ಪಿಣರಾಯಿ ಪೋಲೀಸ್-ಆರ್‍ಎಸ್‍ಎಸ್ ಮೈತ್ರಿ ಕೇರಳವನ್ನು ಒಡೆಯುತ್ತಿದೆ: ಎಸ್.ಡಿ.ಪಿ.ಐ.ಯಿಂದ ಜನಜಾಗೃತಿ ಅಭಿಯಾನ ಇಂದಿನಿಂದ

ಕುಂಬಳೆ: ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಪೋಲೀಸ್-ಆರ್‍ಎಸ್‍ಎಸ್ ಮೈತ್ರಿಕೂಟ ಕೇರಳವನ್ನು ನಾಶಪಡಿಸುತ್ತಿದೆ ಎಂಬ ಶೀರ್ಷಿಕೆಯಡಿ ಎಸ್‍ಡಿಪಿಐ ರಾಜ್ಯಾದ್ಯಂತ ಹಮ್ಮಿಕೊಂಡಿರುವ ಪ್ರತಿಭಟನಾ ಅಭಿಯಾನದ ಅಂಗವಾಗಿ ಮಂಜೇಶ್ವರ ಮಂಡಲ ಅಧ್ಯಕ್ಷ ಅಶ್ರಫ್ ಬಡಾಜೆ ನೇತೃತ್ವದಲ್ಲಿ ಇಂದಿನಿಂದ  19 ರ ವರೆಗೆ ವಾಹನ ರ್ಯಾಲಿಯನ್ನು ಆಯೋಜಿಸಿರುವುದಾಗಿ ಸಂಬಂಧಪಟ್ಟವರು ಸುದ್ದಿಗೋಷ್ಠಿಯಲ್ಲಿ ತಿಳಿಸಿರುವರು. 

ಕುಂಬಳೆ ಪ್ರೆಸ್ ಪೋರಂನಲ್ಲಿ ನಿನ್ನೆ ಸಂಜೆ ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ ಈ ಬಗ್ಗೆ ತಿಳಿಸಿದ  ಎಸ್ ಡಿ ಪಿ ಐ ಅಧಿಕೃತರು, ಚಿನ್ನದ ಕಳ್ಳಸಾಗಣೆ, ಕೊಲೆ, ಅತ್ಯಾಚಾರ, ತ್ರಿಶೂರ್ ಪೂರಂ ಗಲಭೆ, ಮರ ಕಡಿದು ಮಾರಾಟ ಮುಂತಾದ ನಂಬಲಸಾಧ್ಯವಾದ ಹಿಂಸಾಕೃತ್ಯಗಳನ್ನು ಭೂಗತ ಜಗತ್ತಿಗೂ ಪ್ರತಿಸ್ಪರ್ಧಿಯಾಗುವಷ್ಟು ಉನ್ನತ ಪೋಲೀಸ್ ನಾಯಕತ್ವವು ನಡೆಸುತ್ತಿದೆ ಎಂದು ಎಸ್ ಡಿ ಪಿ ಐ ಆರೋಪಿಸಿದೆ. .

ಇದನ್ನು ಆಡಳಿತ ಪಕ್ಷದ ಶಾಸಕರಾಗಿದ್ದ ವ್ಯಕ್ತಿಯೊಬ್ಬರು ಬಹಿರಂಗಪಡಿಸಿದ್ದಾರೆ. ಎಡಿಜಿಪಿ ವಿರುದ್ಧ ಗಂಭೀರ ಆರೋಪ ಬಂದರೂ ಕ್ರಮ ಕೈಗೊಳ್ಳಲು ಮುಖ್ಯಮಂತ್ರಿ ಸಿದ್ಧರಾಗಿಲ್ಲ. ಅಜಿತ್ ಕುಮಾರ್ ಅವರ ವಿರುದ್ದ ವಿಶೇಷ ತಂಡ ತನಿಖೆ ಜತೆಗೆ ಎಲ್ಲ ಪೋಲೀಸ್ ನಿಯಮಗಳನ್ನು ಉಲ್ಲಂಘಿಸಿ ಅವರ ನೇತೃತ್ವದಲ್ಲಿ ಅಕ್ರಮ ಸಮನಾಂತರ ತನಿಖೆ ನಡೆಸಿರುವುದು ಮಾಧ್ಯಮಗಳ ಮೂಲಕ ತಿಳಿದು ಬಂದಿದೆ.

