ದಿವ್ಯಾ ಮತ್ತು ಮುಖಂಡರು ಕುಣಿಕೆಗೆ: ಪೆಟ್ರೋಲ್ ಪಂಪ್ ಸ್ಥಾಪಿಸಲು 2 ಕೋಟಿ ಖರ್ಚು: ಪತ್ತೆಹಚ್ಚಿದ ಇಡಿ

ಕಣ್ಣೂರು: ಎಡಿಎಂ ನವೀನ್ ಬಾಬು ಅವರ ಆತ್ಮಹತ್ಯೆಗೆ ಕಾರಣವಾದ ವಿವಾದಾತ್ಮಕ ಪೆಟ್ರೋಲ್ ಪಂಪ್ ವಿಚಾರವಾಗಿ ಜಾರಿ ನಿರ್ದೇಶನಾಲಯ(ಇ.ಡಿ) ತನಿಖೆ ನಡೆಸುತ್ತಿದೆ.

ಪಂಪ್‍ಗೆ ಖರ್ಚು ಮಾಡಿದ ಎರಡು ಕೋಟಿ ರೂಪಾಯಿ ಎಲ್ಲಿಂದ ಬಂತು, ಯಾರ ಹಣ ಎಂಬಿತ್ಯಾದಿ ಬಗ್ಗೆ ಇಡಿ ತನಿಖೆ ನಡೆಸುತ್ತಿದೆ. ಇದರೊಂದಿಗೆ ಪಂಪ್ ಗೆ ಅರ್ಜಿ ಸಲ್ಲಿಸಿದ ಪ್ರಶಾಂತನ್ ಹಾಗೂ ಕಣ್ಣೂರಿನ ಮಾಜಿ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷೆ ಪಿ.ಪಿ. ದಿವ್ಯಾ ಮತ್ತು ಸಿಪಿಎಂನ ಕೆಲವು ಮುಖಂಡರು ಪೆಟ್ರೋಲ್ ಪಂಪ್ ಹಿಂದಿದ್ದಾರೆ ಎಂದು ಇ.ಡಿ.ಪ್ರಾಥಮಿಕ ತನಿಖೆಯಲ್ಲಿ ಪತ್ತೆಮಾಡಿದೆ.

ಪೆಟ್ರೋಲ್ ಪಂಪ್ ಎನ್‍ಒಸಿಗಾಗಿ ಎಡಿಎಂ ಲಂಚ ಪಡೆದಿದ್ದಾರೆ ಎಂದು ದಿವ್ಯಾ ಹೇಳಿದ್ದರು.  ನವೀನ್ ಬಾಬು ಅವರಿಗೆ 98,500 ರೂ. ಲಂಚ ನೀಡಲಾಗಿದೆ ಎಂದು ಪಂಪ್ ಲೈಸೆನ್ಸ್ ಗೆ ಅರ್ಜಿ ಸಲ್ಲಿಸಿರುವ ಟಿ.ವಿ. ಪ್ರಶಾಂತನ್ ಕೂಡ ಬಹಿರಂಗಪಡಿಸಿದ್ದಾರೆ. ಪೆಟ್ರೋಲ್ ಪಂಪ್‍ಗಾಗಿ ಜಮೀನಿನ ಬೆಲೆ ಸುಮಾರು ಎರಡು ಕೋಟಿ. ಪರಿಯಾರಂ ವೈದ್ಯಕೀಯ ಕಾಲೇಜಿನ ಸಾಮಾನ್ಯ ಉದ್ಯೋಗಿ ಪ್ರಶಾಂತನ್ ಅವರ ಆರ್ಥಿಕ ಮೂಲದ ಬಗ್ಗೆ ಪ್ರಶ್ನೆ ಎದ್ದಿದೆ. ಪ್ರಶಾಂತನ್ ಯಾರ ಬೇನಾಮಿ ಎಂಬ ಪ್ರಶ್ನೆಯನ್ನು ಮುಖ್ಯವಾಗಿ ಎತ್ತಲಾಗಿದೆ. ಪ್ರಶಾಂತ್ ಅವರ ಆರ್ಥಿಕ ಮೂಲದ ಬಗ್ಗೆ ತನಿಖೆ ನಡೆದರೆ ಅದು ಸಿಪಿಎಂನ ಹಲವು ಯುವ ಮುಖಂಡರಿಗೆ ತಲುಪಲಿದೆ ಎಂದು ಸೂಚಿಸಲಾಗಿದೆ.

