ದೇವಸ್ಥಾನಗಳಲ್ಲಿ ರಾಜಕೀಯ ನಾಯಕರ ಚಿತ್ರವಿರುವ ಫ್ಲಕ್ಸ್ ಬೋರ್ಡ್‍ಗಳು ಸಲ್ಲದು; ದೇವಸ್ಥಾನಗಳು ಇದಾವುದನ್ನೂ ಹಾಕುವ ಸ್ಥಳವಲ್ಲ: ಹೈಕೋರ್ಟ್

ತಿರುವನಂತಪುರಂ: ತಿರುವಾಂಕೂರು ದೇವಸ್ವಂ ಮಂಡಳಿ ಅಧೀನದಲ್ಲಿರುವ ದೇವಾಲಯಗಳ ಒಳಗೆ ಫ್ಲಕ್ಸ್ ಬೋರ್ಡ್ ಹಾಕುವುದನ್ನು ವಿರೋಧಿಸಿ ಹೈಕೋರ್ಟ್ ಆದೇಶ ನೀಡಿದೆ.

ಅಂತಹ ಫಲಕಗಳನ್ನು ದೇವಾಲಯದ ಹೊರಗೆ ಇಡಬೇಕು. ಒಳಗೆ ಬೋರ್ಡ್ ಹಾಕಬಾರದು ಎಂದು ಕೋರ್ಟ್ ತಾಕೀತು ಮಾಡಿದೆ. ತಿರುವಾಂಕೂರು ದೇವಸ್ವಂ ಮಂಡಳಿ ಪ್ಲಾಟಿನಂ ಮಹೋತ್ಸವದ ಅಂಗವಾಗಿ ವಿವಿಧ ದೇವಸ್ಥಾನಗಳ ಒಳಗೆ ರಾಜಕೀಯ ಮುಖಂಡರ ಚಿತ್ರವಿರುವ ಫ್ಲಕ್ಸ್ ಬೋರ್ಡ್ ಅಳವಡಿಸಿತ್ತು. 

ದೇವಸ್ವಂ ಮಂಡಳಿಯ ಪ್ಲಾಟಿನಂ ಮಹೋತ್ಸವದ ಅಂಗವಾಗಿ ದೇವಸ್ಥಾನದಲ್ಲಿ ಫ್ಲಕ್ಸ್ ಬೋರ್ಡ್ ಅಳವಡಿಸಲು ನಿರ್ಧರಿಸಲಾಗಿದೆ. ಆದರೆ ಬೋರ್ಡ್‍ಗಳನ್ನು ಹಾಕದಂತೆ ಹೈಕೋರ್ಟ್‍ನ ಆದೇಶದ ಹೊರತಾಗಿಯೂ ಬೋರ್ಡ್ ಫ್ಲಕ್ಸ್ ಸ್ಥಾಪಿಸಲು ದೇವಸ್ವಂ ಸುತ್ತೋಲೆ ಹೊರಡಿಸಿದೆ.

ದೇವಸ್ಥಾನದ ಒಳಗೆ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಮತ್ತು ಇತರ ಸಚಿವರ ಚಿತ್ರಗಳನ್ನು ಒಳಗೊಂಡ ಬೋರ್ಡ್‍ಗಳನ್ನು ಹಾಕಲಾಗಿತ್ತು. ವರದಿಗಳ ಪ್ರಕಾರ, ಫ್ಲಕ್ಸ್ ಬೋರ್ಡ್‍ಗಳ ಮಾದರಿಗಳನ್ನು ತಿರುವಾಂಕೂರು ಉಪ-ಅಧಿಕಾರಿಗಳಿಗೂ ವಿತರಿಸಲಾಗಿದೆ.