ಪಾನ್ ಕಾರ್ಡ್ ಸಂಖ್ಯೆ ಏನೆಲ್ಲಾ ಹೇಳುತ್ತದೆ ಗೊತ್ತೇ?

 ಪಾನ್ ಕಾರ್ಡ್ (PAN Card) ಬಹುತೇಕ ಎಲ್ಲರ ಬಳಿಯೂ ಇದ್ದೇ ಇರುತ್ತದೆ. ಇದರಲ್ಲಿರುವ ಶಾಶ್ವತ ಖಾತೆ ಸಂಖ್ಯೆಯನ್ನು (Permanent Account Number) ಬಹುತೇಕ ಎಲ್ಲರೂ ಕಂಠಪಾಠ ಮಾಡಿರುತ್ತಾರೆ. 10 ಅಂಕೆಯ ಈ ನಂಬರ್ ಏನು ಹೇಳುತ್ತದೆ ಎನ್ನುವುದು ಬಹುತೇಕ ಮಂದಿಗೆ ಗೊತ್ತಿರಲಿಕ್ಕಿಲ್ಲ.

ಈ ಸಂಖ್ಯೆಯು ಕೆಲವು ಪ್ರಮುಖ ಮಾಹಿತಿಯನ್ನು ಹೊಂದಿರುತ್ತದೆ.

ಯುಟಿಐ (Infrastructure Technology And Services Limited) ಮತ್ತು ಎನ್‌ಎಸ್‌ಡಿಎಲ್ (National Securities Depository Limited) ಮೂಲಕ ಪ್ಯಾನ್ ಕಾರ್ಡ್‌ಗಳನ್ನು ನೀಡುವ ಆದಾಯ ತೆರಿಗೆ ಇಲಾಖೆಯು (Income Tax Department) ಪಾನ್ ಕಾರ್ಡ್‌ಗೆ ಹೆಸರಿಸಲು ವಿಶಿಷ್ಟ ವಿಧಾನವನ್ನು ಅಳವಡಿಸಿಕೊಂಡಿದೆ. ಇದು ಮೊಬೈಲ್ ಸಂಖ್ಯೆಯಂತೆ ಕಂಪ್ಯೂಟರ್ ಮೂಲಕ ರಚಿಸಲಾಗುವುದಿಲ್ಲ.

ಪ್ರತಿ ಪಾನ್ ಕಾರ್ಡ್ ಕೂಡ 10 ಅಂಕೆಗಳನ್ನು ಹೊಂದಿರುತ್ತದೆ. ಮೊದಲ 5 ಅಕ್ಷರಗಳು ಇಂಗ್ಲಿಷ್ ವರ್ಣಮಾಲೆಗಳಾಗಿದ್ದು ಅನಂತರ 4 ಸಂಖ್ಯೆಗಳು ಕೊನೆಗೆ ಮತ್ತೆ ವರ್ಣಮಾಲೆಯೊಂದಿಗೆ ಕೊನೆಗೊಳ್ಳುತ್ತವೆ.

ಪಾನ್ ಕಾರ್ಡ್‌ನಲ್ಲಿ ಅಕ್ಷರವು 'ಒ' ಅಥವಾ ಸಂಖ್ಯೆ ಸೊನ್ನೆಯನ್ನು ಹೊಂದಿದ್ದರೆ ಗೊಂದಲವಾಗುವುದು ಸಾಮಾನ್ಯ. ಇದಕ್ಕಾಗಿ ಅಕ್ಷರ ಮತ್ತು ಸಂಖ್ಯೆಗಳನ್ನು ಹಾಕುವ ಮಾದರಿ ತಿಳಿದುಕೊಳ್ಳಬೇಕು. ಇದು ಗೊಂದಲವನ್ನು ಪರಿಹರಿಸುತ್ತದೆ.