ಕಾನೂನು ಮತ್ತು ಸುವ್ಯವಸ್ಥೆಯ ಉಸ್ತುವಾರಿ ಎಡಿಜಿಪಿ ಎಂಆರ್ ಅಜಿತ್ ಕುಮಾರ್ ಅವರು ಆರ್‍ಎಸ್‍ಎಸ್ ಉನ್ನತ ನಾಯಕರೊಂದಿಗೆ ರಹಸ್ಯ ಸಭೆಗಳನ್ನು ನಡೆಸಿರುವುದು ಬಹಿರಂಗಗೊಂಡಿದೆ. ಮತ್ತು ಉನ್ನತ ಮಟ್ಟದ ಸಭೆಗಳನ್ನು ಸ್ವಾಗತಿಸುತ್ತಾರೆ. ಆರ್‍ಎಸ್‍ಎಸ್ ಅಜೆಂಡಾದ ಪ್ರಕಾರ, ಪೋಲೀಸರು ಅನ್ಯಾಯವಾಗಿ ಮತ್ತು ತಾರಮ್ಯದಿಂದ ಸುಳ್ಳು ಪ್ರಕರಣಗಳನ್ನು ದಾಖಲಿಸುತ್ತಿದ್ದಾರೆ ಮತ್ತು ಅಲ್ಪಸಂಖ್ಯಾತರು ಸೇರಿದಂತೆ ಹಿಂದುಳಿದವರ ಶೋಷಣೆ ಮಾಡುತ್ತಿದ್ದಾರೆ. ಅಲ್ಪಸಂಖ್ಯಾತರ ಪ್ರಾಬಲ್ಯವಿರುವ ಮಲಪ್ಪುರಂ ಜಿಲ್ಲೆಯಲ್ಲಿ ಸ್ವಯಂಪ್ರೇರಿತ ಭಯೋತ್ಪಾದನೆಯ ಪ್ರಕರಣಗಳು ಹೆಚ್ಚಾಗುತ್ತಿವೆ. ಕೇರಳದಲ್ಲಿ ಆರ್‍ಎಸ್‍ಎಸ್‍ನ ರಾಜಕೀಯ ಕಾರ್ಯಸೂಚಿಯನ್ನು ಸುಗಮಗೊಳಿಸುವ ವಿಧಾನ ರಾಜ್ಯ ಗೃಹ ಇಲಾಖೆಯಿಂದ ನಡೆಯುತ್ತಿದೆ. ಪೋಲೀಸರಿಂದ ಮುಸ್ಲಿಂ ವಿರೋಧಿ ಹೇಳಿಕೆಗಳು ಬರುತ್ತಿವೆ. ಎಲತ್ತೂರು ಅಗ್ನಿಸ್ಪರ್ಶ ಪ್ರಕರಣದ ಆರೋಪಿಗಳನ್ನು ಶೆಹೀನ್ ಬಾಗ್‍ನೊಂದಿಗೆ ಜೋಡಿಸಿರುವ ಅಜಿತ್ ಕುಮಾರ್ ಅವರ ಹೇಳಿಕೆ ಆರ್‍ಎಸ್‍ಎಸ್ ಮುಖಂಡ ವಲ್ಸನ್ ತಿಲ್ಲಂಗೇರಿ ಅವರದ್ದು. ಅಗಾಧ ಪುರಾವೆಗಳ ಹೊರತಾಗಿಯೂ ಮುಖ್ಯಮಂತ್ರಿಗಳು ತಾವು ಎದುರಿಸುತ್ತಿರುವ ಬಿಕ್ಕಟ್ಟನ್ನು ನೀಗಿಸಲು ಕೇರಳದ ಜಾತ್ಯತೀತತೆಯ  ಭವಿಷ್ಯವನ್ನು ಬಲಿಕೊಡುವ ದುಸ್ಥಿತಿಗೆ ಸಾಕ್ಷಿಯಾಗುತ್ತಿದ್ದಾರೆ. ಎರಡನೇ ಪಿಣರಾಯಿ ಸರ್ಕಾರ ಸಂಪೂರ್ಣ ವಿಫಲವಾಗಿದೆ ಎಂಬುದು ದಿನದಿಂದ ದಿನಕ್ಕೆ ಸಾಬೀತಾಗುತ್ತಿದೆ. ಎಡ ಸರ್ಕಾರದ ಜನವಿರೋಧಿ ಆಡಳಿತ ಹಾಗೂ ಪೋಲೀಸ್-ಆರ್‍ಎಸ್‍ಎಸ್ ಷಡ್ಯಂತ್ರವನ್ನು ಬಯಲಿಗೆಳೆಯಲು ಎಸ್‍ಡಿಪಿಐ ಈ ವಾಹನ ರ್ಯಾಲಿಯನ್ನು ಆಯೋಜಿಸುತ್ತಿದೆ ಎಂದು ಮುಖಂಡರು ತಿಳಿಸಿದರು.

16ರಂದು ಸಂಜೆ 4 ಗಂಟೆಗೆ ಮೊಗ್ರಾಲ್‍ನಲ್ಲಿ ಜಿಲ್ಲಾ ಕಾರ್ಯದರ್ಶಿ ಸಿ.ಎ.ಸವಾದ್ ಉದ್ಘಾಟಿಸಲಿದ್ದು, 19ರಂದು ಸಂಜೆ 7 ಗಂಟೆಗೆ ಹೊಸಂಗಡಿಯಲ್ಲಿ ಮೆರವಣಿಗೆಯೊಂದಿಗೆ ಜಾಥಾ ಸಮಾರೋಪಗೊಳ್ಳಲಿದೆ. ಸುದ್ದಿಗೋಷ್ಠಿಯಲ್ಲಿ ಘಟಕದ ಉಪಾಧ್ಯಕ್ಷ ಅನ್ವರ್ ಆರಿಕ್ಕಾಡಿ, ಮಂಡಲ ಉಪಾಧ್ಯಕ್ಷ ಶರೀಫ್ ಪಾವೂರು, ಕಾರ್ಯದರ್ಶಿ ಸಾಬೀರ್ ಪೊಸೋಟ್, ಸುಬೈರ್ ಹಾರಿಸ್, ಮಂಡಲ ಸಮಿತಿ ಸದಸ್ಯ ತಾಜುದ್ದೀನ್ ಉಪ್ಪಳ ಉಪಸ್ಥಿತರಿದ್ದರು.