಟ್ಟು, ನಾಲ್ವರು ಗಾಯಗೊಂಡಿದ್ದಾರೆ' ಎಂದಿರುವ ರೆಡ್‌ ಕ್ರಾಸ್‌, ಗ್ರಾಮವು ಕ್ರಿಶ್ಚಿಯನ್ನರು ಬಹುಸಂಖ್ಯೆಯಲ್ಲಿ ಇರುವ ಝಘ್ರತ ಜಿಲ್ಲೆಯಲ್ಲಿದೆ ಎಂದು ತಿಳಿಸಿದೆ.

         ಇಸ್ರೇಲ್‌ ನಡೆಸಿದ ದಾಳಿಯಲ್ಲಿ 9 ಜನರು ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ಇದಕ್ಕೂ ಮೊದಲು ಹೇಳಿತ್ತು.

            ಗ್ರಾಮದಲ್ಲಿರುವ ವಸತಿ ಸಮುಚ್ಚಯಗಳನ್ನು ಗುರಿಯಾಗಿಸಿ ಇಸ್ರೇಲ್ ದಾಳಿ ನಡೆಸುತ್ತಿದೆ ಎಂದು ನ್ಯಾಷನಲ್‌ ನ್ಯೂಸ್‌ ಏಜೆನ್ಸಿ ಸಹ ವರದಿ ಮಾಡಿತ್ತು.