ನಾನು ಎಲ್ಲದಕ್ಕೂ ರೆಡಿ. ರೀಲ್ಸ್​ನಿಂದಲೇ ಸಿನಿಮಾ ಅವಕಾಶ ಗಿಟ್ಟಿಸಿದ ಮಲಯಾಳಿ ಯುವತಿಯ ಶಾಕಿಂಗ್ ಹೇಳಿಕೆ!

          ತಿರುವನಂತಪುರಂ: ಮಲಯಾಳಿ ಮಾಡೆಲ್ ಆರಾಧ್ಯ ದೇವಿ ( Aradhya Devi ) ಅಲಿಯಾಸ್​ ಶ್ರೀಲಕ್ಷ್ಮಿ ಸತೀಶ್ ಅವರು ಲೆಜೆಂಡರಿ ಡೈರೆಕ್ಟರ್​ ರಾಮ್ ಗೋಪಾಲ್ ವರ್ಮಾ ( Ram Gopal Varma ) ಅವರ ಸಿನಿಮಾದೊಂದಿಗೆ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಲು ಸಿದ್ಧರಾಗಿದ್ದಾರೆ. ತನ್ನ ಇನ್​ಸ್ಟಾಗ್ರಾಂ ರೀಲ್‌ಗಳ ಮೂಲಕವೇ ಗಮನಸೆಳೆದ ಆರಾಧ್ಯ, ಆರಂಭದಲ್ಲಿ ಗ್ಲಾಮರ್ ಪಾತ್ರಗಳನ್ನು ಮಾಡುವುದಿಲ್ಲ ಎಂದಿದ್ದರು.   ಆದರೆ, ಇದೀಗ ತಮ್ಮ ಮಾತನ್ನು ವಾಪಸ್​ ತೆಗೆದುಕೊಂಡಿದ್ದಾರೆ.

        ತಮ್ಮ ಇನ್​ಸ್ಟಾಗ್ರಾಂ ಸ್ಟೋರಿ ಮೂಲಕ ಗ್ಲಾಮರಸ್ ಪಾತ್ರಗಳ ಕುರಿತ ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ್ದಾರೆ. ನನ್ನ ದೃಷ್ಟಿಕೋನ ಬದಲಾಗಿದ್ದು, ಗ್ಲಾಮರಸ್ ಅಥವಾ ಗ್ಲಾಮರಸ್​ ಇಲ್ಲದ ಯಾವುದೇ ಪಾತ್ರವನ್ನು ನಾನು ಮಾಡುತ್ತೇನೆ ಎಂದು ನಟಿ ಆರಾಧ್ಯ ಹೇಳಿದ್ದಾರೆ.

          ಗ್ಲಾಮರ್ ಪಾತ್ರಗಳನ್ನು ಮಾಡುವುದಿಲ್ಲ ಎಂದು ನಾನು ಈ ಹಿಂದೆ ಹೇಳಿದ್ದೆ. ಇಪ್ಪತ್ತೆರಡನೇ ವಯಸ್ಸಿನಲ್ಲಿ ನಾನು ತೆಗೆದುಕೊಂಡ ನಿರ್ಧಾರವನ್ನು ನಾನಿಂದು ಜಡ್ಜ್​ ಮಾಡಲು ಹೋಗುವುದಿಲ್ಲ. ಜೀವನದ ಅನುಭವಗಳು ಮತ್ತು ಸಮಯಗಳು ಬದಲಾಗುತ್ತಿದ್ದಂತೆ ನಮ್ಮ ದೃಷ್ಟಿಕೋನಗಳು ಕೂಡ ಬದಲಾಗುತ್ತವೆ. ಜನರು ಮತ್ತು ನನ್ನ ಪಾತ್ರಗಳ ಬಗ್ಗೆ ನನ್ನ ಗ್ರಹಿಕೆಗಳು ಬದಲಾಗುತ್ತವೆ. ಆ ದಿನ ನಾನು ನೀಡಿದ ಹೇಳಿಕೆಗೆ ನಾನು ಪಶ್ಚಾತ್ತಾಪ ಪಡುವುದಿಲ್ಲ. ನಾನು ಯಾವುದೇ ಗ್ಲಾಮರಸ್​ ಪಾತ್ರಕ್ಕೂ ಸಿದ್ಧಳಿದ್ದೇನೆ ಮತ್ತು ಉತ್ತಮ ಪಾತ್ರಗಳಿಗಾಗಿ ಕಾಯುತ್ತಿದ್ದೇನೆ ಎಂದು ಆರಾಧ್ಯ ಹೇಳಿದ್ದಾರೆ.

            ಅಂದಹಾಗೆ ಕೇರಳ ಮೂಲದ ಶ್ರೀಲಕ್ಷ್ಮೀ ಸತೀಶ್​, ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ ಒಂದೇ ಒಂದು ವಿಡಿಯೋ ಮೂಲಕ ಲಕ್ಷಾಂತರ ನೆಟ್ಟಿಗರ ಮನ ಸೆಳೆದ ರೂಪದರ್ಶಿ. ಈಕೆ ಸೀರೆಯುಟ್ಟ ವಿಡಿಯೋ ನೆಟ್ಟಿಗರನ್ನು ಮಾತ್ರವಲ್ಲ, ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾರ ಗಮನವನ್ನೂ ಸೆಳೆದಿದೆ. ತನ್ನ ವೈರಲ್​ ವಿಡಿಯೋದಿಂದಾಗಿ ಶ್ರೀಲಕ್ಷ್ಮಿಗೆ ನಾಯಕಿಯಾಗಿ ನಟಿಸುವ ಅವಕಾಶವು ಒದಗಿ ಬಂದಿತು. ರಾಮ್​ ಗೋಪಾಲ್​ ವರ್ಮಾ ನಿರ್ದೇಶನದ ಸ್ಯಾರಿ ಸಿನಿಮಾದಲ್ಲಿ ಶ್ರೀಲಕ್ಷ್ಮೀಗೆ ಅವಕಾಶ ಸಿಕ್ಕಿದೆ. ಈ ಕಾರಣದಿಂದ ಆಕೆ ತನ್ನ ಹೆಸರನ್ನು ಶ್ರೀ ಲಕ್ಷ್ಮಿಯಿಂದ ಆರಾಧ್ಯ ದೇವಿ ಎಂದು ಬದಲಾಯಿಸಿಕೊಂಡಿದ್ದು, ಇನ್ನು ಕೆಲವೇ ದಿನಗಳಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ.