ರಸ್ತೆ ಗುಂಡಿಗಳಿಗೆ ಬಿದ್ದು ಸಾವು ಸಂಭವಿಸುವ ಘಟನೆಗಳು ಇನ್ನೆಲ್ಲಿವೆ: ಹೈಕೋರ್ಟ್

ಕೊಚ್ಚಿ: ರಸ್ತೆ ಗುಂಡಿಗಳಲ್ಲಿ ಬಿದ್ದು ಸಾವು ಸಂಭವಿಸಿದರೂ ಅಧಿಕಾರಿಗಳು ತಲೆಕೆಡಿಸಿಕೊಂಡಿಲ್ಲ ಎಂದು ಹೈಕೋರ್ಟ್ ಟೀಕಿಸಿದೆ. ಅಧಿಕಾರಿಗಳು ಇದೆಲ್ಲವನ್ನೂ ಅಂಕಿ ಅಂಶಗಳ ಭಾಗವಾಗಿ ನೋಡುತ್ತಾರೆ ಎಂದು ನ್ಯಾಯಾಲಯ ಕಿಡಿಕಾರಿದೆ.

ಕೊಡಂಗಲ್ಲೂರಿನಲ್ಲಿ ರಸ್ತೆಯಲ್ಲಿ ನೀರು ತುಂಬಿದ ಹೊಂಡಕ್ಕೆ ಬಿದ್ದು ಬೈಕ್ ಸವಾರ ಸಾವನ್ನಪ್ಪಿದ ಘಟನೆಯಲ್ಲಿ ನ್ಯಾಯಮೂರ್ತಿ ದೇವನ್ ರಾಮಚಂದ್ರನ್ ಈ ಟೀಕೆ ಮಾಡಿದ್ದಾರೆ. 

ಘಟನೆಗೆ ಸಂಬಂಧಿಸಿದಂತೆ ನ್ಯಾಯಾಲಯವು ಅಧಿಕಾರಿಗಳಿಂದ ವಿವರಣೆ ಕೇಳಿದೆ. ರಾತ್ರಿ ಹೊಂಡಕ್ಕೆ ಬಿದ್ದು ಅಝಿಕೋಡ್ ಮೂಲದ ನಿಖಿಲ್ ಆಂಟೋನಿ (24) ಮೃತಪಟ್ಟಿದ್ದರು. ರಸ್ತೆಯಲ್ಲಿನ ಗುಂಡಿಗಳಲ್ಲಿ ಜನರು ಬೀಳುವ ಘಟನೆ ಬೇರೆ ಎಲ್ಲಿಯಾದರೂ ಇದೆಯೇ ಎಂದು ನ್ಯಾಯಾಲಯ ಕೇಳಿದೆ. ಜಿಲ್ಲಾಧಿಕಾರಿ ಮತ್ತು ಇತರೆ ಅಧಿಕಾರಿಗಳು ಈ ಯಾವುದೇ ವಿಷಯಗಳನ್ನು ಪರಿಗಣಿಸುವುದಿಲ್ಲ. ಎಲ್ಲವನ್ನೂ ಸಮರ್ಥಿಸುವ ಗೀಳು ಬೆಳೆದುಕೊಂಡಿದೆ. ಆದರೆ ಹೈಕೋರ್ಟ್‍ನ ಬಲವಾದ ಮಧ್ಯಸ್ಥಿಕೆ ಇರುತ್ತದೆ ಎಂದು ನ್ಯಾಯಮೂರ್ತಿ ದೇವನ್ ರಾಮಚಂದ್ರನ್ ಹೇಳಿದ್ದಾರೆ.