ಕೇರಳಕ್ಕೆ ವಿಪತ್ತು ಪರಿಹಾರಕ್ಕೆ ಕೇಂದ್ರ 782.99 ಕೋಟಿಗಳನ್ನು ಮಂಜೂರು ಮಾಡಿದೆ: ಹೈಕೋರ್ಟಿನಲ್ಲಿ ಹೇಳಿಕೆ

ಕೊಚ್ಚಿ: ಕೇರಳದ ವಿಪತ್ತು ಪರಿಹಾರಕ್ಕೆ 782.99 ಕೋಟಿ ರೂ.ಗಳನ್ನು ಮಂಜೂರು ಮಾಡಿರುವುದಾಗಿ ಕೇಂದ್ರ ಸರ್ಕಾರ ಹೈಕೋರ್ಟ್‍ಗೆ ಮಾಹಿತಿ ನೀಡಿದೆ.

ವಯನಾಡ್ ಭೂಕುಸಿತದ ಪರಿಹಾರ ನಿಧಿಗೆ ಸಂಬಂಧಿಸಿದ ಪ್ರಕರಣವನ್ನು ಪರಿಗಣಿಸುತ್ತಿದ್ದ ನ್ಯಾಯಮೂರ್ತಿ ಎ.ಕೆ. ಜಯಶಂಕರ ನಂಬಿಯಾರ್, ನ್ಯಾಯಮೂರ್ತಿ ವಿ.ಎಂ. ಶ್ಯಾಮ್ ಕುಮಾರ್ ಮತ್ತು ಇತರರನ್ನು ಒಳಗೊಂಡ ಪೀಠ ಈ ಹೇಳಿಕೆ ನೀಡಿದೆ.

ವಿಪತ್ತು ಸಂತ್ರಸ್ತರಿಗೆ ಸಹಾಯ ಮಾಡಲು 2024-25 ನೇ ಸಾಲಿಗೆ ಎಸ್‍ಡಿಆರ್‍ಎಫ್ ಅಡಿಯಲ್ಲಿ 388 ಕೋಟಿ ಮಂಜೂರು ಮಾಡಲಾಗಿದೆ. (291.20 ಕೋಟಿ ಕೇಂದ್ರ ಪಾಲು ಮತ್ತು 96.80 ಕೋಟಿ ರಾಜ್ಯ ಪಾಲು).

ಭೂಕುಸಿತದ ನಂತರ, ಕೇಂದ್ರ ಸರ್ಕಾರವು ಎಸ್‍ಡಿಆರ್‍ಎಫ್‍ನ ಕೇಂದ್ರ ಪಾಲಿನ ಎರಡೂ ಕಂತುಗಳನ್ನು ಮುಂಚಿತವಾಗಿ ಮಂಜೂರು ಮಾಡಿತು. ಜುಲೈ 31 ಮತ್ತು ಅಕ್ಟೋಬರ್ 1ಕ್ಕೆ ತಲಾ 145.60 ಕೋಟಿ (ರೂ. 291.20 ಕೋಟಿ). ಕೇಂದ್ರ ಸರ್ಕಾರದ ಪರ ವಾದ ಮಂಡಿಸಿದ ಹೆಚ್ಚುವರಿ ಸಾಲಿಸಿಟರ್ ಜನರಲ್ ಎಆರ್ ಎಲ್ ಸುಂದರೇಶನ್, ರಾಜ್ಯಕ್ಕೆ ಹೆಚ್ಚಿನ ನೆರವು ಕೋರಿ ವಿವರವಾದ ಜ್ಞಾಪಕ ಪತ್ರ ಬಂದರೆ ಪರಿಗಣಿಸಲಾಗುವುದು ಎಂದರು.

ಸಂತ್ರಸ್ತ ಜನರ ಪುನರ್ವಸತಿಗಾಗಿ ರಾಜ್ಯ ವಿಪತ್ತು ಪರಿಹಾರ ನಿಧಿಗೆ (ಎಸ್‍ಡಿಆರ್‍ಎಫ್) ನಿಯಮಿತವಾಗಿ ಮೀಸಲಿಡುವ ಹಣದ ಜೊತೆಗೆ ಕೇಂದ್ರ ಸರ್ಕಾರದಿಂದ ವಿಶೇಷ ಆರ್ಥಿಕ ನೆರವು ನೀಡಬೇಕು ಎಂದು ರಾಜ್ಯ ಸರ್ಕಾರದ ಪರವಾಗಿ ಅಡ್ವೊಕೇಟ್ ಜನರಲ್ ಕೆ.ಗೋಪಾಲಕೃμÀ್ಣ ಕುರುಪ್ ಒತ್ತಾಯಿಸಿದರು. ಭೂಕುಸಿತದ ನಂತರ, ಹೈಕೋರ್ಟ್ ತನ್ನದೇ ಆದ ಪ್ರಕರಣವನ್ನು ದಾಖಲಿಸಿತ್ತು. ಮುಂದಿನ ಶುಕ್ರವಾರ ಮತ್ತೆ ಅರ್ಜಿ ವಿಚಾರಣೆ ನಡೆಯಲಿದೆ.