ದಿವ್ಯಾ ಬಹಿರಂಗ ಪಡಿಸಿದ ಹಿನ್ನೆಲೆಯಲ್ಲಿ ಭ್ರಷ್ಟಾಚಾರ ತಡೆ ಕಾಯ್ದೆಯ ಸೆಕ್ಷನ್ 13ಬಿ ಅಡಿಯಲ್ಲಿ ತನಿಖೆ ನಡೆಸಬಹುದಾಗಿದೆ. ಪಿಸಿ ಆಕ್ಟ್ ಅಡಿಯಲ್ಲಿ ಅಪರಾಧವು ಮನಿ ಲಾಂಡರಿಂಗ್ ತಡೆ ಕಾಯ್ದೆ (ಪಿಎಂಎಲ್‍ಎ) ಅಡಿಯಲ್ಲಿ ನಿಗದಿತ ಅಪರಾಧವಾಗಿದೆ. ಪಿಸಿ ಆಕ್ಟ್ ಅನ್ವಯವಾಗುವ ಸಂದರ್ಭಗಳಲ್ಲಿ ಇಡಿಯೂ ಅಪರಾಧಕ್ಕೆ ಸಹಾಯ ಮತ್ತು ಪ್ರಚೋದನೆಯನ್ನು ತನಿಖೆ ಮಾಡಬೇಕಾಗುತ್ತದೆ. ಆಗ ದಿವ್ಯಾ ಕೂಡ ಇಡಿ ವ್ಯಾಪ್ತಿಗೆ ಬರುತ್ತಾರೆ. ಲಂಚ ನೀಡಿದ ಆರೋಪದ ಮೇಲೆ ಪ್ರಶಾಂತ್ ವಿರುದ್ಧ ಕಾನೂನು ಕ್ರಮ ಜರುಗಿಸಬಹುದಾಗಿದೆ.  ಪ್ರಶಾಂತ್ ಡೀಲಿಂಗ್ ಬಗ್ಗೆಯೂ ಅನುಮಾನ ಮೂಡಿದೆ. ಇದು ಕೂಡ ಇಡಿ ತನಿಖೆಯ ವ್ಯಾಪ್ತಿಗೆ ಬರಲಿದೆ.

ಇದೇ ವೇಳೆ ಕಣ್ಣೂರು ಎಡಿಎಂ ನವೀನ್ ಬಾಬು ಸಾವಿಗೆ ಸಂಬಂಧಿಸಿದಂತೆ ಜಿಲ್ಲಾಧಿಕಾರಿ ಅರುಣ್ ಕೆ.ವಿಜಯನ್ ಅವರಿಂದ ತನಿಖಾ ತಂಡ ಹೇಳಿಕೆ ಪಡೆದು ಕಂದಾಯ ಇಲಾಖೆ ತನಿಖಾ ತಂಡಕ್ಕೆ ಸತ್ಯವನ್ನೇ ಹೇಳಿರುವುದಾಗಿ ಬಹಿರಂಗಪಡಿಸಿದ್ದಾರೆ.

ಅವರ ಹೇಳಿಕೆಯನ್ನು ಪೋಲೀಸರು ತೆಗೆದುಕೊಂಡಾಗಲೂ ಇದೇ ಮಾತುಗಳನ್ನಾಡಿದ್ದಾರೆ. ಮುಖ್ಯಮಂತ್ರಿಗಳು ಕಣ್ಣೂರು ಜಿಲ್ಲೆಯಲ್ಲಿದ್ದಾಗ ಅವರನ್ನು ಭೇಟಿ ಮಾಡಿ ಜಿಲ್ಲೆಯ ಆಗುಹೋಗುಗಳನ್ನು ವಿವರಿಸಿದ್ದರು. ಎಡಿಎಂಗೆ ಸಂಬಂಧಿಸಿದವರ ಬಗ್ಗೆಯೂ ಮಾತನಾಡಲಾಗಿದೆ ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದರು.