ಪಾಕಿಸ್ತಾನಿಗಳಿಗೆ ಕೇರಳದಲ್ಲಿ ಆಸ್ತಿ: ಸರ್ಕಾರದ ಕ್ರಮದ ವಿರುದ್ಧ ಕಾನೂನು ಸಹಾಯ ನೀಡುವ ವಾಗ್ದಾನಗೈದ ಶಾಸಕ

ತಿರುರಂಗಡಿ: ದೇಶ ವಿಭಜನೆಯ ನಂತರ ಪಾಕಿಸ್ತಾನದ ಪೌರತ್ವ ಪಡೆದವರ ಕೇರಳದಲ್ಲಿರುವ ಆಸ್ತಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಕೇಂದ್ರ ಸರ್ಕಾರ ಮುಂದಾಗುತ್ತಿದ್ದಂತೆ ಕೆಲವರು ಕಾನೂನು ನೆರವಿನ ಹೆಸರಿನಲ್ಲಿ ಪ್ರತಿಭಟನೆ ನಡೆಸಲು ಸಂಘಟಿತರಾಗುತ್ತಿದ್ದಾರೆ ಎಂದು ತಿಳಿದುಬಂದಿದೆ.

ಮುಸ್ಲಿಂ ಲೀಗ್ ಶಾಸಕ ಕೆಪಿಎ ಮಜೀದ್ ಅವರು ಸಹಾಯ ಮಾಡಲು ಮುಂದಾಗಿದ್ದಾರೆ.  ಮಜೀದ್. ಮಲಪ್ಪುರಂನ ತಿರುರಂಗಡಿಯ ಶಾಸಕರು. ಅವರು ಕರೆದಿದ್ದ ಸಭೆಯಲ್ಲಿ ಎಲ್ಲ ಕಾನೂನು ನೆರವು ನೀಡುವುದಾಗಿ ಭರವಸೆ ನೀಡಿರುವುದಾಗಿ ತಿಳಿದುಬಂದಿದೆ. 

ಕ್ಷೇತ್ರದಲ್ಲಿ ಸುಮಾರು 75 ಕುಟುಂಬಗಳು ಪಾಕಿಸ್ತಾನಿ ಪ್ರಜೆಗಳಿಗೆ ಸೇರಿದ ಆಸ್ತಿಗಳನ್ನು ಹೊಂದಿವೆ. ನನ್ನಂಬ್ರಾದಲ್ಲಿ 28 ಕುಟುಂಬಗಳು, ತೆನ್ನಾಲ, ಪರಪ್ಪನಂಗಡಿ, ತಿರುರಂಗಡಿ, ಪೆರುಮಣ್ಣ ಕ್ಲಾರಿ ಮತ್ತು ಏತರಿಕೋಡ್‍ನಲ್ಲಿ 49 ಕುಟುಂಬಗಳು ಪಾಕಿಸ್ತಾನಿ ಪ್ರಜೆಗಳ ಸ್ಥಿರ ಆಸ್ತಿಯನ್ನು ಹೊಂದಿವೆ. ಇವರಲ್ಲಿ  ಕೆಲವರಿಗೆ ಮಾತ್ರ ಸರ್ಕಾರದ ಸೂಚನೆ ಬಂದಿದೆ. ನೋಟಿಸ್‍ಗೆ ಹದಿನೈದು ದಿನಗಳಲ್ಲಿ ಉತ್ತರಿಸುವಂತೆ ಸೂಚಿಸಲಾಗಿದೆ. ಶಾಸಕರು ಅವರಿಗೆ ವಕೀಲರ ವ್ಯವಸ್ಥೆ ಮಾಡಿದ್ದಾರೆ. ಪ್ರತಿಯೊಬ್ಬರ ಸಮಸ್ಯೆಗಳು ಮತ್ತು ಜಮೀನಿನ ನಮೂನೆಗಳು ವಿಭಿನ್ನವಾಗಿರುವುದರಿಂದ ಸಂಸದರ ಸೇರ್ಪಡೆಯೊಂದಿಗೆ ವಿಸ್ತೃತ ಸಭೆ ನಡೆಸಿ ಕೇಂದ್ರ ಗೃಹ ಸಚಿವಾಲಯದ ಗಮನಕ್ಕೆ ತರಲಾಗುವುದು ಎಂದು ಮಜೀದ್ ಹೇಳಿದರು. ಸಭೆಯಲ್ಲಿ ತಿರುರಂಗಡಿ ಕ್ಷೇತ್ರ ಮುಸ್ಲಿಂ ಲೀಗ್ ಅಧ್ಯಕ್ಷ ಸಿ.ಎಚ್.ಮಹಮೂದ್ ಹಾಜಿ, ಪ್ರಧಾನ ಕಾರ್ಯದರ್ಶಿ ಕೆ. ಕುಂಜಿಮರಕರ, ಮಂಡಲ ಯೂತ್ ಲೀಗ್ ಅಧ್ಯಕ್ಷ ಯು.ಎ. ರಜಾಕ್ ಮತ್ತು ಇತರರಿದ್ದರು.