ಪ್ರವಾಸೋದ್ಯಮ ಇಲಾಖೆ ಅಧೀನದಲ್ಲಿರುವ ರಾಜ್ಯ ಸರ್ಕಾರಿ ಅತಿಥಿ ಗೃಹಗಳ ಬಾಡಿಗೆ ಏರಿಕೆ

ತಿರುವನಂತಪುರ: ಪ್ರವಾಸೋದ್ಯಮ ಇಲಾಖೆ ಅಧೀನದಲ್ಲಿರುವ ರಾಜ್ಯ ಸರ್ಕಾರ ಅತಿಥಿ ಗೃಹಗಳ ಬಾಡಿಗೆಯನ್ನು ಹೆಚ್ಚಿಸಿದೆ. ಪ್ರತಿ ಸ್ಥಳದಲ್ಲಿ ಎಸಿ ಕೊಠಡಿ ದರವನ್ನು 800 ರೂ.ನಿಂದ 1200 ರೂ.ಗೆ ಹೆಚ್ಚಿಸಲಾಗಿದೆ. ದರ ಏರಿಕೆ ನವೆಂಬರ್ 1 ರಿಂದ ಜಾರಿಗೆ ಬರಲಿದೆ.

ಪ್ರವಾಸೋದ್ಯಮ ಇಲಾಖೆಯಡಿ ರಾಜ್ಯದಲ್ಲಿನ ಅತಿಥಿ ಗೃಹಗಳ ಬಾಡಿಗೆಯನ್ನು ಹೆಚ್ಚಿಸುವಂತೆ ಪ್ರವಾಸೋದ್ಯಮ ಇಲಾಖೆ ನಿರ್ದೇಶಕರು ನೀಡಿದ್ದ ಶಿಫಾರಸನ್ನು ವಿಶೇಷ ಸಮಿತಿ ಪರಿಗಣಿಸಿ ದರ ಹೆಚ್ಚಳ ಮಾಡಿ ಆದೇಶ ಹೊರಡಿಸಲಾಗಿದೆ. ಕೋಝಿಕ್ಕೋಡ್ ಸರ್ಕಾರಿ ಅತಿಥಿ ಗೃಹವನ್ನು ಹೊರತುಪಡಿಸಿ, ಇತರ ಸರ್ಕಾರಿ ಅತಿಥಿ ಗೃಹಗಳು, ಯಾತ್ರಿ ನಿವಾಸ ಮತ್ತು ಕೇರಳ ಹೌಸ್ ಗಳ  ದರಗಳನ್ನು ಹೆಚ್ಚಿಸಲಾಗಿದೆ.

ಎಸಿ ಸಿಂಗಲ್ ರೂಂ ದರ 700 ರೂ.ನಿಂದ 1200 ರೂ., ಎಸಿ ಡಬಲ್ ರೂಂ ದರ 1000 ರೂ.ನಿಂದ 1800 ರೂ.ಗೆ ಮತ್ತು ಎಸಿ ಸೂಟ್ ರೂಂ ದರ 2000 ರೂ.ನಿಂದ 3300 ರೂ.ಗೆ ಏರಿಕೆಯಾಗಿದೆ.

ಆದರೆ, ಅತಿಥಿ ಗೃಹಗಳಲ್ಲಿ ದರ ಏರಿಕೆ ಸ್ಥಳದಿಂದ ಸ್ಥಳಕ್ಕೆ ಬದಲಾಗುತ್ತದೆ. ನವೀಕರಣದ ನಂತರ ಬಾಡಿಗೆಯನ್ನು ಹೆಚ್ಚಿಸಲಾಗಿದೆ ಎಂದು ಪ್ರವಾಸೋದ್ಯಮ ಇಲಾಖೆ ವಿವರಿಸಿದೆ. 2013ರ ನಂತರ ಅತಿಥಿ ಗೃಹಗಳು, ಯಾತ್ರಿ ನಿವಾಸ, ಕಾನ್ಫರೆನ್ಸ್ ಹಾಲ್‍ಗಳು ಮತ್ತು ಕೇರಳ ಹೌಸ್‍ಗಳ ದರವನ್ನು ಪರಿಷ್ಕರಿಸಿರಲಿಲ್ಲ ಎಂದು ಸ್ಪಷ್ಟನೆ ನೀಡಲಾಗಿದೆ.