ಬೆಚ್ಚಿಬೀಳಿಸುವ ಘಟನೆ: ಬಂಧಿತ ಪ್ಲಸ್ ಟು ವಿದ್ಯಾರ್ಥಿಗಳಿಂದ ಗ್ಯಾಂಗ್‍ಗಳು ಬಳಸುವ ಮಾರಕ ಆಯುಧಗಳು ಪತ್ತೆ : ಸಾಗುತ್ತಿರುವುದೆತ್ತ?

ಕುಟ್ಟನಾಡಲ್ಲಿ ಪ್ಲಸ್ ಟು ವಿದ್ಯಾರ್ಥಿಗಳ ನಡುವಿನ ಸಂಘರ್ಷದ ಹಿನ್ನೆಲೆಯಲ್ಲಿ ಬಂಧಿಸಲಾದ ವಿದ್ಯಾರ್ಥಿಗಳ ವಶದಲ್ಲಿ ಮಾರಕಾಯುಧಗಳು ಪತ್ತೆಯಾಗಿದ್ದು ಪೋಲೀಸರೇ ಬೆಚ್ಚಿಬಿದ್ದಿದ್ದಾರೆ.

ವಿದ್ಯಾರ್ಥಿಗಳಿಂದ ಕೋಟಾ ಗ್ಯಾಂಗ್‍ಗಳು ಬಳಸುತ್ತಿದ್ದ ಮಾರಕಾಸ್ತ್ರಗಳನ್ನು ಪೋಲೀಸರು ವಶಪಡಿಸಿಕೊಂಡಿದ್ದಾರೆ. ದಾಳಿಯ ವೇಳೆ ತಮ್ಮ ಎದುರಾಳಿಗಳನ್ನು ಕೊಲ್ಲಲು ಕೊಟೇಶನ್ ಗುಂಪುಗಳು ಬಳಸುತ್ತಿದ್ದ ಮಾರಕಾಸ್ತ್ರಗಳನ್ನು ವಿದ್ಯಾರ್ಥಿ ತಂಡದಿಂದ ವಶಪಡಿಸಿಕೊಂಡಿರುವ ಘಟನೆ ನವ ಸಮಾಜ ಎತ್ತ ಸಾಗುತ್ತಿದೆಯೋ ಎಂಬ ಭೀತಿಗೆ ಕಾರಣವಾಗಿದೆ. 

ಮೊದಲ ಘರ್ಷಣೆ ನಡೆದಿದ್ದು ತ್ರಿತಳ ಉಪಜಿಲ್ಲಾ  ಕಲೋತ್ಸವದ ವೇಳೆ. ನಂತರ ಸಮನ್ವಯ ಪ್ರಯತ್ನದ ವೇಳೆ ಭುಗಿಲೆದ್ದ ಸಂಘರ್ಷದ ವೇಳೆ ವಿದ್ಯಾರ್ಥಿಗಳು ಮಾರಕಾಯುಧಗಳೊಂದಿಗೆ ಬಂದಿದ್ದರು. ದಾಳಿಯಲ್ಲಿ ಓರ್ವ ವಿದ್ಯಾರ್ಥಿಗೆ ಚೂರಿ ಇರಿತವಾಗಿದೆ. ಕಲೋತ್ಸವಕ್ಕೆ ಸಂಬಂಧಿಸಿದ ವಿವಾದ ಸಂಘರ್ಷಕ್ಕೆ ಕಾರಣವಾಯಿತು.

ಚೂಪಾದ ಅಲಗುಗಳಿರುವ  ಸ್ಟೀಲ್‍ನಿಂದ ತಯಾರಿಸಿದ ಆಯುಧ ಮತ್ತು ಹ್ಯಾಂಡಲ್‍ಗೆ ಸುತ್ತಿದ ಕಾಗದದ ಟ್ಯಾಪ್, ತಲೆಗೆ ಹೊಡೆಯಲು ಗ್ಯಾಂಗ್‍ಗಳು ಬಳಸುವ ಸ್ಟೀಲ್ ತುದಿಯ ಮತ್ತೊಂದು ಮಡಿಸುವ ಆಯುಧ ಮತ್ತು ಹರಿತವಾದ ಚಾಕುವನ್ನು ವಶಪಡಿಸಿಕೊಳ್ಳಲಾಗಿದೆ.

ಕೋಟೇಶನ್ ಗ್ಯಾಂಗ್‍ಗಳಿಗೆ ಸವಾಲೆಸೆದು ಬರ್ಬರವಾಗಿ ಥಳಿಸಿದ ವಿದ್ಯಾರ್ಥಿ ಗ್ಯಾಂಗ್‍ನಿಂದ ಹೊಟ್ಟೆಗೆ ಚೂರಿ ಇರಿಯುವಂತಹ ಆಯುಧಗಳು ವಿದ್ಯಾರ್ಥಿಗಳಿಗೆ ಎಲ್ಲಿಂದ ಬಂದವು ಎಂಬ ಬಗ್ಗೆಯೂ ಪೋಲೀಸರು ತನಿಖೆ ಆರಂಭಿಸಿದ್ದಾರೆ.