ಉದ್ಯೋಗಿಗಳ ಹೃದಯ ಗೆದ್ದ 'ಮೀಶೋ' : ನೌಕರರಿಗೆ 9 ದಿನ ವೇತನ ಸಹಿತ ರಜೆ ಘೋಷಣೆ

 ಇ-ಕಾಮರ್ಸ್ ಕಂಪನಿ 'ಮೀಶೋ' ತನ್ನ ಉದ್ಯೋಗಿಗಳಿಗೆ ಭರ್ಜರಿ ಗುಡ್ ನ್ಯೂಸ್ ನೀಡಿದೆ. ಉದ್ಯೋಗಿಗಳು ಅಕ್ಟೋಬರ್ 26 ರಿಂದ ನವೆಂಬರ್ 3 ರವರೆಗೆ ರಜಾದಿನದ ಮಜ ಅನುಭವಿಸಲಿದ್ದಾರೆ.

ಹೌದು. ಇ-ಕಾಮರ್ಸ್ ಸೈಟ್ ಮೀಶೋನ ಪೋಸ್ಟ್ ಜನರ ಹೃದಯವನ್ನು ಗೆದ್ದಿದೆ. ಲಿಂಕ್ಡ್‌ಇನ್ ಪೋಸ್ಟ್ನಲ್ಲಿ, ಕಂಪನಿಯು 9 ದಿನಗಳ ವೇತನ ಸಹಿತ ರಜೆಯಲ್ಲಿರುತ್ತಾರೆ ಎಂದು ಹಂಚಿಕೊಂಡಿದೆ.ನಾಲ್ಕನೇ ಬಾರಿಗೆ ಇ-ಕಾಮರ್ಸ್ ಸೈಟ್ ನ ಈ ನಿರ್ಧಾರ ಉದ್ಯೋಗಿಗಳ ಹೃದಯ ಗೆದ್ದಿದೆ.

ಮೀಶೋ ಅವರ ‘ಮೆಗಾ ಬ್ಲಾಕ್ಬಸ್ಟರ್ ಸೇಲ್’ ದೊಡ್ಡ ಯಶಸ್ಸನ್ನು ಕಂಡ ಹಿನ್ನೆಲೆ ಈ ರಜೆ ಘೋಷಿಸಿದೆ.

ಸಾಮಾಜಿಕ ಮಾಧ್ಯಮದಲ್ಲಿ ಅನೇಕ ಜನರು ಕೆಲಸಕ್ಕೆ ಸಂಬಂಧಿಸಿದಂತೆ ಕಂಪನಿಗಳನ್ನು ಟೀಕಿಸುತ್ತಾರೆ. ಸಾಮಾಜಿಕ ಮಾಧ್ಯಮಗಳಲ್ಲಿ, ರಜಾದಿನಗಳಲ್ಲಿ ಅತೃಪ್ತ ಉದ್ಯೋಗಿಗಳು ರಜೆ ಸಿಗುವುದಿಲ್ಲ ಅಥವಾ ಉದ್ಯೋಗದಾತರು ರಜಾದಿನಗಳನ್ನು ತಿರಸ್ಕರಿಸುತ್ತಾರೆ ಎಂಬ ಪೋಸ್ಟ್ಗಳು ಹೆಚ್ಚಾಗಿ ಕಂಡುಬರುತ್ತವೆ. ಸಾಫ್ಟ್ಬ್ಯಾಂಕ್ ಬೆಂಬಲಿತ ಇ-ಕಾಮರ್ಸ್ ಕಂಪನಿ ಮೀಶೋ ತನ್ನ ವಾರ್ಷಿಕ ರಜಾದಿನಗಳ ಮಾರಾಟದ ಸಮಯದಲ್ಲಿ ಒಟ್ಟು ಆರ್ಡರ್ಗಳಲ್ಲಿ 40% ವಾರ್ಷಿಕ ಬೆಳವಣಿಗೆಯ ದರವನ್ನು ವರದಿ ಮಾಡಿದೆ.

10 ದಿನಗಳ ‘ಮೀಶೋ ಮೆಗಾ ಬ್ಲಾಕ್ಬಸ್ಟರ್ ಸೇಲ್ 2024’ ನಲ್ಲಿ 145 ಕೋಟಿ ಗ್ರಾಹಕರು ಬಂದಿದ್ದಾರೆ ಎಂದು ಕಂಪನಿ ಹೇಳಿಕೊಂಡಿದೆ. 9 ದಿನಗಳವರೆಗೆ ಲ್ಯಾಪ್ಟಾಪ್ ಇಲ್ಲ, ಫೋನ್ ಇಲ್ಲ, ಸಂದೇಶಗಳು ಮತ್ತು ಸಭೆಗಳಿಲ್ಲ. ಕೆಲಸಕ್ಕೆ ಸಂಬಂಧಿಸಿದಂತೆ ಯಾವುದೇ ಮಾತುಕತೆ ಇರುವುದಿಲ್ಲ. ಈ ವಿರಾಮವು ಮುಂಬರುವ ವರ್ಷಕ್ಕೆ ಹೊಸ ಮತ್ತು ಶಕ್ತಿಯುತ ಆರಂಭಕ್ಕಾಗಿ ನಮ್ಮ ಮನಸ್ಸು ಮತ್ತು ದೇಹವನ್ನು ರೀಚಾರ್ಜ್ ಮಾಡಲು ಎಂದು ಕಂಪನಿ ಹೇಳಿದೆ.
ಮೀಶೋದ ಬಳಕೆದಾರ ಬೆಳವಣಿಗೆಯ ಜನರಲ್ ಮ್ಯಾನೇಜರ್ ಮಿಲನ್ ಪರ್ಟಾನಿ ಮಾತನಾಡಿ, “ಈ ವರ್ಷ ನಮ್ಮ ಮಾರಾಟದ ಸಮಯದಲ್ಲಿ, ಆರ್ಡರ್ ಗಳು ವರ್ಷದಿಂದ ವರ್ಷಕ್ಕೆ ಶೇಕಡಾ 40 ಕ್ಕಿಂತ ಹೆಚ್ಚಾಗಿದೆ. ಮೀಶೋ ಸುಮಾರು 30 ಮಿಲಿಯನ್ ಅಪ್ಲಿಕೇಶನ್ ಡೌನ್ಲೋಡ್ಗಳನ್ನು ಕಂಡಿದೆ ಮತ್ತು ಹೊಸ ಇ-ಕಾಮರ್ಸ್ ಬಳಕೆದಾರರಲ್ಲಿ 45 ಪ್ರತಿಶತದಷ್ಟು ಹೆಚ್ಚಳವನ್ನು ಕಂಡಿದೆ ಎಂದು ಅವರು ಹೇಳಿದರು.