ಲೈಂಗಿಕ ದೌರ್ಜನ್ಯ: ಶಾಸಕ ಮುಕೇಶ್ ಬಂಧನ, ಬಿಡುಗಡೆ

          ತ್ರಿಶ್ಶೂರ್: ಸಿಪಿಎಂ ಶಾಸಕ ಹಾಗೂ ನಟ ಮುಕೇಶ್‌ ಅವರನ್ನು ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪದಡಿ ಎಸ್‌ಐಟಿ ಪೊಲೀಸರು ಸೋಮವಾರ ಬಂಧಿಸಿದರು.

         ಸೆಷನ್ಸ್‌ ನ್ಯಾಯಾಲಯದಿಂದ ಈ ಹಿಂದೆಯೇ ನಿರೀಕ್ಷಣಾ ಜಾಮೀನು ಪಡೆದಿದ್ದರಿಂದ, ವೈದ್ಯಕೀಯ ಪರೀಕ್ಷೆ ನಡೆಸಿದ ಬಳಿಕ ಬಿಡುಗಡೆ ಮಾಡಲಾಯಿತು ಎಂದು ಶಾಸಕರ ಪರ ವಕೀಲರು ತಿಳಿಸಿದ್ದಾರೆ.

             2010ರಲ್ಲಿ ಕೇರಳದ ತ್ರಿಶ್ಶೂರ್‌ನಲ್ಲಿ ಮುಕೇಶ್‌ ಲೈಂಗಿಕ ದೌರ್ಜನ್ಯ ಎಸಗಿದ್ದರು ಎಂದು ಮಹಿಳಾ ನಟಿಯೊಬ್ಬರು ದೂರು ನೀಡಿದ್ದರು.

             ಮುಕೇಶ್‌ ವಿರುದ್ಧ ಎರಡು ಪ್ರಕರಣಗಳು ದಾಖಲಾಗಿವೆ. ಒಂದು ವಡಕ್ಕಂಚೇರಿ ಪೊಲೀಸ್‌ ಠಾಣೆಯಲ್ಲಿ, ಇನ್ನೊಂದು ಮರಾಡು ಪೊಲೀಸ್‌ ಠಾಣೆಯಲ್ಲಿ ದಾಖಲಾಗಿದೆ. ಈ ಎರಡೂ ಪ್ರಕರಣದಲ್ಲಿ ಶಾಸಕರಿಗೆ ನಿರೀಕ್ಷಣಾ ಜಾಮೀನು ಸಿಕ್ಕಿದೆ.