ಪಾನ್ ಕಾರ್ಡ್‌ನಲ್ಲಿನ ಮೊದಲ ಐದು ಅಕ್ಷರಗಳಲ್ಲಿ ಮೊದಲ ಮೂರು ಅಕ್ಷರಗಳು A ನಿಂದ Z ವರೆಗಿನ ವರ್ಣಮಾಲೆಯ ಸರಣಿಯನ್ನು ಪ್ರತಿನಿಧಿಸುತ್ತದೆ. ಆದಾಯ ತೆರಿಗೆ ಇಲಾಖೆಯ ದೃಷ್ಟಿಯಲ್ಲಿ ಪಾನ್ ಕಾರ್ಡ್ ಹೊಂದಿರುವ ವ್ಯಕ್ತಿ ಯಾರೆಂದು ನಾಲ್ಕನೇ ಅಕ್ಷರ ಹೇಳುತ್ತದೆ.

ಎಲ್ಲಾ ಪಾನ್ ಕಾರ್ಡ್‌ಗಳಲ್ಲೂ ನಾಲ್ಕನೇ ಅಕ್ಷರ "P" ಆಗಿರುತ್ತದೆ. ಇಲ್ಲಿ "ಪಿ" ಎಂದರೆ ವ್ಯಕ್ತಿ ಎಂದರ್ಥ. "ಸಿ" ಎಂದರೆ ಕಂಪನಿ, "ಹೆಚ್" ಎಂದಿದ್ದರೆ ಹಿಂದೂ ಅವಿಭಜಿತ ಕುಟುಂಬ (HUF), "ಎ" ಎಂದರೆ ಅಸೋಸಿಯೇಷನ್ ​​ಆಫ್ ಪರ್ಸನ್ಸ್ (AOP), "ಬಿ" ಎಂದರೆ ವ್ಯಕ್ತಿಗಳ ದೇಹ (BOI), "ಜಿ" ಎಂದರೆ ಸರ್ಕಾರಿ ಸಂಸ್ಥೆ, "ಜೆ" ಎಂದರೆ ಕೃತಕ ನ್ಯಾಯಾಂಗ ವ್ಯಕ್ತಿ, "ಎಲ್" ಎಂದರೆ ಸ್ಥಳೀಯ ಪ್ರಾಧಿಕಾರ, "ಎಫ್" ಎಂದರೆ ಸಂಸ್ಥೆ, "ಟಿ" ಎಂದರೆ ಟ್ರಸ್ಟ್.

ಪಾನ್ ಕಾರ್ಡ್‌ನ ಐದನೇ ಅಕ್ಷರವು ಪಾನ್ ಕಾರ್ಡ್ ಹೊಂದಿರುವ ವ್ಯಕ್ತಿಯ ಉಪನಾಮದ ಮೊದಲ ಅಕ್ಷರವಾಗಿರುತ್ತದೆ. ಉದಾಹರಣೆಗೆ ನಿಮ್ಮ ಕೊನೆಯ ಹೆಸರು ಅಥವಾ ಉಪನಾಮ ರಾವ್ ಆಗಿದ್ದರೆ ಐದನೇ ಅಕ್ಷರ "N" ಆಗಿರುತ್ತದೆ. ಒಂದು ವೇಳೆ ಉಪನಾಮ ಹೊಂದಿಲ್ಲದಿದ್ದರೆ ಆಗ ಐದನೇ ಅಕ್ಷರವು ಪಾನ್ ಕಾರ್ಡ್ ಹೊಂದಿರುವವರ ಹೆಸರಿನ ಮೊದಲ ಅಕ್ಷರವಾಗಿರುತ್ತದೆ.

ಮುಂದಿನ ನಾಲ್ಕು ಅಕ್ಷರಗಳು 0001ರಿಂದ 9999 ರವರೆಗಿನ ಅನುಕ್ರಮ ಸಂಖ್ಯೆಗಳಾಗಿರುತ್ತವೆ. ಪಾನ್ ಕಾರ್ಡ್ ನ ಕೊನೆಯ ಅಕ್ಷರ ಯಾವಾಗಲೂ ವರ್ಣಮಾಲೆಯಾಗಿರುತ್ತದೆ.

ಪಾನ್ ಕಾರ್ಡ್ ನ ಈ ಅಕ್ಷರಗಳ ಬಗ್ಗೆ ತಿಳಿದುಕೊಂಡರೆ ಅದು ನೆನಪಿನಲ್ಲಿ ಇಟ್ಟುಕೊಳ್ಳಲು ಸಹಾಯ ಮಾಡುತ್ತದೆ.