ಮದರಸಾ ಶಿಫಾರಸು: ಕೇರಳದಲ್ಲಿ ತಪ್ಪು ತಿಳುವಳಿಕೆ ಮೂಡಿಸುವ ಪ್ರಯತ್ನ ನಡೆಯುತ್ತಿದೆ: ಎಪಿ ಅಬ್ದುಲ್ಲಕುಟ್ಟಿ

      ನವದೆಹಲಿ: ಮದರಸಾಗಳಿಗೆ ಸಂಬಂಧಿಸಿದಂತೆ ರಾಷ್ಟ್ರೀಯ ಮಕ್ಕಳ ಹಕ್ಕು ಆಯೋಗ ನೀಡಿರುವ ಶಿಫಾರಸಿನಿಂದ ಕೇರಳದ ಕೆಲವರು ತಪ್ಪು ತಿಳುವಳಿಕೆ ಮೂಡಿಸಲು ಯತ್ನಿಸುತ್ತಿದ್ದಾರೆ ಎಂದು ಬಿಜೆಪಿ ರಾಷ್ಟ್ರೀಯ ಉಪಾಧ್ಯಕ್ಷ ಎ.ಪಿ. ಅಬ್ದುಲ್ಲಕುಟ್ಟಿ ತಿಳಿಸಿದ್ದಾರೆ.

ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ಆಯೋಗದ ಪ್ರಸ್ತಾವನೆಯು ಮುಸ್ಲಿಂ ಸಮುದಾಯದ ಮಕ್ಕಳನ್ನು ಶಾಲಾ ಶಿಕ್ಷಣದ ಭಾಗವಾಗಿಸುವ ಗುರಿಯನ್ನು ಹೊಂದಿದೆ. ಅನೇಕ ರಾಜ್ಯಗಳಲ್ಲಿ ಮದರಸಾಗಳಲ್ಲಿ ಮಾತ್ರ ಓದುವ ಮಕ್ಕಳಿದ್ದಾರೆ. ಈ ಹಿನ್ನೆಲೆಯಲ್ಲಿ ಹೇಳಿಕೆ ಗಮನಿಸಬೇಕು ಎಂದರು.

         ಅವರು ಈ ಸ್ಥಳಗಳಿಂದ ಮಾತ್ರ ಧರ್ಮವನ್ನು ಕಲಿಯುತ್ತಾರೆ. ಸಾರ್ವಜನಿಕ ಶಿಕ್ಷಣಕ್ಕೆ ಸಂಬಂಧಿಸಿದ ಯಾವುದನ್ನೂ ಅವರು ಪಡೆಯುವುದಿಲ್ಲ. ಅವರನ್ನು ಶಾಲೆಗಳಿಗೆ ಸೇರಿಸಿ ಅಧಿಕೃತ ಶಿಕ್ಷಣದ ಭಾಗವಾಗಿಸಬೇಕೆಂಬುದು ಆಯೋಗದ ಮುಂದಿರುವ ಪ್ರಸ್ತಾವನೆ.

          ಆದರೆ ಇದು ಮುಸ್ಲಿಂ ಸಮುದಾಯದಲ್ಲಿ ತಪ್ಪು ತಿಳುವಳಿಕೆ ಮೂಡಿಸುವ ಪ್ರಯತ್ನವಾಗಿದೆ. ಕೆಲವರು ಸುಳ್ಳು ಪ್ರಚಾರ ಮಾಡುತ್ತಿದ್ದಾರೆ.

   ಭಾರತ ಅಭಿವೃದ್ಧಿ ಹೊಂದಿದ ದೇಶವಾದಾಗ ಅದರ ಲಾಭ ಸಮಾಜದ ಎಲ್ಲ ವರ್ಗದವರಿಗೂ ಸಿಗಬೇಕು. ಮೋದಿ ಸರ್ಕಾರ ಸಾಮಾನ್ಯ ಮುಸ್ಲಿಮರನ್ನು ಕೈ ಹಿಡಿದು ಸಮಾಜದ ಮುಖ್ಯವಾಹಿನಿಗೆ ತರಲು ಪ್ರಯತ್ನಿಸುತ್ತಿದೆ ಎಂದು ಅವರು ಹೇಳಿದರು.