ನೈರುತ್ಯ ಮುಂಗಾರು: ವಾಡಿಕೆಗಿಂತ ಶೇ 8ರಷ್ಟು ಅಧಿಕ ಮಳೆ

 'ಭಾರತದಲ್ಲಿ 2024ರ ನೈರುತ್ಯ ಮುಂಗಾರು ಸೋಮವಾರಕ್ಕೆ ಮುಕ್ತಾಯಗೊಂಡಿದ್ದು, ಈ ಬಾರಿ ವಾಡಿಕೆಗಿಂತ ಅಧಿಕ ಮಳೆ ಸುರಿದಿದೆ. ಈ ಅವಧಿಯಲ್ಲಿ ದೇಶದಲ್ಲಿ 93.48 ಸೆಂ.ಮೀ ನಷ್ಟು ಮಳೆಯಾಗಿದೆ. ಇದು 2020ರಿಂದ ಈಚೆಗಿನ ದಾಖಲೆ ಮಳೆ ಪ್ರಮಾಣ' ಎಂದು ಭಾರತೀಯ ಹವಾಮಾನ ಇಲಾಖೆ ಹೇಳಿದೆ.

ದಕ್ಷಿಣ ಭಾರತ, ಮಧ್ಯ ಭಾರತದಲ್ಲಿ ವಾಡಿಕೆಗಿಂತ ಹೆಚ್ಚು ಮಳೆಯಾಗಲಿದೆ. ಈಶಾನ್ಯ ಭಾಗದಲ್ಲಿ ವಾಡಿಕೆಯಷ್ಟು ಮಳೆಯಾಗಲಿದೆ. ವಾಯವ್ಯ ಭಾಗದಲ್ಲಿ ವಾಡಿಕೆಗಿಂತ ಕಡಿಮೆ ಮಳೆಯಾಗಲಿದೆ ಎಂದು ಇಲಾಖೆಯು ನೀಡಿದ್ದ ಮುನ್ಸೂಚನೆಯು ನಿಖರವಾಗಿದೆ.

ಜೂನ್‌ ಹೊತ್ತಿಗೆ ದೇಶದಲ್ಲಿ ಶೇ 11ರಷ್ಟು ಮಳೆ ಕೊರತೆಯಾಗಿತ್ತು. ಜುಲೈ ಹೊತ್ತಿಗೆ ಈ ಕೊರತೆ ಪ್ರಮಾಣವು ಶೇ 9ಕ್ಕೆ ಇಳಿಕೆಯಾದರೆ, ಆಗಸ್ಟ್‌ ಹೊತ್ತಿಗೆ ಶೇ 15.7ರಷ್ಟಾಯಿತು. ಸೆಪ್ಟೆಂಬರ್‌ ಹೊತ್ತಿಗೆ ಕೊರತೆ ಪ್ರಮಾಣವು ಶೇ 10.6ಕ್ಕೆ ಇಳಿಕೆಯಾಯಿತು.